Juan 21:17 - Chayahuita (Shahui)

¹⁷ Ina quëran naquëranchin itantarin: —Iya Simon, ¿tëhuënchachin nosororanco ti? itantarin. Cararoꞌ natanin niꞌton, Pitro sëtërin. —Yaꞌipi Sinioro nitotëran. Nosororanquën mini, ina nitotëran, itërin. —Imarinacosopitasoꞌ, ohuicaroꞌsa pochin nipi niꞌton, noya aꞌpaiquëꞌ.

Juan 21:17 ပူးပေါင်းရင်းမြစ်များ

2 Samuel 7:20

Quëmaso Sinioro, Yosënquën. Chini chiníquën nanantëran. Co huachi nanitërahuëꞌ maꞌsona itaꞌhuanquënsoꞌ. Caso piyapinënco. Noyá nohuitëranco.

1 Reyes 17:18

Huaꞌhuin chiminpachina, inaso Iniasë itapon: —Quëmasoꞌ Yosë nohuanton pënëntëran. ¡Co carinquënsoꞌ, manta onpotëranquënhuëꞌ! Co Yosë natëtohuëꞌ oshahuanahuë. Napoaton ina ayonquiancoso marëꞌ huaꞌhuahuë tëpatëranco. ¡Inapotatonco anaꞌintëranco tënahuë! itërin.

Mateo 25:40

‘Coꞌta, imarinacosopita parisitohuachinara, catahuaramaꞌ. Topinan piyapiꞌsaꞌ, saꞌahuaroꞌsaꞌ, inapita maꞌsha pahuantohuachinara, quëtëramaꞌ. Imatomaco, aꞌnapita catahuaramaꞌ niꞌton, cantaꞌ catahuaramacoso pochin niꞌnahuë,’ itarahuë.

Marcos 14:72

Naporo chachin atari përaantarin. Atari natanahuaton, Quisosori napotërinsoꞌ Pitro yonquirin: “Coꞌhuara atari catoroꞌ përashatërasohuëꞌ, cararoꞌ nonpinapiaranco,” itërinco, taꞌton chiníquën sëtërin. Sëtaton, naꞌnërin.

Juan 12:8

Nani tahuëri saꞌahuaroꞌsasoꞌ yaꞌhuërarin. Caso nipirinhuëꞌ, co isëquë yaꞌhuëmiatarahuëꞌ, itërin.

Juan 13:38

—Yatëpapirinënquënhuëntaꞌ, ¿imamiataranco ti? Noꞌtëquën shaꞌhuitaranquën. Ipora tashi chachin coꞌhuara atari përashatërasohuëꞌ, cararoꞌ nonpinapiaranco. “Co Quisoso nohuitërahuëꞌ,” tosaran, itërin Quisosori.

Juan 14:15

Ina quëran taantarin: “Nani pënënanquëmaꞌ. Nosorohuatamaco, natëaramaco.

Juan 15:10

Tata Yosë noꞌtëquën natërahuë niꞌton, paꞌpi nosororinco. Inapochachin natëhuatamaco, carinquëmantaꞌ paꞌpi nosoroaranquëmaꞌ.

Juan 16:30

Quëmasoꞌ yaꞌipi nitotëran. Yosë quëran oꞌmaran, tënai. Co huachi natanaꞌhuainquënso tërantaꞌ yaꞌhuërinhuëꞌ, itërai.

Juan 18:27

—Coꞌchi cahuë paya, itaantarin Pitrori. Naporoꞌ atari përarin, natanin.

Juan 18:4

Quisososoꞌ yaꞌipiya ninoponahuëꞌ, co taꞌarinhuëꞌ. Nacapiapon paꞌnin. —¿Intaꞌ yonisaramaꞌ? itërin.

