Juan 2:11 - Chayahuita (Shahui)

¹¹ Naporoꞌ Quisoso caniaritërin Yosë pochin nicacasoꞌ. Piyapiꞌsari nicatonaꞌ: “Tëhuënchachin Yosëri catahuarin niꞌton, nanitaparin,” topi. Caꞌtanoꞌsanënpitacointa niꞌsahuatoi: “Quisososoꞌ, Yosëri aꞌpaimarinsoꞌ,” tënai. Canaquë naporin. Inaso ninanoꞌ, Cariria parti yaꞌhuërin

Juan 2:11 ပူးပေါင်းရင်းမြစ်များ

Salmos 72:19

Inasoꞌ, noyápiachin. Inasáchin chinotomiachinaꞌ. ¡Yosë huënaratërinsoari yaꞌipi isoroꞌpaꞌ noyá aꞌpinchin! ¡Inapoꞌin mini!

Salmos 96:3

Yosëso noyasáchin nicaton, paꞌyapiro nininsopita ninin. Naporinso yaꞌipi piyapiꞌsa shaꞌhuitahuaꞌ.

Éxodo 14:31

Siniorori chiníquën nanantaton iquipitoroꞌsa anaꞌintërin. Ina niꞌsahuatonaꞌ, israiroꞌsasoꞌ Yosë tëꞌhuatopi: “Tëhuënchachin Yosë catahuarinpoaꞌ. Moisësëntaꞌ, ina natëton catahuarinpoaꞌ,” taꞌtona natëtopi huachi.

Éxodo 4:9

Ina quëran taantarin: —Inapita aꞌnotopiranhuë co natëhuachinënhuëꞌ, Niroiquë paꞌsahuaton iꞌsha maquëꞌ. Noꞌpaquë opohuatan, naporo chachin huënaiꞌ taranin, itërin.

Eclesiastés 9:7

¡Huëco paꞌahua capa cancantahuaꞌ! Noya coshatahuaꞌ, noya oꞌoahuaꞌ, napoaꞌahuaꞌ. Sacatërëhuaso marëꞌ nani Sinioro noya niꞌninpoaꞌ.

Isaías 40:5

Naporoꞌ Sinioro chini chiníquën nanantërinsoꞌ aꞌnotarinpoaꞌ. Napohuachina yaꞌipi piyapiꞌsari niꞌsapi. Sinioro chachin naporin,” tapon.

Malaquías 2:2

Canpitasoꞌ, natëamacoso yaꞌhuërin: ‘Yaꞌipi cancanënpoa quëran Sinioro noya nicatëhua natëcaso yaꞌhuërin,’ tëcatoma natëco. Coꞌsoꞌ inapoatamahuëꞌ, ama huachi noya yaꞌhuëcamaso marëhuëꞌ, shaꞌhuitaranquëmaꞌ. Canpitasoꞌ, co yaꞌipi cancanëma quëran noya nicatomaco natëamacoso yonquiramahuë niꞌton, co noyahuëꞌ niꞌsaranquëmaꞌ. Corto huaꞌanoꞌsanquëma niꞌton, noya nininso maꞌpatëramasopita co huachi noya yaꞌhuëcamaso catahuarinquëmahuëꞌ. Inapotohuato, maꞌsha onpotarinënquëmaꞌ. Ipora chachin nani inapotaranquëmaꞌ. Co noya nicatomaco natëramacoso marëhuëꞌ, inapotaranquëma huachi. Caso Sinioroco yaꞌipi nanitapato, shaꞌhuitaranquëmaꞌ.

Juan 1:14

Quisocristo isoroꞌpaquë nasitimarin. Yosë niponahuëꞌ, piyapi chachin nasitërin. Canpoarë chachin yaꞌhuërin. Quiyasoꞌ niꞌnai. Inasoꞌ nóya, tënai. Yosë pochachin ninin. Inaíchin huiꞌnin inasoꞌ. Inaora nohuanton nosororinpoaꞌ. Noꞌtëquën nontërinpoaꞌ.

Juan 1:17

Iráca Yosë nohuanton, Moisësë pënëntërin nani maꞌsha natëcasoꞌ. Pënëntopirinhuëꞌ, co yaꞌipiya anitotërinpoahuëꞌ. Quisocristoso nipirinhuëꞌ nosororinpoaꞌ. Noꞌtëquën nonaton, yaꞌipi nanamën anitotërinpoaꞌ.

Juan 1:43

Tahuëririnquë Quisoso Caririaquë yapaꞌsarin. Paꞌsahuaton, Pinipi quënanconin. —Huëquëꞌ iyasha imacoꞌ, itërin. Itohuachina, imarin.

Juan 1:50

—¿Ninoto quënananquënso marëáchin natëranco ti? saca sacai nininsopita niꞌsaran, itërin.

Juan 10:41

Naꞌa piyapiꞌsaꞌ ina nicaponaꞌ paꞌpi. Ina niꞌsahuatonaꞌ, ninontopi. —Coanshasoꞌ co piyapiꞌsaꞌ aꞌnaroáchin anoyatopirinhuëꞌ, noꞌtëquën shaꞌhuitërinpoaꞌ. “Quisososoꞌ Yosëri aꞌpaimarinsoꞌ,” itohuachinpoara, noꞌtëquën nonin, nitopi.

