Juan 20:1 - Chayahuita (Shahui)

¹ Tomio tahuëri nipachina, tashiyachin Maria Mactarina paꞌnin Quisoso poꞌmopiquë nicapon. Co noya tahuëriyátërasohuëꞌ, canconin. Canconahuaton niꞌpirinhuëꞌ, naꞌpi paꞌcopitopisoꞌ chiꞌhuincapinan quënanconin.

Juan 20:1 ပူးပေါင်းရင်းမြစ်များ

Mateo 27:56

Aꞌnasoꞌ Maria Mactarina itopisoꞌ. Aꞌnantaꞌ Maria. Inasoꞌ Santiaco, Cosi, inapita aꞌshin. Aꞌnantaꞌ Sipitio huiꞌninpita aꞌshin. Inapitasoꞌ aquë quëran notëërapi.

Mateo 27:60

naꞌpi nanin nasha nininquë poꞌmorin. Inaora marëꞌ paꞌanpirinhuëꞌ, inaquë poꞌmorin. Ina quëran pancaraꞌpi masho pitarahuatonaꞌ, paꞌcopitopi. Paꞌcopitahuatonaꞌ, patopi huachi.

Mateo 27:64

Napoaton sontaroꞌsaꞌ aꞌpaquëꞌ naꞌpi naninquë aꞌpaicaiso marëꞌ. Cara tahuëri chachin noya aꞌpaiꞌinaꞌ, ama nonën quëpacaiso marëhuëꞌ. Caꞌtaninsopitari quëpahuachinaꞌ: “Nani nanpiantarin huachi,” toconaponaꞌ. Napohuachinaꞌ, aquë aquëtëꞌ piyapiꞌsaꞌ nonpintapi, itopi.

Mateo 27:66

Napohuachina, paꞌpi. Pancaraꞌpi toꞌni pochin nininquë noyá paꞌpirapitopi. Napotahuatonaꞌ, sontaroꞌsaꞌ acopi. —Noya aꞌpaicoꞌ, itahuatonaꞌ patopi huachi.

Mateo 28:1

Chinoto tahuëri piquëran Maria Mactarina, aꞌna Mariarëꞌ naquëranchin paantapi poꞌmopiquë nicacaiso marëꞌ. Tomio tahuëri tashíramiachin naꞌpi naninꞌpaꞌ paꞌsapirinahuëꞌ.

Mateo 28:2

Aꞌnanaya panca ocohua paꞌnin. Sinioro anquëninëni inápa quëran oꞌmarahuaton, pancaraꞌpi paꞌcopitopisoꞌ chiꞌhuincarin. Chiꞌhuincarahuaton, ina aipi huënsërin.

Marcos 15:46

Morin nani paꞌanin niꞌton, corosë quëran nonën anohuarahuatonaꞌ, quëpapi. Soꞌpinahuatonaꞌ, naꞌpi naninquë poꞌmopi. Ina quëran pancaraꞌpi masho piꞌnapirahuatonaꞌ, paꞌcopitopi.

Marcos 16:9

Tomio tahuëri tashiramiachin Quisoso nanpiantarin. Nanpiantarahuaton, Maria Mactarinaꞌton yaꞌnotërin. Ina sanapi iráca canchisë sopairoꞌsari yaꞌcoancantopirinahuëꞌ, nani Quisosori inquitërin.

Juan 11:38

Quisoso sëtaton, naꞌpi naninquë Nasaro poꞌmopiquë paꞌnin. Pancaraꞌpiquë nani paꞌcopitopi.

Juan 11:41

Ina quëran naꞌpi chiꞌhuincatopi. Quisoso inápaquë nëꞌpëtahuaton, Yosë nontërin: —Nani Tata nontëranquën catahuancoso marëꞌ. Natanatonco, catahuaranco mini. Ina marëꞌ “Yosparinquën,” itëranquën.

Juan 19:25

Corosë yaꞌcari catapini sanapiꞌsaꞌ huaniapi. Aꞌnasoꞌ Quisoso aꞌshin. Aꞌnantaꞌ aꞌshatën. Criopasë saꞌin Maria itopisontaꞌ inaquë huaniarin. Aꞌnantaꞌ Maria Mactarina. Inapitari niꞌsapi.

Juan 20:26

Posa tahuëri quëran niyontoantahuatoira, Tomasëntaꞌ inaquë nisarin. Naquëranchin yaꞌcoana noya oncotaantapiraihuëꞌ. Quisoso aꞌnaroáchin huancánachin yaꞌnoantarahuaton: —Tashita iyaroꞌsaꞌ. Sano cancantocoꞌ, itërincoi.

Hechos 20:7

Tomio tahuëri nanihuachina, niyontonai Quisoso chimininsoꞌ yonquiatoi coshataꞌhuaiso marëꞌ. Naporoꞌ Paonori aꞌchintarin: “Tashiraya paꞌsarai,” taꞌton, yono tashiquë huarëꞌ aꞌchinin.

1 Corintios 16:2

Nani Tomio tahuëri niyontonpatamaꞌ, coriqui acocoꞌ. Nanitëramasoꞌ acocoꞌ. Naꞌcon canahuatamaꞌ, naꞌcon quëtocoꞌ. Piꞌpian canahuatamaꞌ, piꞌpian quëtocoꞌ. Nani simana inapohuatamaꞌ, nicaponquëmaꞌ paꞌpato, coriqui yontonamasoꞌ quënanconarahuë.

Apocalipsis 1:10

Iꞌhua Tomio tahuëri Yosë chinotasoco, Ispirito Santo nohuanton, huaꞌnarëso pochin quënanahuë. Co huëꞌëpirahuëꞌ, pinëhuë quëran chiníquën nontërinco, natanahuë. Tronpita pihuirinso pochin natanahuë.