Juan 21:15 - Chayahuita (Shahui)

¹⁵ Nani coshatohuatoira, Quisosori itërin: —Iya Simon, ¿isopita quëran naꞌcon naꞌcon nosoromiatëranco ti? itërin. —Nosororanquën Sinioro ina nitotëran, itërin. —Imarinacosopita carniroaꞌhuaroꞌsa pochin niꞌnahuë. Patontahuato, co incarisoꞌ aꞌpairarinhuëꞌ. Quëmari noya aꞌpaiton, aꞌchintëquëꞌ, itërin.

Juan 21:15 ပူးပေါင်းရင်းမြစ်များ

Génesis 33:13

Napotohuachina, Cacoporiso itapon: —Tëhuënchachin iya masho nosoroatonco napotëranco. Nipirinhuëꞌ huiꞌnahuëpita huaꞌhuaroꞌsaráchin. Ohuicaroꞌsaꞌ, ohuacaroꞌsaꞌ, inapitanta nasha huaꞌhuatopiso yaꞌhuërin. Manon quëpahuatësoꞌ, aꞌna tahuëri marëáchin nanitërin, ohuicaꞌhuaroꞌsa taquicaisoꞌ.

2 Samuel 7:20

Quëmaso Sinioro, Yosënquën. Chini chiníquën nanantëran. Co huachi nanitërahuëꞌ maꞌsona itaꞌhuanquënsoꞌ. Caso piyapinënco. Noyá nohuitëranco.

Isaías 40:11

Huaꞌanëni ohuicanënpita aꞌpairin. Carniroaꞌhuaroꞌsaꞌ, iporahuaton quëparin. Nasha huaipisopita oshaquëran quëpaton aꞌcarin. Ina naporinso pochin canpoantaꞌ, Sinioro noya aꞌpaiarinpoaꞌ,” itocoꞌ.

Jeremías 23:4

Piyapinëhuëpita huënantahuachinaꞌ, noya huaꞌanoꞌsari aꞌpaicaiso marëꞌ acotarahuë. Inapitari aꞌpaihuachinaꞌ, co manta tëꞌhuatapihuëꞌ. Napoatona co aꞌnaya tëranta pahuanaponahuëꞌ. Ca Sinioroco shaꞌhuitaranquëmaꞌ,” tënin.

Ezequiel 34:23

Ca nohuanto piyapinëhuë Tapi itërahuësoꞌ, huënantapon. Inaíchin yaꞌipi ohuicanëhuëpita noya aꞌpaiapon.

Mateo 10:37

Yaimapatamaco, ca naꞌcon naꞌcon nosoroco. Tatamaꞌ, mamamaꞌ, huiꞌnamaꞌ inapita co onpopinchin nosorocasoꞌ yaꞌhuërinhuëꞌ. Co naꞌcon naꞌcon nosorohuatamacohuëꞌ, co tëhuënchachin imaramacohuëꞌ tënahuë.

Mateo 16:17

—Ma noyacha iyasha Yosë catahuarinquën niꞌton, naporan. Napoaton noya cancantëran. Co quëmaora yonquinën quëran nitotëranhuëꞌ. Tata Yosë chachin anitotërinquën. Quëmasoꞌ Conasë huiꞌninquën. Simon itopirinënquënhuëꞌ,

Mateo 18:10

Ina quëran Quisosori itaantarin: “Ama aꞌna huaꞌhuasha tërantaꞌ nocancosohuëꞌ. Inahuantaꞌ Yosëri nosororin. Nani anquëniroꞌsaꞌ shaꞌhuitërin aꞌnaya aꞌnaya aꞌpaicaiso marëꞌ. Tata Yosëꞌpaꞌ yaꞌhuatonaꞌ, Yosë nontapi. [

Mateo 26:33

—Aꞌnapita taꞌananpipirinënquëontaꞌ, co casoꞌ taꞌarahuëꞌ, tënin Pitro.

