Juan 21:2 - Chayahuita (Shahui)

² Inaquë canchisë yaꞌpicoi nisarai. Aꞌnasoꞌ Simon Pitro. Aꞌnantaꞌ Tomasë, catopiaꞌhua itopisoꞌ. Aꞌnantaꞌ Natanino, Canaquë yaꞌhuërinsoꞌ. Sipitio huiꞌninpitacointaꞌ yaꞌhuërai. Aꞌnapitantaꞌ Quisoso caꞌtanpisopita, catoyaꞌpi, inapitaroꞌcoi canchisëcoi yaꞌhuërai.

Juan 21:2 ပူးပေါင်းရင်းမြစ်များ

Mateo 10:3

Pinipi, Partoromi, Tomasë, Tatio, inapitantaꞌ nohuantaton, acorin. Mationtaꞌ coriqui Noma copirno marëꞌ maꞌpatopirinhuëꞌ, acorin caꞌtanacaso marëꞌ. Arpio huiꞌniontaꞌ acorin, Santiaco itopisoꞌ.

Marcos 1:19

Amashamiachin Santiaco, Coansha, inapitantaꞌ quënancoantarin. Sipitio huiꞌninpita inahuasoꞌ. Paꞌpinarëꞌ potiquë huënsëatonaꞌ, ritinënaꞌ pasonapi.

Lucas 5:10

Amiconënpitantaꞌ paꞌyanpi, Santiaco, Coansha inapita itopisoꞌ. Sipitio huiꞌninpita inahuasoꞌ. Ina quëran Simon nontaton, Quisosori itapon: —Ama iyasha paꞌyanquësohuëꞌ. Nani catahuaranquën sami macamasoꞌ. Ipora quëran huarëso nipirinhuëꞌ, catahuaranquën piyapiꞌsaꞌ macamaso marëꞌ. Inapitantaꞌ imainacoso marëꞌ masaran, itërin.

Juan 1:45

Pinipiri Natanino yonisahuaton, quënanconin. —Nani iyasha Cristo quënanai, Yosë quiricanën quëran ninopisoꞌ. Moisësë, pënëntonaꞌpiroꞌsaꞌ, inapita ninotonaꞌ, inaquë ninshitopi. Inasoꞌ Quisoso, Cosi huiꞌnin. Nasaritoquë yaꞌhuërinsoꞌ, itërin.

Juan 11:16

—Huëcoꞌ iyaroꞌsaꞌ paꞌahuaꞌ canpoantaꞌ inarëꞌquënpoaꞌ chiminacaso marëꞌ, itërincoi Tomasë, catopiaꞌhua nininsoꞌ.

Juan 2:1

Cara tahuëri quëran aꞌna quëmapi pita nisarin saꞌacaso marëꞌ. Canaquë naporin, Cariria parti yaꞌhuërinsoꞌ. Inatohuaꞌ Quisoso aꞌshin niꞌtapon paꞌnin.

Juan 2:11

Naporoꞌ Quisoso caniaritërin Yosë pochin nicacasoꞌ. Piyapiꞌsari nicatonaꞌ: “Tëhuënchachin Yosëri catahuarin niꞌton, nanitaparin,” topi. Caꞌtanoꞌsanënpitacointa niꞌsahuatoi: “Quisososoꞌ, Yosëri aꞌpaimarinsoꞌ,” tënai. Canaquë naporin. Inaso ninanoꞌ, Cariria parti yaꞌhuërin

Juan 20:28

—¡Quëma mini Sinioronëhuënquën! Natëranquën. Yosënëhuënquën niꞌton, chinotaranquën, itërin Tomasëri.

Juan 4:46

Ina quëran Canaquë cancoantarai. Inaquë iꞌhua iꞌsha huino atarantërin. Inaquë canconpatoira, aꞌna capitan copirno piyapinën nininsoari huëcapairin. Huiꞌnin quëmapiaꞌhua nininsoꞌ, Capinaomoquë chiníquën caniorin.