Juan 21:7 - Chayahuita (Shahui)

⁷ Naporoꞌ Sinioro nohuitërahuë huachi. —Pasosoꞌ Sinioro chachin, itërahuë Pitro. Itohuatëra, iꞌnanpirapi sacatarin niꞌton, aipi aꞌmorinsoꞌ aꞌnaroáchin masahuaton, aꞌmorin. Manorahuaton, iꞌquë niitërin.

Juan 21:7 ပူးပေါင်းရင်းမြစ်များ

Salmos 118:23

Sinioro chachin ina pochin ninin. Ina yonquiatëhuaꞌ: “¡Maꞌpitacha nitotërin paya!” tënëhuaꞌ.

Marcos 11:3

“¿Onpotaomataꞌ iꞌquiritaramaꞌ?” itohuachinënquëmaꞌ: “Siniorori nohuantërin. Apira isëquë acoquiantarai,” itocoꞌ, itërin Quisosori.

Lucas 12:35

Ina quëran taantarin: “Noya yonquiatomaꞌ, capayatërëso pochin cancantocoꞌ. Niꞌcoꞌ. Aꞌna patron saꞌacaso marëꞌ paꞌnin. Onporosona huënantacasoꞌ co piyapinënpita nitotopihuëꞌ. Napoaton noya nitaparahuatonaꞌ, nanparin iꞌchinpirahuatonaꞌ, ninarapi. Canquiton, onconan piꞌnihuachina, aꞌnaroáchin iꞌsoatacaisoꞌ yaꞌhuërin.

Lucas 2:11

Ipora tashiꞌ aꞌnara quëmapiaꞌhuaya Pirinquë nasitërin. Inasoꞌ Cristo, Yosëri aꞌpaimarinsoꞌ. Sinioro niꞌton, chinotacasoꞌ yaꞌhuërin. Nani oꞌmarin piyapiꞌsaꞌ cancanënaꞌ anoyatacaso marëꞌ.

Lucas 7:47

Tëhuënchachin naꞌcon oshahuanpirinhuëꞌ, oshanën inquitarahuë. Napoaton naꞌcon naꞌcon nosororinco, tënahuë. Aꞌnaquënso nipirinhuëꞌ, “Co aquëtëꞌ oshahuanahuëꞌ,” taꞌtonaꞌ, co onpopinchin nosororinacohuëꞌ, tënin.

Juan 13:23

Casoꞌ Quisoso inchinanën quëran coshatërahuë. Naꞌcon nosororinco niꞌton, inaporahuë.

Juan 19:26

Cantaꞌ inaquë huaniarahuë. Quënanahuatonco, aꞌshin itapon: —Iso quëmapi mama, huaꞌhuan pochin niꞌquëꞌ. Ina niꞌsarinquën huachi, itërin. Naꞌcon nosoroatonco napotërin.

Juan 20:2

“Quisoso nonën nani quëpapi,” taꞌton, taꞌaquirin. Canquirahuaton, Simon Pitroroꞌcoi shaꞌhuitiirincoi. —¡Sinioro nonën poꞌmopi quëran, nani quëpapi! Intohuasoꞌ quëpapisoꞌ co nitotërahuëꞌ, itiirincoi.

Juan 20:20

Itahuatoncoi, imirin aꞌnotërincoi. Nininpitëontaꞌ aꞌnotërincoi. Ohuanpisoꞌ niꞌnai. Sinioro chachin niꞌsahuatoi, “Ina mini,” taꞌtoi, nóya cancantërai.

Juan 20:28

—¡Quëma mini Sinioronëhuënquën! Natëranquën. Yosënëhuënquën niꞌton, chinotaranquën, itërin Tomasëri.

Juan 21:20

Iꞌhua coshatapoi, Quisoso pirayan coshatërahuë. Naporoꞌ “¿Intaꞌ Sinioro shaꞌhuirapiarinquënsoꞌ?” itërahuë Pitro nitotacaso marëꞌ. Iporasoꞌ sonoꞌ yonsanquë Pitro tahuërërahuaton, quënaninco.

Juan 21:24

Nani carinquëmasoꞌ shaꞌhuitëranquëmaꞌ. Noꞌtëquën ninshitëranquëmaꞌ. Yaꞌipiya nicatoi, nitotërai.

Juan 21:8

Quiyasoꞌ potiquë paꞌnai. Riti ohuararahuatoi, yonsaiꞌpaꞌ quëparai. Co aquëyahuëꞌ. Pasa mitro pochin aquërinsoꞌ.

Hechos 10:36

Iráca israiroꞌsacoi noya nanan shaꞌhuitërincoi. Piyapinënpita pochin nicatoncoi, Yosë anitotërincoi. Oshahuanëhuaꞌ niꞌton, Yosë inimicotopirëhuahuëꞌ, Quisocristo aꞌpaimarin nanan anoyatinpoaso marëꞌ. Inasoꞌ yaꞌipi piyapinpoaꞌ yahuaꞌanëntërinpoaꞌ.

Hechos 2:36

Yosë huiꞌnin chachin iyaroꞌsaꞌ, corosëquë apatanantëramaꞌ. Inapotopiramahuëꞌ, Yosëri noya noya niꞌnin. ‘Inasoꞌ Cristo, aꞌpaimarahuësoꞌ. Sinioro niꞌton, natëcasoꞌ yaꞌhuërin,’ tënin. Noꞌtëquën iyaroꞌsaꞌ nani shaꞌhuitëranquëmaꞌ,” itërin.

1 Corintios 15:47

Atansoꞌ noꞌpa quëran ninin isoroꞌpaquë nanpicaso marëꞌ. Quisocristoso nipirinhuëꞌ Yosë yaꞌhuërin quëran oꞌmarin niꞌton, noya noya ninin.

2 Corintios 5:14

“Quisocristo naꞌcon nosororinpoaꞌ,” taꞌtoi, nanamën aꞌchinárai. Canpoa marëꞌ inasoꞌ chiminin. Ina imapatëhuaꞌ, canpoantaꞌ chiminëhuaso pochin niꞌninpoaꞌ.

Santiago 2:1

Quisocristo huaꞌanëntërinpoaꞌ. Inasáchin noya noya ninin. Ina imaramaꞌ niꞌton, ama iyaroꞌsaꞌ aꞌnapita nocancosohuëꞌ. Yaꞌipi piyapiꞌsaꞌ napopináchin nosorocoꞌ.