Mateo 26:35

—Co Sinioro napoarahuëꞌ. Quëma imasaranquën niꞌton, yatëpapirinacohuëntaꞌ co onporontaꞌ nonpinapiaranquënhuëꞌ, itaantarin Pitrori. Inachachin topi yaꞌipiya.

Marcos 14:29

—Aꞌnapita taꞌananpipirinënquëontaꞌ, co casoꞌ taꞌarahuëꞌ, itërin Pitrori.

Lucas 12:32

Naquëranchin itaantarin: —Ama iyaroꞌsaꞌ paꞌyancosohuëꞌ. Ohuica pëꞌtahuanaꞌpi pochin nicato aꞌpaiaranquëmaꞌ. Caraichinquëmaꞌ nipomarahuëꞌ, Yosë noya niꞌninquëmaꞌ. Huaꞌanëntërinquë chachin ayaꞌconinquëmaꞌ.

Lucas 22:32

Caso nipirinhuëꞌ iyasha, nani Yosë nontërahuë ama aꞌpoancoso marëhuëꞌ. Napoaton co naniantomiatarancohuëꞌ. Noya imaantahuatanco, iyanpita achinicancanquëꞌ, itërin.

Juan 1:42

Itahuaton, Quisosoquë quëparin. Quisosori notëërahuaton, itërin: —Carinquën nohuitëranquën. Quëmasoꞌ Simonquën. Coansha huiꞌninquën. Nasha nininën acotaranquën. Pitro ichinquën, itërin. Inaora nananquë Sipasë itopi. (Naꞌpi pochin tapon naporin.)

Juan 13:37

—¿Onpoatontaꞌ Sinioro co apira nanitërahuëꞌ imaꞌhuanquënsoꞌ? ¡Imaranquën niꞌton, yatëpapirinacohuëntaꞌ, imamiataranquën! itërin.

Juan 16:27

Tatahuë chachin nosororinquëmaꞌ. Nosororamaco niꞌton, nosororinquëmaꞌ. Ina aꞌpaimarincosoꞌ natëramaꞌ niꞌton, nosororinquëmaꞌ canpitantaꞌ.

Juan 21:12

—Huëcoꞌ iyaroꞌsaꞌ coshatahuaꞌ, itërincoi Quisoso. “¿Inquëntaꞌ quëmasoꞌ?” co itapoirahuëꞌ, Sinioro nohuitërai.

Juan 21:7

Naporoꞌ Sinioro nohuitërahuë huachi. —Pasosoꞌ Sinioro chachin, itërahuë Pitro. Itohuatëra, iꞌnanpirapi sacatarin niꞌton, aipi aꞌmorinsoꞌ aꞌnaroáchin masahuaton, aꞌmorin. Manorahuaton, iꞌquë niitërin.

Juan 8:42

Napotohuachinara: —Yosësoꞌ tatanëmaꞌ naporini, nosoroꞌitomacohuëꞌ. Yosë quëran oꞌmarahuë. Co caora nohuanto, oꞌmarahuëꞌ. Yosë aꞌpaimarinco.

Hechos 20:28

Canpitantaꞌ niꞌcona piꞌpian tërantaꞌ Yosë naniantotamaꞌ. Quisoso imapisopitantaꞌ noya niꞌcoꞌ. Ispirito Santo nani acorinquëmaꞌ huaꞌanën pochin nicacamaso marëꞌ. Inapitantaꞌ Yosë huëntonënquë yaꞌconpi. Quisoso chiminaton, ayaꞌconinpoaꞌ.

Hechos 20:29

Nani paꞌpato, co noyahuëꞌ quëmapiꞌsaꞌ huëꞌsapi. Canoniri maꞌsha maninso pochachin yaocoiarinënquëmaꞌ. Paꞌsápatonaꞌ, anishacancantapi. Co nosoroarinënquëmahuëꞌ. Ina nani nitotërahuë.

