Juan 2:16 - Chayahuita (Shahui)

¹⁶ Nëpëꞌ paꞌanpisopita itapon: —Isopitantaꞌ quëpacoꞌ. ¡Ama Tatahuë pëinën mircato pochin nitocosohuëꞌ! itërin Quisosori.

Juan 2:16 ပူးပေါင်းရင်းမြစ်များ

Jeremías 7:11

Iso pëi acotërinacososoꞌ, nóya. Canpitariso napoaponahuëꞌ, ihuatëroꞌsa yaꞌhuëpiquë pochin atarantëramaꞌ. “Ina mini iso pëiꞌ,” ama tocosohuëꞌ. Ina pochin cancantëramasoꞌ, nani niꞌnahuë. Caso Sinioroco shaꞌhuitaranquëmaꞌ.

Mateo 21:12

Ina quëran Yosë chinotopiso pëiquë paaton, yaꞌconconin. Inaquë naꞌa nipaꞌantopisopita quënanconahuaton, aꞌparin. Aꞌnaquën coriqui nicanpiarapirinahuëꞌ, misanënapitantaꞌ pitaraꞌpiarin. Nëpëꞌ paꞌaninsopitantaꞌ aꞌpaton, huënsëpisoꞌ pitarin.

Mateo 21:13

—Yosë quiricanën quëran pënëninpoaꞌ. “Ca nohuanto, pëinëhuë yaꞌhuërin piyapiꞌsaꞌ nontinacoso marëꞌ,” tënin Yosë. Canpitaso nipirinhuëꞌ, ihuatëroꞌsaꞌ yaꞌhuëpiquë pochin nitëramaꞌ, itërin Quisosori.

Mateo 22:5

Paꞌsahuatonaꞌ, shaꞌhuitaantapirinahuëꞌ. ‘Coꞌchi nanitëraihuë paya,’ toconpi aꞌnaya aꞌnaya. Aꞌnasoꞌ iminquë paꞌnin. Aꞌnantaꞌ maꞌsha paꞌanapon paꞌnin.

Marcos 11:17

—Yosë quiricanënquë ninshitërinpoaꞌ. “Ca nohuanto, pëinëhuë yaꞌhuëꞌin nontiinacoso marëꞌ. Yaꞌipi piyapiꞌsaꞌ nisha nisha nananquë nonpisopita nontiinacoso marëáchin acotëranquëmaꞌ,” tënin Yosë. Canpitaso nipirinhuëꞌ, ihuatëroꞌsaꞌ yaꞌhuëpiquë pochin atarantëramaꞌ, itërin Quisosori.

Lucas 2:49

—¿Onpoatontaꞌ yonisápiramacohuëꞌ? Tatahuë pëinënquë yaꞌhuëcaꞌhuasoꞌ ¿co nitotëramahuëꞌ ti? itërin.

Juan 10:29

Tata Yosë nohuanton, imarinaco. Inasoꞌ chini chiníquën nanantërin. Co insontaꞌ nanitërinhuëꞌ Yosë quëran osërëcaisoꞌ.

Juan 2:15

Inapita quënanconahuaton, Quisosori co noyahuëꞌ niꞌnin. Nonin masahuaton, sihuirintahuaton, ohuica, ohuacaꞌ, inapita huënintaton, aꞌparin huachi. Paꞌanpisopitantaꞌ Yosë pëinën quëran aꞌparin. Coriqui nicanpiapisontaꞌ misanënapita quëran taꞌsarin. Coriqui taꞌsarahuaton, misanënapitantaꞌ tëꞌyatërin.

Juan 20:17

—Aꞌpoco imoya. Co tatahuë yaꞌhuërinꞌpaꞌ pantayátërarahuëꞌ. Apira paaton, iyahuëpita pochin niꞌnahuësopita shaꞌhuitonquëꞌ: “Yosë yaꞌhuërinꞌpaꞌ panantarahuë. Inasoꞌ: ‘Tata,’ itato chinotërahuë. Canpitantaꞌ imaramaco niꞌton, ‘Tata,’ itatomaꞌ chinotëramaꞌ, tënin Quisoso, itonquëꞌ,” itërin.

Juan 5:17

Quisosoriso nipirinhuëꞌ itërin: —Tatahuësoꞌ co ipora huantaꞌ chinotërinhuëꞌ. Sacatárin piyapiꞌsaꞌ catahuacaso marëꞌ. Cantaꞌ co chinotërahuëꞌ. Nani tahuëri piyapiꞌsaꞌ catahuarahuë, tënin.

Juan 8:49

—Co sopai yaꞌcoancantërincohuëꞌ. Tatahuë noya nicato natërahuë. Canpitaso nipirinhuëꞌ nocanatomaco, pinoramaco.

1 Timoteo 6:5

Nitapicancantatonaꞌ, co niquëꞌyapihuëꞌ. Iráca Yosë nanamën nitotopirinahuëꞌ, ina naniantatonaꞌ, co huachi noꞌtëquën yonquipihuëꞌ. Maꞌsha canacaiso marëꞌ Yosë yaimaconpi. Co ina marëꞌ imacasohuëꞌ nipirinhuëꞌ, napopi. Ama inapitasoꞌ natanquësohuëꞌ.

2 Pedro 2:3

Nisha aꞌchinaꞌpiroꞌsasoꞌ co nosororinënquëmahuëꞌ. Canacaiso marëꞌ nonpin nananoꞌsaꞌ aꞌchintarinënquëmaꞌ. Inaso nipirinhuëꞌ, iráca quëra huarëꞌ Yosëri yonquirin anaꞌintacasoꞌ. Aꞌna tahuëri noꞌtëquën anaꞌintarin. Co naniantarinhuëꞌ anaꞌintacasoꞌ.