Juan 2:9 - Chayahuita (Shahui)

⁹ Orinan quëran mapirinahuëꞌ, pita huaꞌansoꞌ co nitotërinhuëꞌ. Inpriatoroꞌsaráchin nitotopi. Iꞌsharáchin taꞌpanpirinahuëꞌ, nani huino taranin. Napoaton piꞌnirahuaton, saꞌanaꞌpi amatërin.

Juan 2:9 ပူးပေါင်းရင်းမြစ်များ

Salmos 119:100

Yonquínahuan mashoroꞌsa quëran naꞌcon naꞌcon nitotërahuë ninatanahuë. Nanamën natëto naporahuë.

Mateo 27:34

Inaquë canconahuatonaꞌ, huino maꞌsha pinshiinëꞌ ayontahuatonaꞌ, oꞌshitopirinahuëꞌ, piꞌpisha piꞌnirahuaton, co oꞌorinhuëꞌ.

Mateo 9:15

—Ca yaꞌhuarahuë niꞌton, co sëtopihuëꞌ. Niꞌcoꞌ. Quëmapi saꞌacaso marëꞌ piyapiꞌsaꞌ amatohuachina, capa cancantopi. Nipayarinsopita huëꞌpachinara, inapitarëꞌ coshatatonaꞌ, capa cancantapi. ¡Co sëtacaisoꞌ yaꞌhuërinhuëꞌ! Aꞌna tahuëriso nipirinhuëꞌ inimiconënpitari huëcatonaꞌ, saꞌanaꞌpi masapi. Quëpatohuachinaꞌ, co huachi coshatacaisoꞌ yonquiapihuëꞌ. Sëtapi huachi. Inapochachin cantaꞌ mapachinaco, imarinacosopita sëtapi. Sëtatonaꞌ, co huachi coshatacaisoꞌ yonquiatonahuëꞌ, Yosë nontáponaꞌ, itërin Quisosori.

Juan 2:8

—Piꞌpian macatomaꞌ, pita huaꞌan apiꞌnitoncoꞌ, itaantarin Quisosori. Napotohuachina, masahuatona apiꞌnitoonpi.

Juan 4:46

Ina quëran Canaquë cancoantarai. Inaquë iꞌhua iꞌsha huino atarantërin. Inaquë canconpatoira, aꞌna capitan copirno piyapinën nininsoari huëcapairin. Huiꞌnin quëmapiaꞌhua nininsoꞌ, Capinaomoquë chiníquën caniorin.

Juan 7:17

Cancanëma quëran huarëꞌ Yosë yanatëhuatamaꞌ, noꞌtëquën anitotarinquëmaꞌ: “Co inaora yonquinën quëran aꞌchininhuëꞌ. Yosë nanamën chachin aꞌchinarin,” tosaramaꞌ.