Juan 3:31 - Chayahuita (Shahui)

³¹ Cristo inápa quëran oꞌmaton, chini chiníquën nanantërin. Noya noya ninin. Piyapinpoaso nipirinhuëꞌ isoroꞌparáchin nohuitërëhuaꞌ. Inasáchin nohuitatëhuaꞌ, nishaꞌhuitërëhuaꞌ. Cristoso nipirinhuëꞌ inápa quëran oꞌmaton, chini chiníquën nanantërin.

Juan 3:31 ပူးပေါင်းရင်းမြစ်များ

Mateo 28:18

Quisosori yaꞌcarirahuaton, itapon: —Tata Yosë nohuanton, chini chiníquën nanantërahuë. Inápaquë yaꞌhuërinsopita, isoroꞌpaquë yaꞌhuërinsopita, yaꞌipiya huaꞌanëntarahuë.

Juan 1:15

Coansharintaꞌ niꞌnin. Niꞌpachina, piyapiꞌsaꞌ shaꞌhuitërin: “Iꞌhua chachin shaꞌhuitëranquëmaꞌ. ‘Ca piquëran aꞌna quëmapi huëꞌsarin. Coꞌhuara ca nasichátërapohuëꞌ, inasoꞌ Yosëꞌpaꞌ yaꞌhuërin. Napoaton ca quëran chini chiníquën nanantërin inasoꞌ,’ itëranquëmaꞌ. Nani oꞌmarin huachi,” itërin.

Juan 1:27

Inasoꞌ chini chiníquën nanantërin. Casoꞌ co ina pochin chiníquën nanantërahuëꞌ. Co maquëyancohuëꞌ niꞌton, co sapatën iꞌquiritaꞌhuaso tërantaꞌ nanitarahuëꞌ. Ca piquëran ina pënëntapon, itërin.

Juan 1:30

Iꞌhua chachin shaꞌhuitëranquëmaꞌ. ‘Ca piquëran aꞌna quëmapi huëꞌsarin. Coꞌhuara ca nasichátërapohuëꞌ, inasoꞌ Yosëꞌpaꞌ yaꞌhuërin. Napoaton ca quëran chini chiníquën nanantërin inasoꞌ,’ itëranquëmaꞌ. Nani oꞌmarin.

Juan 3:30

Co casoꞌ nohuantërahuëꞌ piyapiꞌsaꞌ yonquiinacosoꞌ. Quisoso naꞌcon naꞌcon yonquiinasoꞌ, tënin.

Juan 6:33

Inápa quëran aꞌpatimarinquëmaꞌ piyapiꞌsaꞌ ina pochin nanpicaiso marëꞌ, itërin.

Juan 6:51

Ca nanpirin cosharo pochinco. Inápa quëran oꞌmato, noya noya ananpiaranquëmaꞌ. Ca nonëhuë chachin quëtarahuë yaꞌipi piyapiꞌsa marëꞌ. Coshatëramaso pochin nitohuatamaco, yaꞌcoancantaranquëmaꞌ, nanpimiatarama huachi, itërin.

Juan 8:23

—Canpitasoꞌ isoroꞌpaquë yaꞌhuatomaꞌ, aꞌnapita piyapiꞌsa pochin yonquiramaꞌ. Caso nipirinhuëꞌ inápa quëran oꞌmarahuë niꞌto, Yosë pochin yonquirahuë.

Hechos 10:36

Iráca israiroꞌsacoi noya nanan shaꞌhuitërincoi. Piyapinënpita pochin nicatoncoi, Yosë anitotërincoi. Oshahuanëhuaꞌ niꞌton, Yosë inimicotopirëhuahuëꞌ, Quisocristo aꞌpaimarin nanan anoyatinpoaso marëꞌ. Inasoꞌ yaꞌipi piyapinpoaꞌ yahuaꞌanëntërinpoaꞌ.

Romanos 9:5

Shimashonënpitasoꞌ Yosëri chachin huayonin. Ina quëran Cristo isoroꞌpaquë oꞌmahuachina, Israiro sanapi quëran nasitërin. Inasoꞌ Yosë chachin. Yaꞌipiya huaꞌanëntërinpoaꞌ. ¡Ma noyacha inaso paya! tënëhuaꞌ. Amen.

Hebreos 9:1

Iráca anoyatërinso shaꞌhuitohuachina, Moisësë nani maꞌsha shaꞌhuitërin onporahuatonsona Yosë chinotacaiso marëꞌ. Ina marëꞌ chinotopiso pëiꞌ nipi.

1 Pedro 3:22

Nanpiantarahuaton, Yosëꞌpaꞌ pantarin. Yosë inchinan quëran huënsëaton, chini chiníquën nanantarin. Yaꞌipi anquëniroꞌsaꞌ, huaꞌanoꞌsaꞌ, chiníquën nanantërinsopita inapitari natëpi huachi.

1 Juan 4:5

Inapitaso nipirinhuëꞌ, co Yosë nohuitatonahuëꞌ, co nanamën chachin aꞌchinpihuëꞌ. Isoroꞌpaquë yaꞌhuërinsopitaráchin yonquiatonaꞌ, inahuara yonquinëna quëran aꞌchinpi. Napoaton co imapisopitasohuëꞌ nonpin nanan natëpi.

Apocalipsis 19:16

Aipi aꞌmorinsoquë nani ninshitërin: iso quëmapi chini chiníquën nanantaton, yaꞌipi copirnoroꞌsantaꞌ, huaꞌanëntarin. inasáchin natëcasoꞌ yaꞌhuërin tënin. Tonamënquëntaꞌ ina chachin ninshitërin.