Juan 20:20 - Chayahuita (Shahui)

²⁰ Itahuatoncoi, imirin aꞌnotërincoi. Nininpitëontaꞌ aꞌnotërincoi. Ohuanpisoꞌ niꞌnai. Sinioro chachin niꞌsahuatoi, “Ina mini,” taꞌtoi, nóya cancantërai.

Juan 20:20 ပူးပေါင်းရင်းမြစ်များ

Mateo 28:8

Natanahuatonaꞌ, aꞌnaroáchin naꞌpi nanin quëran pipipi. Paꞌpi paꞌyanpirinahuëꞌ. Nóya cancantatonaꞌ taꞌapi caꞌtanoꞌsanënpita shaꞌhuitacaiso marëꞌ.

Juan 16:20

Noꞌtëquën itëranquëmaꞌ. Sëtatomaꞌ, naꞌnëaramaꞌ. Co natërinacosopitasohuëꞌ nipirinhuëꞌ: “Nani chiminin huachi,” taꞌtonaꞌ, capa cancantapi. Canpitaso nipirinhuëꞌ sëtapiramahuëꞌ, co huaꞌquiꞌ sëtaramahuëꞌ. Aꞌnaroáchin noya cancantantaramaꞌ.

Juan 16:22

Inapochachin canpitantaꞌ ipora sëtapiramahuëꞌ, naquëranchin quënaantaranquëmaꞌ. Naporoꞌ nóya cancantaramaꞌ. Co huachi insontaꞌ nanitarinhuëꞌ asëtainëmasoꞌ. Nóya cancantomiataramaꞌ.

Juan 19:34

Aꞌna sontaroso nipirinhuëꞌ, nansaquë nininpitën ohuantërin. Huënaiꞌ iꞌshapitarë chachin pipirin.

Juan 20:25

Quisoso quënanahuatoi, Tomasë shaꞌhuitonai: —Sinioro niꞌnai, itopiraihuëꞌ, co yanatërincoihuëꞌ. —Imirin ohuantopisoꞌ nicato sëꞌhuata huarëꞌ, nininpitëontaꞌ ohuantopisoꞌ sëꞌhuata huarëꞌ, natëarahuëꞌ, itërincoi Tomasë.

Juan 20:27

Ina quëran anquirahuaton, Tomasë itërin: —Imirahuë iyasha nicaton, sëꞌhuaquëꞌ. Nininpitëhuëntaꞌ sëꞌhuatoco. Ama huachi nisha nisha yonquiquësohuëꞌ. Natëco huachi, itërin.

1 Juan 1:1

Iso quirica aꞌpataranquëmaꞌ, niꞌcoꞌ. ¿Noyanquëmaꞌ canpitantaꞌ? Quiyantaꞌ isëquë noya yaꞌhuarai. Quisocristo noya noya nohuitacamaso marëꞌ ninshitaranquëmaꞌ. Iráca coꞌhuara isoroꞌpaꞌ yaꞌhuëyátërasohuëꞌ, inápaquë yaꞌhuërin. Ina quëran oꞌmarahuaton, aꞌchintërincoi, natanai. Quiyasoꞌ niꞌnai. Nirayarai. Nonën chachin yaꞌhuëtërin, sëꞌhuarai. Inasáchin Yosë yonquirinsoꞌ anitotërinpoaꞌ. Ina nohuitohuatëhuaꞌ, nóya nanpimiatarihuaꞌ.