Romanos 14:1

Aꞌnaquënsoꞌ Quisocristo imasapirinahuëꞌ, co yaꞌipi cancanëna quëran natëyátërapihuëꞌ. “Pënëntërinsontaꞌ natëcasoꞌ yaꞌhuërin,” topi. Inapitantaꞌ huëꞌpachinaꞌ, noya nontocoꞌ. “Huëcoꞌ iyaroꞌsaꞌ Yosë chinotahuaꞌ,” itatomaꞌ, cortoquë ichiyaꞌconcoꞌ. Ama ninocanacamaso marëꞌ ninontocosohuëꞌ.

Romanos 15:1

Canpoasoꞌ yaꞌipi cancanënpoa quëran imarëhuaꞌ. “Quisocristoíchin nichaꞌërinpoaꞌ,” taꞌtëhuaꞌ, co nisha nisha yonquirëhuahuëꞌ. Aꞌnaquënso nipirinhuëꞌ co yaꞌipi cancanëna quëran natëyátërapihuëꞌ. Inapitantaꞌ oshaquëran pënënatëhuaꞌ, catahuahuaꞌ noya imainaꞌ. Ama canpoara nohuantërëhuasoráchin yonquiaꞌhuasohuëꞌ.

1 Corintios 8:11

Canpitasoꞌ nitotatomaꞌ, noya capomarahuëꞌ, tëꞌhuatonaꞌpi atapicancanaramaꞌ. Ina marëntaꞌ Quisocristo chiminin.

Gálatas 5:6

Quisocristo imapatëhuaꞌ, co marca yonquiarihuahuëꞌ. Aꞌnaquënsoꞌ nani niacotopi. Aꞌnaquënso nipirinhuëꞌ co niacotopihuëꞌ. Co ina yonquicasoꞌ yaꞌhuërinhuëꞌ. Cancanënpoa quëran huarëꞌ imacasoꞌ yaꞌhuërin. “Quisocristo catahuarinpoaꞌ. Co nonpintarinpoahuëꞌ,” taꞌtëhuaꞌ, yaꞌipi cancanënpoa quëran natëahuaꞌ. Ina natëhuatëhuaꞌ, catahuarinpoaꞌ nóya ninosorocasoꞌ. Ina pochin cancantohuatëhuaꞌ, Yosë noya niꞌsarinpoaꞌ.

Efesios 4:14

Ina quëran noꞌtëquën yonquiarihuaꞌ. Co huachi huaꞌhuaroꞌsa pochin cancantarihuahuëꞌ. Huaꞌhuaroꞌsasoꞌ co yonquiyatërapihuëꞌ niꞌton, nisha nisha natëtopi. Canpoaso nipirinhuëꞌ chinotënpoa pochin noꞌtëquën yonquiaꞌahuaꞌ. Niꞌcoꞌ. Panca ihuan huëꞌpachina, poti niquëran niquëran ohuërërin. Co noꞌtëquën yanponinhuëꞌ. Inapochachin aꞌnaquën nisha nisha nanan natanpachinara, nisha nisha yonquipi. Co Quisocristo nanamënáchin yonquipihuëꞌ. Aꞌnaquën nisha nisha aꞌchinapi. Noyá nitotopi nonpinacaisoꞌ. Nonpin nanan imatonaꞌ, yanonpintopirinënquëmahuëꞌ, ama piꞌpian tërantaꞌ natëcosohuëꞌ.

Efesios 6:24

Quisocristo huaꞌanëntarinpoaꞌ. Ina nosoromiatohuatamaꞌ, inaora nohuanton, Yosë noya catahuainquëmaꞌ, tënahuë. Amen. Nani ninshitëranquëma huachi. Paono

Hebreos 13:20

Yosë catahuainquëmaꞌ noya ninicatomaꞌ yaꞌhuëcamasoꞌ. Inasáchin asanocancaninpoaꞌ. Inari chachin iráca Quisocristo ananpitaantarin. Iporasoꞌ ohuicanënpita pochin nicatonpoaꞌ, Sinioro Quisoso aꞌpairinpoaꞌ. Huënainën paꞌnin niꞌton, nasha quëran anoyatërinso shaꞌhuitërinpoaꞌ imacaso marëꞌ. Ina anoyatërinsosoꞌ yaꞌhuëmiatarin. Co onporontaꞌ nishataponhuëꞌ.

