Juan 3:33 - Chayahuita (Shahui)

³³ Aꞌnaquënpoaso nipirinhuëꞌ natëtërëhuaꞌ. “Yosë noꞌtëquën nonin. Inari aꞌpaimarin,” taꞌtëhuaꞌ, natëtërëhuaꞌ.

Juan 3:33 ပူးပေါင်းရင်းမြစ်များ

Juan 6:27

Cosharomia aꞌnaroáchin chanatërin. Ama inasáchin nohuantocosohuëꞌ. Cosharo pochin nininsoꞌ yaꞌhuërin. Cancanëma marëꞌ quëtaranquëmaꞌ. Ina co onporontaꞌ chanatarinhuëꞌ. Yaꞌhuëtohuachinquëmaꞌ, Yosë nohuitatomaꞌ nanpimiatarama. Ina naꞌcon naꞌcon yonquicoꞌ. Yosë quëran quëmapico niꞌto, quëtaranquëmaꞌ. Ina marëꞌ Tata Yosë acorinco. Ina nohuanton, nani maꞌsha nanitaparahuë nohuitamacoso marëꞌ, itërin.

Juan 8:26

Canpitaso co noyahuëꞌ ninama niꞌton, naꞌcon shaꞌhuitaꞌhuanquëmaso yaꞌhuërin. Aꞌpaimarincosoꞌ noꞌtëquënáchin nonin. Ina shaꞌhuitohuachincora natanato, ina chachin shaꞌhuitaranquëmaꞌ, tënin.

Romanos 15:28

Napoaton cari coriqui quëtapo paꞌsarahuë. Huënantahuato, nicapënquëmaꞌ paꞌsarahuë. Ina quëran Ispaniaquë paꞌsarahuë.

Romanos 4:11

Yosë natërin niꞌton, inari noya niꞌnin. Coꞌhuara marca niacochatërasohuëꞌ, piyapinën pochachin niꞌnin. Ina piquëran marca niacotërin imarinsoꞌ anitotacaso marëꞌ. “Noꞌtëquën nontërinco,” topachina, noya niꞌnin. Nisha piyapiꞌsantaꞌ ina pochachin natëtohuachinara, Apraan pochin cancantopi. Co marca niacotopirinahuëꞌ, Apraan huiꞌninpita pochin nipi.

1 Corintios 9:2

“Co Quisocristo chachin acorinquënhuëꞌ,” itërinaco aꞌnaquën. Canpitaso nipirinhuëꞌ co napotaramacohuëꞌ. Aꞌchintohuatënquëmara, Quisocristo imaramaꞌ niꞌton, acorincosoꞌ nitotëramaꞌ.

2 Corintios 1:18

Yosë niꞌsárinco noꞌtëquën nontëranquëmaꞌ. Yosë noꞌtëquënáchin nonin niꞌton, cantaꞌ co nonpintëranquëmahuëꞌ. Co nisha nisha nonahuëꞌ.

2 Corintios 1:22

Huiꞌnin pochin nicatonpoaꞌ, sichoquë marca acorëso pochin Ispirito Santo ayaꞌcoancantërinpoaꞌ. Huaꞌyanën chachin ayaꞌcoancantërinpoaꞌ niꞌton, anitotërinpoaꞌ. “Yaꞌipi shaꞌhuitërinpoasoꞌ chachin quëtarinpoaꞌ,” tënëhuaꞌ.

Efesios 1:13

Canpitantaꞌ Yosë nanamën natanamaꞌ. “Quisocristo anoyacancantohuachinquëmaꞌ, nichaꞌësarinquëmaꞌ,” itërainquëmaꞌ. Natanpatamara: “Noꞌtën nanan inasoꞌ,” taꞌtomaꞌ, natëramaꞌ. Quisocristo imapatamaꞌ, huiꞌnin pochin Yosë niꞌninquëmaꞌ. Napoaton Ispirito Santo ayaꞌcoancantërinquëmaꞌ. Sichoquë marca acopiso pochin ayaꞌcoancantërinquëmaꞌ huëntonënquë ayaꞌconinquëmasoꞌ nitotacaso marëꞌ. Iráca shaꞌhuirinso chachin napotërinquëmaꞌ.

Efesios 4:30

Co noyahuëꞌ nipatamaꞌ, Ispirito Santo sëtarin. Quisocristo imapatamara, sichoquë marca acotërëso pochin Ispirito Santo ayaꞌcoancantërinquëmaꞌ. Ayaroꞌ tahuëriquë huarëꞌ aꞌpaiarinquëmaꞌ. Naporoꞌ noyá nichaꞌësarinquëmaꞌ. Napoaton ama Ispirito Santo asëtocosohuëꞌ.

2 Timoteo 2:19

Yosë nanamënso nipirinhuëꞌ yaꞌhuárin, Yosë chachin acorinsoꞌ. Natëricho pëiꞌ achinirinsoꞌ pochin niꞌton, yaꞌhuëmiatarin. Cato quëran chachin ninshitopi. “Yaꞌipi imapisopita Yosëri nohuitërin,” tënin. “Quisocristo imapisopita nóya cancanchinaꞌ. Yaꞌipi co noyahuëꞌ yonquipisopita nanianchinaꞌ,” tënin antaꞌ.

Hebreos 6:17

Yosë co onporontaꞌ nonpintërinpoahuëꞌ. Shaꞌhuitërinpoasoꞌ co onporontaꞌ nishatërinhuëꞌ. Napoaton noya nanan shaꞌhuitohuachinpoaꞌ: “Casoꞌ Yosëco niꞌto, noꞌtëquën nontëranquëmaꞌ. Nichaꞌësaranquëmaꞌ,” itërinpoaꞌ.

1 Juan 1:10

“Yaꞌipinquëmaꞌ co noyahuëꞌ ninamaꞌ,” itërinpoaꞌ Yosë. Napotopirinpoahuëꞌ, “Noya ninahuë. Co casoꞌ oshahuancohuëꞌ,” topatëhuaꞌ, “Yosë nonpintërinpoaꞌ,” tënëhuaso pochin cancantërëhuaꞌ. Nanamën noꞌtëquën shaꞌhuitopirinpoahuëꞌ, co tëhuënchachin natërëhuahuëꞌ.