Juan 20:15 - Chayahuita (Shahui)

¹⁵ —¿Onpoatontaꞌ imoya naꞌnëaran? ¿Intaꞌ yonisaran? itërin Quisosori. Mariaso napoaponahuëꞌ: “Sacatonaꞌpi taꞌmaꞌ,” tëcaton: —Quëmari imoya Quisoso nonën quëpahuatan, shaꞌhuitoco macontaꞌi, itërin.

Juan 20:15 ပူးပေါင်းရင်းမြစ်များ

Mateo 12:34

Canpitaso nipirinhuëꞌ, yaꞌhuan pochin cancantatomaꞌ yanonpinamaꞌ. Co noyahuëꞌ yonquiatomaꞌ, co nanitëramahuëꞌ noya nonacamasoꞌ. Onpopinsona cancantëramasoꞌ, nonama quëran piyapiꞌsa anitotaramaꞌ.

Mateo 28:5

Ina quëran sanapiꞌsantaꞌ canquihuachinara, anquëniri itërin: —Ama paꞌyancosohuëꞌ. Quisoso corosëquë patanantopisoꞌ yonisaramasoꞌ, nitotërahuë.

Marcos 16:6

Paꞌyanasoiꞌ, inari itërin: —Ama paꞌyancosohuëꞌ. Quisoso Nasaritoquë yaꞌhuërinsoꞌ yonisapiramahuëꞌ, co huachi isëquë yaꞌhuërinhuëꞌ. Corosëquë chiminaponahuëꞌ, nani nanpiantarin. Huëcoꞌ poꞌmopiquë niꞌquiricoꞌ. Capa huachi.

Lucas 2:44

Naꞌa piyapiꞌsaꞌ paꞌsapi niꞌton, “Nisha huëꞌsarin,” taꞌtonaꞌ, aꞌna tahuëriraꞌ iratopirinahuëꞌ. Iꞌhuanahuanquë Quisoso yonisápirinahuëꞌ, co quënanpihuëꞌ. Quëmopinënpita, nohuitopisopita, inapita natanpirinahuëꞌ,

Lucas 24:5

Sanapiꞌsaꞌ paꞌyanpi. Tëꞌhuatatonaꞌ, monshoapirinahuëꞌ, catoyaꞌpiri itaponaꞌ: —¿Onpoatomataꞌ chimipi poꞌmopiquë Quisoso yoniramaꞌ? Inasoꞌ nanpiárin.

Juan 1:38

Ina quëran tahuërëtahuaton, quënanincoi. —¿Onpoapomataꞌ? itërincoi. —Yanohuitërainquën Maistro. ¿Insëquëtaꞌ yaꞌhuaran? itërai.

Juan 18:4

Quisososoꞌ yaꞌipiya ninoponahuëꞌ, co taꞌarinhuëꞌ. Nacapiapon paꞌnin. —¿Intaꞌ yonisaramaꞌ? itërin.

Juan 18:7

Ina quëran naquëranchin itantarin: —¿Intaꞌ yonisaramaꞌ? itantarin. —Quisoso Nasaritoquë yaꞌhuërinsoꞌ, itantapi.

Juan 20:13

—¿Onpoatontaꞌ naꞌnëaran? itërin anquëniri. —Sinioronëhuë nonën nani quëpapi. Intohuasoꞌ quëpapisoꞌ co nitotërahuëꞌ, itërin.

1 Samuel 1:16

Ama yonquirapitonco: “Isoso inpio sanapi,” itocosohuëꞌ. Parisitato co noyahuëꞌ cancantërahuë niꞌton, huaꞌqui Yosë nontërahuë, itërin Anari.