Hebreos 4:13

Yaꞌipi ninëhuasopita Yosësoꞌ nitotërin. Poꞌoana quëran nipirëhuahuëꞌ, yaꞌipi niꞌninpoaꞌ. Co piꞌpisha tërantaꞌ inasoꞌ nonpintarihuahuëꞌ. Yaꞌipi yonquirëhuasopitantaꞌ noyá nitotërin. Ayaroꞌ tahuëri yaꞌipinpoaꞌ ninëhuasopita aipitarinpoaꞌ. Naporoꞌ coisë pochin nontarinpoaꞌ. Nontohuachinpoaꞌ, noꞌtëquën shaꞌhuitacasoꞌ yaꞌhuapon.

1 Pedro 1:8

Quisocristo co onporontaꞌ quënanapomarahuëꞌ, nosororamaꞌ. Ipora huantaꞌ co nicapomarahuëꞌ, “Co nonpintarincohuëꞌ. Catahuarinco,” taꞌtomaꞌ, ina natëramaꞌ. Cancanëma quëran ina nohuitatomaꞌ, nóya cancantëramaꞌ. Ina yonquiatomaꞌ, capa cancantëramaꞌ.

1 Pedro 2:2

Yosë huëntonënquë yaꞌconpatëhuaꞌ, huaꞌhuasha nasha huaipiso pochin ninëhuaꞌ. Niꞌcoꞌ. Canopiaꞌhuaya shoꞌsho apira apira nayarin. Shoꞌshotaton, noya chinirarin. Inapochachin canpitantaꞌ Yosë noninso chachin naꞌcon naꞌcon nohuantocoꞌ. Ina yonquihuatamaꞌ, oshaquëran noya noya nisaramaꞌ. Chiníquën cancantatomaꞌ, noya chaꞌësaramaꞌ. Yosë nanamënáchin achinicancaninpoaꞌ.

1 Pedro 2:25

Ohuica chihuërinso pochin nicatëhuaꞌ, co Yosë nohuitopirëhuahuëꞌ, iporasoꞌ Quisocristo imarëhuaꞌ. Inasoꞌ ohuicaroꞌsaꞌ huaꞌanën pochin niꞌton, noya aꞌpaiarinpoaꞌ.

1 Juan 4:19

Yosëꞌton naꞌcon nosororinpoaꞌ niꞌton, canpoarintaꞌ Yosë nosoroatëhuaꞌ, aꞌnapitantaꞌ nosoroarihuaꞌ.

1 Juan 5:1

Yaꞌipi Quisocristo imarëhuasopita aꞌna huënton pochin ninëhuaꞌ. “Quisocristo Yosë huiꞌnin chachin,” tënëhuaꞌ niꞌton, huëntonënquë yaꞌconëhuaꞌ. Huiꞌninpita pochin niꞌninpoaꞌ. Niꞌcoꞌ. “Quëmapi tëhuënchachin nosorohuatëra, huiꞌninpitantaꞌ nosororëꞌ,” topi.

Apocalipsis 2:23

Sanapi imarinsopitasoꞌ co natërinacohuëꞌ niꞌton, ataꞌhuantarahuë. Ina nicatonaꞌ, yaꞌipi imarinacosopitantaꞌ yonquiapi. ‘Tëhuënchachin Sinioro nohuitërinpoaꞌ. Yonquirëhuasontaꞌ nitotërin. Co noyahuëꞌ nipatëhuaꞌ, noꞌtëquën anaꞌintarinpoaꞌ,’ tosapi.