Juan 3:8 - Chayahuita (Shahui)

⁸ Niꞌquëꞌ. Ihuan inaora nohuanton, paꞌnin. Natanarihuarahuëꞌ, intohua quëransoꞌ huëcaton intohuasona paꞌninsoꞌ, co nitotërëhuahuëꞌ. Co quënanpirëhuahuëꞌ, natanëhuaꞌ. Inapochachin Ispirito Santo yaꞌcoancantohuachinquëmaꞌ, nasitaantarëso pochin nasha cancan quëtarinquëmaꞌ, itërin.

Juan 3:8 ပူးပေါင်းရင်းမြစ်များ

Salmos 107:25

Inari camaihuachina, panca ihuan paꞌsarin. Inapohuachina panca coꞌsacaitërin.

Salmos 107:29

Ina nohuanton ihuan copi tënin. Coꞌsacainta asanoirin.

Ezequiel 37:9

Naporoꞌ Siniorosoꞌ nontaantatonco: “Carinquën nanan quëtaranquën niꞌton, niinëhuë përáquëꞌ: ‘Catapini parti quëran chachin huëꞌsahuaton isopita chimipiroꞌsa ananpiquëꞌ,’ itëquëꞌ,” itaantarinco.

Juan 1:13

Yaꞌipinpoaꞌ piyapi quëran nasitërëhuaso nipirëhuahuëꞌ, co ina quëran Yosë huëntonënquë yaꞌconëhuahuëꞌ. Co piyapi nanitërinhuëꞌ ayaꞌcoꞌinpoasoꞌ. Co canpoara nohuanton, yaꞌconëhuahuëꞌ. Yosëíchin ayaꞌconinpoaꞌ. Ina quëran huiꞌninpita pochin niꞌninpoaꞌ.

Juan 3:7

Napoaton nasitantacasoꞌ yaꞌhuërin. Ama ina natanaton, paꞌyanquësohuëꞌ.

Juan 3:9

—¿Onporahuatëtaꞌ nasitaantarëꞌ? itantarin.

Hechos 2:2

Aꞌnanaya chiníquën irininsoꞌ natanpi. Panca ihuan pochin tënëntërimarin. Inápa quëran oꞌmarin. Yaꞌipi pëianaquë tënëanahuanin.

Hechos 4:31

Nani Yosë nontohuachinara, ina nohuanton, pëiꞌ nacon nacontarin. Ispirito Santori yaꞌipiya noyá yaꞌcoancantërin. Chiníquën cancantatonaꞌ, Yosë nanamën shaꞌhuirapi.

1 Corintios 12:11

Yaꞌipi imarëhuasopita catahuarinpoaꞌ. Aꞌnaíchin Ispirito Santo niponahuëꞌ, catahuarinpoaꞌ nisha nisha nitotacasoꞌ. Inaora nohuantërinsoꞌ ananitërinpoaꞌ.

1 Corintios 2:11

Co insontaꞌ piyapi yonquirinsoꞌ nitotërinhuëꞌ. Ispiritonën tëhuënchinso nitotërin. Inapochachin Ispirito Santontaꞌ, Yosë ispiritonën niꞌton, yonquirinso chachin nitotërin.

1 Juan 2:29

Quisocristo noyasáchin ninin, nitotërëhuaꞌ. Napoaton Yosë huëntonënquë yaꞌconpatëhuaꞌ, noya nicarihuaꞌ. Inpitasona noya nipachinaꞌ, nani Yosëri anoyacancantërin niꞌton, huiꞌnin pochin niꞌsarin, tënëhuaꞌ.