Juan 20:25 - Chayahuita (Shahui)

²⁵ Quisoso quënanahuatoi, Tomasë shaꞌhuitonai: —Sinioro niꞌnai, itopiraihuëꞌ, co yanatërincoihuëꞌ. —Imirin ohuantopisoꞌ nicato sëꞌhuata huarëꞌ, nininpitëontaꞌ ohuantopisoꞌ sëꞌhuata huarëꞌ, natëarahuëꞌ, itërincoi Tomasë.

Juan 20:25 ပူးပေါင်းရင်းမြစ်များ

Salmos 22:16

Huëntonën niꞌnirasoꞌ, tancapitahuatona maꞌsha mapi. Inapochachin cantaꞌ, inimicoroꞌsa nitërinaco. Imirahuë, nantëhuë, inapita oquitërinaco.

Mateo 27:42

—Aꞌnapitasoꞌ yanichaꞌëponahuëꞌ, inaora chachinsoꞌ co nanitërinhuëꞌ chaꞌëcasoꞌ. Israiroꞌsaꞌ copirno nipachin, corosë quëran nohuarain nicatëhuaꞌ natëahuaꞌ.

Marcos 16:11

“¡Quisoso nani nanpiantarin! Cari niꞌnahuë,” itopirinhuëꞌ, co natëpihuëꞌ.

Marcos 16:13

Nani nohuitahuatonaꞌ, caꞌtanoꞌsanënpita shaꞌhuitoantapirinahuëꞌ, co inapita tërantaꞌ natëpihuëꞌ.

Marcos 16:14

Ina quëran shonca aꞌnara caꞌtanoꞌsanënpita misaquë coshatasoiꞌ, Quisosori yaꞌnotiirin. “¿Onpoatomataꞌ, iyaroꞌsaꞌ, co natëtëramahuëꞌ? Co natantochináchinhuëꞌ cancantërama nica. ‘Quisoso nani nanpiantarin. Cari niꞌnahuë,’ itopirinënquëmahuëꞌ, co natëtëramahuëꞌ,” itërin.

Lucas 24:25

—Canpitasoꞌ co yonquiramahuëꞌ. Iráca quëran huarëꞌ pënëntonaꞌpiroꞌsaꞌ ninopirinahuëꞌ, co yanatëramahuëꞌ.

Juan 1:41

Shiarahuaton, iin quënanconin. —Iya Simon, Cristo nani quënanai, Yosëri aꞌpaimarinsoꞌ, itërin.

Juan 20:27

Ina quëran anquirahuaton, Tomasë itërin: —Imirahuë iyasha nicaton, sëꞌhuaquëꞌ. Nininpitëhuëntaꞌ sëꞌhuatoco. Ama huachi nisha nisha yonquiquësohuëꞌ. Natëco huachi, itërin.

Juan 21:7

Naporoꞌ Sinioro nohuitërahuë huachi. —Pasosoꞌ Sinioro chachin, itërahuë Pitro. Itohuatëra, iꞌnanpirapi sacatarin niꞌton, aipi aꞌmorinsoꞌ aꞌnaroáchin masahuaton, aꞌmorin. Manorahuaton, iꞌquë niitërin.

Juan 6:30

—Inta nipachin, Yosë pochin niquëꞌ. Ina nicatoi, natëꞌinquën. Co topinan natëaꞌhuainquënsoꞌ yaꞌhuërinhuëꞌ.

Hebreos 3:12

Canpitantaꞌ iyaroꞌsaꞌ aꞌnayanquëma tërantaꞌ co cancanëma quëran huarëꞌ natëhuatamahuëꞌ, co noya cancantaramahuëꞌ. Niꞌcona Yosë chachin aꞌpotamaꞌ. Inasoꞌ, iporahuantaꞌ nanpiton niꞌsárinpoaꞌ.

Hebreos 3:18

Coꞌhuara chimiyantërasoihuëꞌ, Yosëri shaꞌhuitërin: “Noyaroꞌpaꞌ yaquëtopiranquëmahuëꞌ, co natëramacohuëꞌ niꞌquëhuarëꞌ, co onporontaꞌ inaquë yaꞌhuëcontaramahuëꞌ, Co inaquë sano cancantaramahuëꞌ. Ca Yosëco niꞌto, noꞌtëquën shaꞌhuitaranquëmaꞌ,” tënin.