Juan 21:18

Noꞌtëquën, iyasha, itaranquën. Quëmasoꞌ huiꞌnapitapon, quëmaora nohuanton, maꞌsha ninan. Intohuasoꞌ yapaꞌpatana, nitaparahuaton, paꞌnan. Nipirinhuëꞌ, aꞌna tahuëri mashotohuatan, maꞌsha onpotarinënquën. Cato quëran chachin anquiranꞌsoꞌ tonpoarinënquën. Co nohuantopiranhuëꞌ, quëpararinënquën, itërin Pitro.

Juan 4:16

—Paaton imoya soꞌyan maconquëꞌ huëꞌin, itërin.

Hechos 1:24

Ina quëran Yosë nontopi. “Quëmasáchin Sinioro, yaꞌipi cancanëhuëi quëran yonquiraisoꞌ nitotëran. ¿Insotaꞌ nohuantëran acoaꞌhuaisoꞌ,

Hechos 11:10

Cararoꞌ inachachin shaꞌhuitantarinco. Ina quëran inápaquë quëpanantarin.

Hechos 15:8

Yaꞌipi yonquirëhuasopita Yosë nitotërin. “Inapitantaꞌ cancanëna quëran noya natërinaco,” taꞌton, Ispirito Santo ayaꞌcoancantërin. Canpoaꞌ yaꞌcoancantërinpoaso pochachin inapitantaꞌ yaꞌcoancantërin.

2 Corintios 1:12

Yosë niꞌsárincoi niꞌton, noꞌtëquën shaꞌhuitarainquëmaꞌ. Co piꞌpian tërantaꞌ nonpintërainquëmahuëꞌ. Noyápiachin cancantatoi, yaꞌipi parti aꞌchinai. Co quiyaora yonquinëhuëi quëran aꞌchintërainquëmahuëꞌ. Yosë inaora nohuanton, catahuarincoi niꞌton, noya ninai. Ina marëꞌ noya cancantërai.

Efesios 4:30

Co noyahuëꞌ nipatamaꞌ, Ispirito Santo sëtarin. Quisocristo imapatamara, sichoquë marca acotërëso pochin Ispirito Santo ayaꞌcoancantërinquëmaꞌ. Ayaroꞌ tahuëriquë huarëꞌ aꞌpaiarinquëmaꞌ. Naporoꞌ noyá nichaꞌësarinquëmaꞌ. Napoaton ama Ispirito Santo asëtocosohuëꞌ.

1 Pedro 1:6

Ina yonquiatomaꞌ, capa cancantaramaꞌ. Aꞌna tahuëri Yosë nohuanton, piꞌpian maꞌsha onporamaꞌ. Ipora chachin maꞌsha onpotopirinënquëmahuëꞌ, co huaꞌquiꞌ parisitaramahuëꞌ. Parisitapomarahuëꞌ, oꞌmantacasoꞌ tahuëri yonquiatomaꞌ, noya cancantocoꞌ.

2 Pedro 3:1

Nosororanquëmaꞌ iyaroꞌsaꞌ. Iꞌhua quirica aꞌpatëranquëmaꞌ nontacamaso marëꞌ. Iporasoꞌ naquëranchin ninshitantatënquëmaꞌ, pënëantaranquëmaꞌ noꞌtëquën yonquicamaso marëꞌ.

Apocalipsis 2:23

Sanapi imarinsopitasoꞌ co natërinacohuëꞌ niꞌton, ataꞌhuantarahuë. Ina nicatonaꞌ, yaꞌipi imarinacosopitantaꞌ yonquiapi. ‘Tëhuënchachin Sinioro nohuitërinpoaꞌ. Yonquirëhuasontaꞌ nitotërin. Co noyahuëꞌ nipatëhuaꞌ, noꞌtëquën anaꞌintarinpoaꞌ,’ tosapi.

Apocalipsis 3:19

Nosoroatënquëmaꞌ, chiníquën nontëranquëmaꞌ. Anaꞌintaranquëmaꞌ noya cancantacamaso marëꞌ. Co noyahuëꞌ yonquiramasopita aꞌporahuatomaꞌ, casáchin tahuërëtantaco huachi.