Juan 3:26 - Chayahuita (Shahui)

²⁶ Ina quëran Coansha shaꞌhuitonpi. —Niꞌquëꞌ Maistro. Cortaniiꞌ aquëtëran nicasëhuaꞌ, inaquë Quisosontaꞌ nisarin niꞌton, anohuitërancoi. Iporasoꞌ inantaꞌ aporintarin. Naꞌa piyapiꞌsari imasapi. Co ina nápo quëmasoꞌ imasarinënquënhuëꞌ, itopi.

Juan 3:26 ပူးပေါင်းရင်းမြစ်များ

Isaías 45:23

Caso Yosëco niꞌto, nani shaꞌhuirahuë yaꞌipi inimiconëhuëpita minsëcaꞌhuasoꞌ. Nani shaꞌhuirahuë niꞌton, napoarahuë. Aꞌna tahuëri yaꞌipi piyapiꞌsa isonatona chinotarinaco. ‘Quëmasáchin Yosënquën,’ itatonaco chinotarinaco. Inapotatonaco: ‘Sinioroíchin noꞌtëquën yonquirin. Inaíchin chini chiníquën nanantërin,’ taponaꞌ. Yaꞌipi noꞌhuirinacosopitasoꞌ, taparo nicaponaꞌ.

Mateo 23:7

Cachiquë paꞌpachinara, naꞌa piyapiꞌsari noya nontopi. ‘Huëꞌcama maistro,’ itohuachinara, paꞌyatopi.

Mateo 23:8

Canpitaso nipirinhuëꞌ, ama maistro itiinëmaso nohuantocosohuëꞌ. Yaꞌipinquëmaꞌ iyama pochin nisaramaꞌ. Casáchin noꞌtëquën aꞌchintëranquëmaꞌ.

Juan 1:15

Coansharintaꞌ niꞌnin. Niꞌpachina, piyapiꞌsaꞌ shaꞌhuitërin: “Iꞌhua chachin shaꞌhuitëranquëmaꞌ. ‘Ca piquëran aꞌna quëmapi huëꞌsarin. Coꞌhuara ca nasichátërapohuëꞌ, inasoꞌ Yosëꞌpaꞌ yaꞌhuërin. Napoaton ca quëran chini chiníquën nanantërin inasoꞌ,’ itëranquëmaꞌ. Nani oꞌmarin huachi,” itërin.

Juan 1:7

aꞌpininsoꞌ anohuitiinpoaso marëꞌ. Yaꞌipi piyapiꞌsari natëcaiso marëꞌ shaꞌhuirin.

Juan 1:9

Shaꞌhuitërinpoaso chachin Quisocristo isoroꞌpaquë oꞌmarin. Oꞌmarahuaton, yaꞌipi piyapinpoaꞌ aꞌpintimarinpoaꞌ. Inasáchin noꞌtëquën anitotërinpoaꞌ.

Juan 11:48

Tananpitohuatëhuaꞌ, yaꞌipi piyapiꞌsari natërapi. Napohuachinaꞌ, Noma copirno noꞌhuitaton, sontaroꞌsaꞌ aꞌpaiarin. Huëꞌpachinaꞌ, Yosë chinotërëhuaso pëiꞌ ohuatahuatonaꞌ, yaꞌipi cotioroꞌsanpoaꞌ ataꞌhuantarinënpoaꞌ nimara, nitopi.

Juan 12:19

Natanahuatonaꞌ, parisioroꞌsaꞌ ninontopi. —Topinan quëran pënënpirëhuahuëꞌ, co piyapiꞌsaꞌ piꞌpisha tërantaꞌ natërinënpoahuëꞌ. ¡Niꞌcochi! ¡Naꞌcon naꞌcon piyapiꞌsaꞌ Quisoso imasapi! nitopi ninontatonaꞌ.

Juan 4:1

Iꞌhuasoꞌ naꞌa piyapiꞌsaꞌ Coansha imapi. Naꞌa aporintërin. Iporasoꞌ naꞌcon naꞌcon Quisoso imasapi. Co Quisoso chachin aporintërinhuëꞌ. Ina shaꞌhuitohuachincoi, caꞌtanoꞌsanënpitacoi aporintarai. Naꞌcon naꞌcon aporintarai. Parisioroꞌsarintaꞌ natantopi.

Juan 4:31

Coꞌhuara canquiyatërasoihuëꞌ, Quisoso yaaꞌcapiraihuëꞌ. —Caꞌquëꞌ Maistro, itopiraihuëꞌ, co nohuantërinhuëꞌ.

Juan 5:33

Iꞌhua piyapiꞌsaꞌ aꞌparamaꞌ Coansha natanacaiso marëꞌ. ‘Co casoꞌ Cristocohuëꞌ. Inasoꞌ Cristo, Yosëri aꞌpaimarinsoꞌ,’ itërin. Noꞌtëquën naporin.