Juan 20:29 - Chayahuita (Shahui)

²⁹ —Niꞌnanco niꞌton iyasha, natëranco. Aꞌnapitasoꞌ co nicaponaracohuëꞌ, natëarinaco. Inapitasoꞌ noya noya cancantapi, itërin Quisosori.

Juan 20:29 ပူးပေါင်းရင်းမြစ်များ

Mateo 13:16

Canpitaso nipirinhuëꞌ, ma noya Yosë catahuarinquëmaꞌ niꞌton noya niꞌnamaco. Noya natanamaco. Napoaton noya cancantaramaꞌ.

Lucas 1:45

“Yosë noꞌtëquën nontërinco,” tënanso marëꞌ inasoꞌ noya niꞌninquën. Shaꞌhuitërinquënso chachin acotarinquën, itërin Isapirari.

Juan 20:28

—¡Quëma mini Sinioronëhuënquën! Natëranquën. Yosënëhuënquën niꞌton, chinotaranquën, itërin Tomasëri.

Juan 20:8

Ina quëran cantaꞌ yaꞌconahuë. Nëꞌmëtëꞌ soꞌpinpisoꞌ niꞌsahuato, natërahuë. “Tëhuënchachin Quisoso nanpiantarin,” tënahuë.

Juan 4:48

—Canpitasoꞌ co aꞌnaroáchin natëramacohuëꞌ. Coꞌsoꞌ Yosë pochin nipatohuëꞌ, co natëaramacohuëꞌ, itërin inarintaꞌ.

2 Corintios 5:7

Co ipora quënanpirëhuahuëꞌ, “Yosë noꞌtëquën nontërinpoaꞌ,” taꞌtëhuaꞌ, natërëhuaꞌ. “Co onporontaꞌ nonpintarinpoahuëꞌ,” tënëhuaꞌ.

Hebreos 11:1

“Co Yosë quënanpirëhuahuëꞌ, yaꞌhuárin. Nosoroatonpoaꞌ catahuarinpoaꞌ,” topatëhuaꞌ, tëhuënchachin ina natërëhuaꞌ. Naꞌcon Yosë shaꞌhuitërinpoaꞌ. Co ipora naniyatërarinhuëꞌ. “Oshaquëran naniarin huachi,” taꞌtëhuaꞌ, noya ninarëhuaꞌ.

Hebreos 11:27

Yosë natëton, Moisësë Iquipito quëran pipirin. Copirnori noꞌhuipirinhuëꞌ, co tëꞌhuatërinhuëꞌ. “Yosë co quënanaporahuëꞌ, niꞌsárinco,” taꞌton, chiníquën cancantërin. Chiníquën cancantaton, Yosë piyapinënpita catahuarin.

Hebreos 11:39

Yosëíchin yonquiatonaꞌ, nóya imapi. Napoaponahuëꞌ, co yaꞌipi Yosëri shaꞌhuitërinsoꞌ naniyatërasohuëꞌ, chiminpi.

1 Pedro 1:8

Quisocristo co onporontaꞌ quënanapomarahuëꞌ, nosororamaꞌ. Ipora huantaꞌ co nicapomarahuëꞌ, “Co nonpintarincohuëꞌ. Catahuarinco,” taꞌtomaꞌ, ina natëramaꞌ. Cancanëma quëran ina nohuitatomaꞌ, nóya cancantëramaꞌ. Ina yonquiatomaꞌ, capa cancantëramaꞌ.