Juan 4:1 - Chayahuita (Shahui)

^1-2 Iꞌhuasoꞌ naꞌa piyapiꞌsaꞌ Coansha imapi. Naꞌa aporintërin. Iporasoꞌ naꞌcon naꞌcon Quisoso imasapi. Co Quisoso chachin aporintërinhuëꞌ. Ina shaꞌhuitohuachincoi, caꞌtanoꞌsanënpitacoi aporintarai. Naꞌcon naꞌcon aporintarai. Parisioroꞌsarintaꞌ natantopi.

Juan 4:1 ပူးပေါင်းရင်းမြစ်များ

Lucas 1:76

Quëmantaꞌ, conpa, Yosë aꞌpaarinquën piyapinënpita pënënacaso marëꞌ. Sinioro isoroꞌpaquë yaoꞌmarin niꞌton, pënëntaran piyapiꞌsari natëcaiso marëꞌ.

Lucas 19:31

“¿Onpotaomataꞌ iꞌquiritaramaꞌ?” itohuachinquëmaꞌ, “Sinioro nohuantërin,” itocoꞌ, itërin.

Lucas 19:34

—Siniorori nohuantërin, itohuachina: —Inta nipachin, quëpaquëꞌ, itërin.

Lucas 2:11

Ipora tashiꞌ aꞌnara quëmapiaꞌhuaya Pirinquë nasitërin. Inasoꞌ Cristo, Yosëri aꞌpaimarinsoꞌ. Sinioro niꞌton, chinotacasoꞌ yaꞌhuërin. Nani oꞌmarin piyapiꞌsaꞌ cancanënaꞌ anoyatacaso marëꞌ.

Lucas 7:13

Ina quënanahuaton, Quisosori nosororin. —Ama imoya naꞌnëquësohuëꞌ, itërin.

Juan 3:22

Ina quëran Quisoso Cotia parti paꞌnin. Caꞌtanoꞌsanënpitacoi imarai. Inaquë huaꞌquimiáchin yaꞌhuëconahuatoi, piyapiꞌsaꞌ aporintërai.

Juan 3:26

Ina quëran Coansha shaꞌhuitonpi. —Niꞌquëꞌ Maistro. Cortaniiꞌ aquëtëran nicasëhuaꞌ, inaquë Quisosontaꞌ nisarin niꞌton, anohuitërancoi. Iporasoꞌ inantaꞌ aporintarin. Naꞌa piyapiꞌsari imasapi. Co ina nápo quëmasoꞌ imasarinënquënhuëꞌ, itopi.

Hechos 10:36

Iráca israiroꞌsacoi noya nanan shaꞌhuitërincoi. Piyapinënpita pochin nicatoncoi, Yosë anitotërincoi. Oshahuanëhuaꞌ niꞌton, Yosë inimicotopirëhuahuëꞌ, Quisocristo aꞌpaimarin nanan anoyatinpoaso marëꞌ. Inasoꞌ yaꞌipi piyapinpoaꞌ yahuaꞌanëntërinpoaꞌ.

1 Corintios 1:17

Nanamën aꞌchinaꞌhuaso marëꞌ Quisocristo acorinco. Co aporintaꞌhuaso marëꞌ acorincohuëꞌ. Aꞌchintohuatënquëmara, co naꞌcon nitotoroꞌsa pochin nontëranquëmahuëꞌ. Quisocristo corosëquë chiminin oshanënpoaꞌ inquitinpoaso marëꞌ, tënahuë. Inaíchin nanitaparin nichaꞌëinpoasoꞌ. Napoaton inasáchin aꞌchinahuë. Nisha nisha aꞌchinahuë naporini, Quisocristo nanianchitomahuëꞌ. Inaíchin yonquihuatëhuaꞌ, tëhuënchachin anoyacancantërinpoaꞌ.

1 Corintios 15:47

Atansoꞌ noꞌpa quëran ninin isoroꞌpaquë nanpicaso marëꞌ. Quisocristoso nipirinhuëꞌ Yosë yaꞌhuërin quëran oꞌmarin niꞌton, noya noya ninin.

1 Corintios 2:8

Huaꞌanoꞌsasoꞌ co nitotopihuëꞌ. Nitotopi naporini, co Quisocristo tëpaꞌitonahuëꞌ. Inasoꞌ Yosë chachin. Noya noya nipirinhuëꞌ, tëpapi.

2 Corintios 4:5

Co quiya imancoiso marëꞌ aꞌchintërainquëmahuëꞌ. Quisocristo nanamënáchin shaꞌhuitërainquëmaꞌ. “Sinioro niꞌton, inasáchin yonquicasoꞌ yaꞌhuërin,” tënai. Quiyantaꞌ ina natëtoi, nani tahuëri yacatahuarainquëmaꞌ.

Santiago 2:1

Quisocristo huaꞌanëntërinpoaꞌ. Inasáchin noya noya ninin. Ina imaramaꞌ niꞌton, ama iyaroꞌsaꞌ aꞌnapita nocancosohuëꞌ. Yaꞌipi piyapiꞌsaꞌ napopináchin nosorocoꞌ.

Apocalipsis 19:16

Aipi aꞌmorinsoquë nani ninshitërin: iso quëmapi chini chiníquën nanantaton, yaꞌipi copirnoroꞌsantaꞌ, huaꞌanëntarin. inasáchin natëcasoꞌ yaꞌhuërin tënin. Tonamënquëntaꞌ ina chachin ninshitërin.