Juan 21:19 - Chayahuita (Shahui)

¹⁹ Aꞌna tahuëri Yosë imarin niꞌton, inapotatonaꞌ, tëparapi. Ina niꞌpachinaꞌ, naꞌa piyapiꞌsari Yosë nóya niꞌsapi huachi. Ina ninoton, Quisoso naporin. Ina quëran: —Imamiatoco iyasha, itërin.

Juan 21:19 ပူးပေါင်းရင်းမြစ်များ

Números 14:24

Piyapinëhuë Caripi itëramasoráchin nanitaparahuësoꞌ natëton, nishatërin. Napoaton ina tëhuëchinsoꞌ noꞌpaꞌ nohuitacaso marëꞌ paꞌninquë yaꞌconapon. Shinpitanta inaquë yaꞌhuëaponaꞌ.

Mateo 10:38

Imapatamaco, aꞌnapita aparisitarinënquëmaꞌ. Yatëpapirinënquëmaontaꞌ, imamiatoco. Corosëquë chiníquën parisitërëꞌ. Inapochachin canpitantaꞌ imapatamaco, aparisitarinënquëmaꞌ. Co ahuantohuatamahuëꞌ, co tëhuënchachin imaramacohuëꞌ.

Mateo 19:28

—Tëhuënchachin iyaroꞌsaꞌ canaaramaꞌ. Yosë quëran quëmapico niꞌto, aꞌna tahuëri yaꞌipiya anoyatarahuë. Naporoꞌ noya noya yaꞌnoato, huaꞌanëntacasoꞌ shiraquë huënsëarahuë. Inaquë coisë pochin noꞌtëquën shaꞌhuitarahuë. Canpitantaꞌ acoaranquëmaꞌ yaꞌipi israiroꞌsaꞌ shonca catoꞌ huënton chachin nininsoꞌ huaꞌanëntacamaso marëꞌ. Shonca catonquëmaꞌ napoaramaꞌ.

Mateo 8:22

Quisosori itërin: —Aꞌnaquën co nohuantopihuëꞌ imainacosoꞌ. Chimipi pochin cancantopi. Inapitari paꞌpichinaꞌ. Quëmaso nipirinhuëꞌ ca naꞌcon naꞌcon yonquiatonco, imaco, itërin.

Juan 12:26

Nohuantërahuësoꞌ yanipatamaꞌ, ca pochin cancantatomaꞌ imaco. Insëquësona paꞌpato, piyapinëhuëpita imasarinaco. Inquëma tërantaꞌ ca marëꞌ sacatohuatamaꞌ, Yosë noya niꞌsarinquëmaꞌ, itërin Quisosori.

Juan 12:33

“Corosëquë chachin chiminapo,” tapon naporin.

Juan 18:32

Iꞌhua Quisoso ninoton nani shaꞌhuirin: “Aꞌna tahuëri inápaquë achinpiarinaco,” tënin. Yosë nohuanton, onpotatonasona tëpacaisoꞌ naniarin.

Juan 21:18

Noꞌtëquën, iyasha, itaranquën. Quëmasoꞌ huiꞌnapitapon, quëmaora nohuanton, maꞌsha ninan. Intohuasoꞌ yapaꞌpatana, nitaparahuaton, paꞌnan. Nipirinhuëꞌ, aꞌna tahuëri mashotohuatan, maꞌsha onpotarinënquën. Cato quëran chachin anquiranꞌsoꞌ tonpoarinënquën. Co nohuantopiranhuëꞌ, quëpararinënquën, itërin Pitro.

Juan 21:22

—¿Onpoatontaꞌ iyasha, ina yonquiran? Nohuantohuato, oꞌmacaꞌhuaso tahuëri huarëꞌ nanpihuachin, co ina quëmasoꞌ yonquicamasoꞌ yaꞌhuërinhuëꞌ. Quëma imaco, itërin.

Filipenses 1:20

Co nohuantërahuëꞌ piꞌpian tërantaꞌ Yosë naniantaꞌhuasoꞌ. Inasoꞌ noyasáchin yonquirinpoaꞌ niꞌton, co atapanarincohuëꞌ, tënahuë. Coisë ocoiaponco nimara. Tëpaponco nimara. Co ina nitotërahuëꞌ. Co ina yonquirahuëꞌ. Ocoihuachinco, chiníquën cancantato, aꞌchiantarahuë aꞌnapitantaꞌ imacaiso marëꞌ. Tëpahuachinaco, piyapiꞌsaꞌ nicatonaco, naꞌcon naꞌcon Quisocristo yonquiaponaꞌ, tënahuë. Quisocristo natëcaꞌhuasoráchin yonquirahuë.

2 Pedro 1:14

Co huaꞌquiya quëranhuëꞌ chiminarahuë. Sinioro Quisocristo nani anitotërinco.

1 Samuel 12:20

Napotohuachinara, Samoirorisoꞌ itapon: —Ama paꞌyancosohuëꞌ. Tëhuënchachin mini copirno acotiinquëmaso natanatomaꞌ, paꞌpi co noyahuëꞌ ninamaꞌ. Napopiramahuëꞌ, ama Sinioro aꞌpocosohuëꞌ. Yaꞌipi cancanëma quëran inasáchin chinotocoꞌ.