Juan 21:3 - Chayahuita (Shahui)

³ —Riti tëꞌyatapo paꞌsarahuë, itërincoi Simon Pitro. —Paꞌsarai quiyantaꞌ, itërai. Potiquë yaꞌconconahuatoi, paꞌnai. Paꞌpiraihuëꞌ, yaꞌipi tashiꞌ riti tëꞌyatopiraihuëꞌ, co mantaꞌ manaihuëꞌ.

Juan 21:3 ပူးပေါင်းရင်းမြစ်များ

Lucas 5:5

—Capa sami Maistro. Yaꞌipi tashiꞌ tëꞌyatopiraihuëꞌ, co mantaꞌ manaihuëꞌ. Nipirinhuëꞌ, quëma shaꞌhuitëranco niꞌquëhuarëꞌ, naquëranchin tëꞌyatantaꞌi, itërin Simoni.

Juan 21:4

Piꞌi yapipirirahuasoꞌ, Quisoso yonsanquë huaniarin, niꞌpiraihuëꞌ, co nohuitëraihuëꞌ.

Hechos 18:3

Paonosoꞌ nëꞌmëtëꞌ pëiroꞌsaꞌ ninaꞌpi. Aquirontaꞌ inaquë chachin sacatërin niꞌton, inaquë yacapatërin nicatahuacaiso marëꞌ.

Hechos 20:34

Caora sacatonëhuë quëran coshatërahuë, maꞌsha pahuantërincosoꞌ paꞌanahuë. Caꞌtanincosopitantaꞌ quëtërahuë. Ina nitotëramaꞌ.

1 Corintios 3:7

Napoaton co ca imamacosoꞌ yaꞌhuërinhuëꞌ. Aporosëntaꞌ co imacaisoꞌ yaꞌhuërinhuëꞌ. Yosë anoyacancantërinquëmaꞌ niꞌton, inasáchin yonquicamasoꞌ yaꞌhuërin.

1 Corintios 9:6

Pirnapirëꞌco aꞌchintarainquëmaꞌ niꞌton, aꞌcamacoisoꞌ yaꞌhuëpirinhuëꞌ. Quiyaora sacatatoi, coshatërai. Maꞌshantaꞌ pahuantohuachincoira, quiyaora paꞌanai. Aꞌnapitasoꞌ topinan maꞌparinënquëmaꞌ.

1 Tesalonicenses 2:9

Canpitataquë yaꞌhuasocoi, chiníquën sacatatoi, aꞌchintërainquëmaꞌ. Tahuërirë chachin tashirë chachin sacatërai ama topinan maꞌsha maꞌpacaꞌhuainquëmaso marëhuëꞌ. Quiyaora sacatonëhuëi quëran coshatërai. Naporahuatoi, Yosë nanamën aꞌchintërainquëmaꞌ. Co ina naniantëramahuëꞌ, tënahuë.