Juan 20:22 - Chayahuita (Shahui)

²² Ina quëran pihuirahuaton, —Ispirito Santo yaꞌcoancanchinquëma huachi. Ina catahuarinquëmaꞌ noꞌtëquën pënëntacamasoꞌ.

Juan 20:22 ပူးပေါင်းရင်းမြစ်များ

Génesis 2:7

Naporoꞌ Sinioroso Yosë niꞌton, yaniroꞌpaꞌ amocan quëran quëmapi ninin. Nani nisahuaton, nanpicaso marëꞌ pihuinitërin. Inapotohuachina, niirahuaton nanpirin huachi.

Salmos 33:6

Sinioro camaitohuachina, piꞌiroꞌtë yaꞌnorin. Inaquë yaꞌhuërinsopitantaꞌ, nonin quëran chachin acorin.

Ezequiel 37:9

Naporoꞌ Siniorosoꞌ nontaantatonco: “Carinquën nanan quëtaranquën niꞌton, niinëhuë përáquëꞌ: ‘Catapini parti quëran chachin huëꞌsahuaton isopita chimipiroꞌsa ananpiquëꞌ,’ itëquëꞌ,” itaantarinco.

Juan 14:16

Inápaquë panantahuato, Tata nontarahuë Ispirito Santo aꞌpatimarinquëmaꞌ. Inaso ca pochachin catahuarinquëmaꞌ, achinicancanarinquëmaꞌ. Co onporontaꞌ patarinquëmahuëꞌ.

Juan 15:26

Yosëꞌpaꞌ pantahuato, Ispirito Santo aꞌpatimaranquëmaꞌ. Inasoꞌ achinicancanarinquëmaꞌ. Noꞌtëquënáchin nonin. Yosë quëran oꞌmarahuaton, piyapiꞌsaꞌ ayonquiarin. Nonahuëso chachin noꞌtëquën ayonquiarinquëmaꞌ.

Juan 16:7

Noꞌtëquën itëranquëmaꞌ. Canpita marëꞌ paantaꞌhuasoꞌ noya, tënahuë. Co paantahuatohuëꞌ, Ispirito Santo co oꞌmarinhuëꞌ catahuainquëmaso marëꞌ. Nipirinhuëꞌ, paantahuato, ina aꞌpatimaranquëmaꞌ.

Juan 20:21

—Sano cancantocoꞌ iyaroꞌsaꞌ. Tatahuë aꞌparincoso pochachin canpitantaꞌ aꞌpaaranquëmaꞌ piyapiꞌsaꞌ aꞌchintacamaso marëꞌ, itërincoi.

Juan 20:23

Insosona natëhuachinquëmaꞌ, “Oshanën iyasha Yosë inquitarinquën,” itocoꞌ. Inquitarin mini. Nipirinhuëꞌ, co yanatëhuachinquëmahuëꞌ, “Co oshanën iyasha inquitarinquënhuëꞌ,” itocoꞌ. Tëhuënchachin co inquitarinhuëꞌ, itërincoi. Itahuatoncoi, paꞌnin.

Juan 7:39

Quisoso imapatëhuaꞌ, Ispirito Santo yaꞌcoancantarinpoaꞌ. Ina yonquiaton, napotërin. Naporoꞌ Quisoso co inápaquë pantayátërarinhuëꞌ. Napoaton co Ispirito Santori piyapiꞌsaꞌ noyá yaꞌcoancanchátërarinhuëꞌ. (Ina yaꞌcoancantohuachinpoaꞌ, naꞌcon catahuarinpoaꞌ noya cancantacaso marëꞌ. Ina quëran aꞌnapitantaꞌ Yosë anohuitarihuaꞌ, tapon naporin.)

Hechos 10:47

—Isopitantaꞌ canpoa pochin Ispirito Santori yaꞌcoancantërin niꞌquëhuarëꞌ aporihuainaꞌ, tënahuë.

Hechos 19:2

—Quisoso natëhuatamara, ¿Ispirito Santo yaꞌcoancantërinquëmaꞌ ti? itërin. —Co Ispirito Santo nohuitëraihuëꞌ. Co ina aꞌchintërinacoihuëꞌ, itopi.

Hechos 2:38

Napotohuachinara, Pitrori itaantarin: —Yaꞌipi co noyahuëꞌ yonquiramasopita naniantatomaꞌ, Yosë chachin tahuërëtantacoꞌ. “Quisocristo imarahuë,” taꞌtomaꞌ, aporihuancoꞌ. Ina imapatamaꞌ, Yosë oshanëmaꞌ inquitarinquëmaꞌ. Ina quëran Ispirito Santo ayaꞌcoancantarinquëmaꞌ canpitantaꞌ.

Hechos 2:4

Napohuachina, Ispirito Santori yaꞌipiya yaꞌcoancantërin. Ina quëran inari catahuarin nisha nisha nananquë nonacaiso marëꞌ. Co nitotaponaraihuëꞌ, aꞌnaroáchin nonpi huachi.

Hechos 4:8

Ispirito Santori noyá yaꞌcoancantërin niꞌton, Pitrori itapon: —Natanco huaꞌanoꞌsanquëmaꞌ ninamasoꞌ.

Hechos 8:15

Naꞌa yaꞌhuëhuanoꞌsaꞌ nani aporihuanpi. “Sinioro Quisoso imarai,” taꞌtonaꞌ, aporihuanaponaraihuëꞌ, Ispirito Santori co yaꞌcoancanchátërarinhuëꞌ. Napoaton Pitro, Coansha inapita oꞌmarahuatonaꞌ, Yosë nontopi Ispirito Santori yaꞌcoancantacaso marëꞌ.

Gálatas 3:2

Isoíchin yanitotërahuë. ¿Maꞌtaꞌ imaramaꞌ niꞌton Ispirito Santo yaꞌcoancantërinquëmaꞌ? Iráca pënëntërinsoꞌ natëhuatamaꞌ, ¿Ispirito Santo yaꞌcoancantërinquëmaꞌ ti? ¡Coꞌta, Quisocristo nanamën natanatomaꞌ natëhuatamaꞌ, yaꞌcoancantërinquëmaꞌ! “Noꞌtëquën nontërinpoaꞌ,” taꞌtomaꞌ, natëramaꞌ. Ina imapatamaꞌ, Ispirito Santo yaꞌcoancantatënquëmaꞌ, naꞌcon catahuarinquëmaꞌ.