Juan 2:4 - Chayahuita (Shahui)

⁴ —¿Maꞌmarëtaꞌ mama napotëranco? Co tahuëri naniyatërarinhuëꞌ nohuitiinacosoꞌ, itërin Quisosori.

Juan 2:4 ပူးပေါင်းရင်းမြစ်များ

2 Samuel 16:10

—Coapo, Apisai, canpitaso Sirohuia huaꞌhuinpitanquëmaꞌ. Noꞌhuirincoso yatëpahuatamaꞌ, co noꞌtëquën yonquiramahuëꞌ. Inasoꞌ, co inaora nohuanton napotërincohuëꞌ, Siniorori camairin niꞌton, napotamarinco. Napoaton naporinso marëꞌ co naꞌininhuëꞌ, itërin.

2 Samuel 19:22

Apisai napopirinhuëꞌ, Tapisoꞌ Coaponta itapon: —Canpitaso Sirohuia huaꞌhuinpitanquëmaꞌ. Catonquëma chachin yaiꞌhuërëtatoma naporamaꞌ. Caso nipirinhuëꞌ, co ina pochin yonquirahuëꞌ. Ca mini Israiro copirnocosoꞌ. ¡Napoaton canpitasoꞌ, co nisha camaitamaso yaꞌhuërinhuëꞌ! Co nohuantërahuëꞌ ipora tahuëri aꞌna Israiro quëmapi tëranta chiminacasoꞌ, itërin.

1 Reyes 17:18

Huaꞌhuin chiminpachina, inaso Iniasë itapon: —Quëmasoꞌ Yosë nohuanton pënëntëran. ¡Co carinquënsoꞌ, manta onpotëranquënhuëꞌ! Co Yosë natëtohuëꞌ oshahuanahuë. Napoaton ina ayonquiancoso marëꞌ huaꞌhuahuë tëpatëranco. ¡Inapotatonco anaꞌintëranco tënahuë! itërin.

Eclesiastés 3:1

Yaꞌipi maꞌsha isoroꞌpaquë ninëhuasoꞌ, tahuërinën yaꞌhuëtërin. Maꞌpitaso nicacasoꞌ nohuantërëhuasopitantaꞌ, oranën yaꞌhuëtërin:

Mateo 15:28

—¡Ma noya imoya natëranco! Yaꞌipi cancanën quëran huarëꞌ natëranco niꞌton, huaꞌhuan anoyachinquën, itërin. Napotohuachina, aꞌnaroáchin huaꞌhuin noyatërin huachi.

Mateo 8:29

Quisoso quënanahuatonaꞌ, chiníquën nontapi. —Nohuitërainquën Sinioro. ¿Maꞌtaꞌ onpotaponcoi? Quëmasoꞌ Yosë huiꞌninquën niꞌton, coꞌhuara ayaroꞌ tahuëri naniyatërasohuëꞌ, ¿aparisitarancoi ti? itopi.

Lucas 2:49

—¿Onpoatontaꞌ yonisápiramacohuëꞌ? Tatahuë pëinënquë yaꞌhuëcaꞌhuasoꞌ ¿co nitotëramahuëꞌ ti? itërin.

Juan 12:23

Natanahuaton, itërin: —Noya iyaroꞌsapaꞌ. Nani tahuëri nanirin huachi. Yosë quëran quëmapico niꞌto, chiminapo. Ina quëran naꞌa piyapiꞌsaꞌ noya niꞌsarinaco.

Juan 13:1

Aꞌna tahuëríchin pahuanarin Pascoa nanicasoꞌ. Naporoꞌ naniarin Quisoso chiminaton, Tata Yosëꞌpaꞌ panantacasoꞌ. Ina nitotërin. Caꞌtanoꞌsanënpitacoi naꞌcon nosororincoi. Chiminaquë huarëꞌ nosoromiatërincoi.

Juan 2:3

Huino taꞌquihuachinara, aꞌshini Quisoso itapon: —Capa huino taꞌquipi huachi, itërin.

Juan 20:13

—¿Onpoatontaꞌ naꞌnëaran? itërin anquëniri. —Sinioronëhuë nonën nani quëpapi. Intohuasoꞌ quëpapisoꞌ co nitotërahuëꞌ, itërin.

Juan 20:15

—¿Onpoatontaꞌ imoya naꞌnëaran? ¿Intaꞌ yonisaran? itërin Quisosori. Mariaso napoaponahuëꞌ: “Sacatonaꞌpi taꞌmaꞌ,” tëcaton: —Quëmari imoya Quisoso nonën quëpahuatan, shaꞌhuitoco macontaꞌi, itërin.

Juan 7:30

Ina topachina, huaꞌanoꞌsari tashinan pëiquë poꞌmocaiso marëꞌ yamápirinahuëꞌ, Yosë nohuanton, co chiminacasoꞌ naniyátërarinhuëꞌ niꞌton, co mápihuëꞌ.

Juan 7:6

—Pahuanarin casoꞌ pacaꞌhuasoꞌ. Canpitaso nipirinhuëꞌ onporosona yapaꞌpatamaꞌ, noya pacoꞌ.

Juan 7:8

Napoaton paatomaꞌ, niyontonpiso tahuëri naꞌhuëcoꞌ. Co ipora paꞌsarahuëꞌ. Pahuanarin pacaꞌhuasoꞌ, itërin.

Juan 8:20

Yosë chinotopiso pëiquë aꞌchintaton, napotërin. Coriqui cacon notënanquë aꞌchintarin. Yosë nohuanton, co chiminacasoꞌ naniyatërarinhuëꞌ. Napoaton co insoari tërantaꞌ maninhuëꞌ.

2 Corintios 5:16

Iráca quiyaora yonquinëhuëi quëran yonquiatoi, aipi yaꞌnorinsoráchin yonquirai. Quisocristontaꞌ iráca co noꞌtëquën yonquirapiraihuëꞌ. “Co inasoꞌ Yosë huiꞌninhuëꞌ,” topiraihuëꞌ, iporasoꞌ noꞌtëquën yonquirai.

Deuteronomio 33:9

Inahuasoꞌ, camaitëranso natëpi. Israiroꞌsarëꞌquën anoyatëranso imamiatapi. Quëmopinëna quëran, ina naꞌcon naꞌcon cancantopi. Ina marëꞌ paꞌpinaꞌ, aꞌshinaꞌ, inapita niponaraihuëꞌ: ‘Coꞌchi onporonta niꞌnaihuë paya,’ itopi. Iinaꞌ, oshinaꞌ, inapitantaꞌ, ‘Coꞌchi nohuitëraihuëꞌ paya,’ itopi. Huiꞌnina tëranta nisapirinhuëꞌ: ‘Ahuën, inpitaso nimara,’ itopi.