Juan 21:12 - Chayahuita (Shahui)

¹² —Huëcoꞌ iyaroꞌsaꞌ coshatahuaꞌ, itërincoi Quisoso. “¿Inquëntaꞌ quëmasoꞌ?” co itapoirahuëꞌ, Sinioro nohuitërai.

Juan 21:12 ပူးပေါင်းရင်းမြစ်များ

Mateo 22:46

Natanaponaraihuëꞌ, co mantaꞌ aꞌpanitopihuëꞌ. “Yosë huiꞌnin chachin niꞌton, Tapiri Cristo chinotërin,” taꞌcaiso nipirinhuëꞌ, co yanatëpihuëꞌ. Napoaton naporo quëran huarëꞌ tapanatonaꞌ, co huachi nohuantopihuëꞌ Quisoso natanacaisoꞌ.

Marcos 9:32

Natanaponaraihuëꞌ, co natëtacaisoꞌ nanitopihuëꞌ. “¿Onpoatontaꞌ ina pochin nontërinpoaꞌ?” topi yonquinëna quëran. Naporahuaton tëꞌhuatatonaꞌ, co nohuantopihuëꞌ natanacaisoꞌ.

Lucas 9:45

Natanaponaraihuëꞌ, co nanitopihuëꞌ natëtacaisoꞌ. “¿Onpoatontaꞌ ina pochin nontërinpoaꞌ?” topi yonquinëna quëran. Naporahuaton, tëꞌhuatatonaꞌ co nohuantopihuëꞌ natanacaisoꞌ.

Juan 16:19

Yanatanpiraihuëꞌ, co natanaihuëꞌ. Quisososo nipirinhuëꞌ nitotërin. Napoaton itërincoi: “¿Maꞌtaꞌ tapon naporin?” taꞌtomaꞌ, yanatanpiramacohuëꞌ, co natanamacohuëꞌ. Tëhuënchachin piꞌpian pahuanarin pacaꞌhuasoꞌ. Paꞌpato co quënanaramacohuëꞌ. Ina quëran co huaꞌquiya quëranhuëꞌ quënaantaramaco.

Juan 21:11

Simon Pitro potiquë yaꞌconahuaton, riti yonsanquë oshirin. Pasa aꞌnatërápo shonca cara sami yaꞌhuërin, panca samisachin. Ina nápoꞌ niponahuëꞌ, co riti oquirinhuëꞌ.

Juan 21:15

Nani coshatohuatoira, Quisosori itërin: —Iya Simon, ¿isopita quëran naꞌcon naꞌcon nosoromiatëranco ti? itërin. —Nosororanquën Sinioro ina nitotëran, itërin. —Imarinacosopita carniroaꞌhuaroꞌsa pochin niꞌnahuë. Patontahuato, co incarisoꞌ aꞌpairarinhuëꞌ. Quëmari noya aꞌpaiton, aꞌchintëquëꞌ, itërin.

Juan 4:27

Naporo chachin caꞌtanoꞌsanënpitacoi oꞌmantarai. Sanapi nontarin, quënanquimarai. “¿Maꞌmarëtaꞌ iso sanapi nontarin? ¿Maꞌtaꞌ nohuantërin?” taꞌtoi, yonquinëhuëi quëran paꞌyanpiraihuëꞌ, co natanaihuëꞌ.

Hechos 10:41

Co yaꞌipi piyapiꞌsari niꞌpihuëꞌ. Yosë nohuanton, quiyarisoꞌ niꞌnai aꞌnapita shaꞌhuitaꞌhuaiso marëꞌ. Nani nanpiantahuachina, quiyarëꞌ coshatërin, oꞌorin. Quisocristo tëhuënchachin nanpiantarin, tënai.