Juan 11:15

Iꞌhuara aquëtëran co paatorahuëꞌ, co anoyatërahuëꞌ. Canpita naꞌcon naꞌcon natëamacoso marëꞌ isëquë ninarahuë. Inasoꞌ noya tënahuë. Iporaso nipirinhuëꞌ, huëcoꞌ inatohuaꞌ paꞌahuaꞌ, itërincoi.

Juan 11:47

Ina natanahuatonaꞌ, parisioroꞌsaꞌ, corto huaꞌanoꞌsaꞌ, inapita napopianáchin yonquiatonaꞌ, yaꞌipi cotio huaꞌanoꞌsaꞌ ayontonpi ninontacaiso marëꞌ. —¿Maꞌtaꞌ onpotahuaꞌ? Ina quëmapi naꞌa piyapiꞌsaꞌ aꞌnaroáchin anoyatarin. Iporantaꞌ aꞌna piyapi chiminpirinhuëꞌ, ananpitaantarin. “Yosëri chachin catahuarin,” topi.

Juan 12:18

Ina marëꞌ notohuaroꞌ piyapiꞌsaꞌ Quisoso nacapiaponaꞌ paꞌpi.

Juan 12:37

Nani naꞌa piyapiꞌsaꞌ aꞌnaroáchin anoyatërin. Cosharoꞌ anaꞌatërin. Yosë pochin nininsoꞌ nicaponaraihuëꞌ, co yanatëpihuëꞌ.

Juan 12:41

Iráca coꞌhuara Quisoso isoroꞌpaquë huëꞌshamátërasohuëꞌ, Isaiasëri huaꞌnarëso pochin quënanin. Quisososoꞌ Yosë pochachin nóya niꞌton, ina yonquiaton, naporin.

Juan 14:13

Ca pochin yonquihuatamaꞌ, nanan quëchinquëmaꞌ Tatahuë nontacamaso marëꞌ. “Huiꞌnan chachin nanan quëtërinco,” taꞌtomaꞌ, ina nontocoꞌ. Ca pochin cancantatomaꞌ, maꞌsona nipatamaco acotaranquëmaꞌ. Aꞌnapitantaꞌ Tata Yosë noya noya nicacaiso marëꞌ inapoarahuë. Ina naꞌcon nohuantërahuë.

Juan 16:27

Tatahuë chachin nosororinquëmaꞌ. Nosororamaco niꞌton, nosororinquëmaꞌ. Ina aꞌpaimarincosoꞌ natëramaꞌ niꞌton, nosororinquëmaꞌ canpitantaꞌ.

Juan 16:30

Quëmasoꞌ yaꞌipi nitotëran. Yosë quëran oꞌmaran, tënai. Co huachi natanaꞌhuainquënso tërantaꞌ yaꞌhuërinhuëꞌ, itërai.

Juan 2:1

Cara tahuëri quëran aꞌna quëmapi pita nisarin saꞌacaso marëꞌ. Canaquë naporin, Cariria parti yaꞌhuërinsoꞌ. Inatohuaꞌ Quisoso aꞌshin niꞌtapon paꞌnin.

Juan 2:23

Pascoa tahuëri inaquë yaꞌhuasocoi, Quisoso Yosë pochachin ninin. Piyapiꞌsaꞌ aꞌnaroáchin anoyatërin. “Yosëri catahuarin,” taꞌtonaꞌ, aꞌnaquën natëpi.

Juan 4:3

Ina nitotaton, Quisoso paꞌnin. Cotia parti quëran pipirahuaton, Cariria parti paantarin.

Juan 4:46

Ina quëran Canaquë cancoantarai. Inaquë iꞌhua iꞌsha huino atarantërin. Inaquë canconpatoira, aꞌna capitan copirno piyapinën nininsoari huëcapairin. Huiꞌnin quëmapiaꞌhua nininsoꞌ, Capinaomoquë chiníquën caniorin.

Juan 4:54

Iꞌhua chachin iꞌsha huino atarantërin. Iporasoꞌ Cotia parti quëran huëntarahuaton, capitan huiꞌnin yaꞌhuërëꞌ aꞌnaroáchin anoyatërin. Inapoaton catoroꞌ huachi Caririaquë Yosë pochin nisarin piyapiꞌsari nohuitacaiso marëꞌ.

Juan 5:23

Ina quëran yaꞌipi piyapiꞌsaꞌ noya niꞌsarinaco. Tatahuë noya niꞌpiso pochachin niꞌsarinaco. Ina marëꞌ nanan quëtërinco. Co noya niꞌpatamacohuëꞌ, Tatahuëntaꞌ co noya niꞌnamahuëꞌ. Ina aꞌpaimarinco.

Juan 6:14

Ina nápo piyapiꞌsaꞌ capacaiso marëꞌ cosharoꞌ anaꞌatërinsoꞌ niꞌsahuatonaꞌ, piyapiꞌsaꞌ ninontopi: —Tëhuënchachin iso quëmapi Yosëri aꞌpaimarin. Pënëinpoaso marëꞌ aꞌpaimacaso shaꞌhuirinso chachin, nani oꞌmarin, nitopi.

Juan 6:2

Notohuaroꞌ piyapiꞌsaꞌ imasarinacoi. Naꞌa caniaꞌpiroꞌsaꞌ Quisosori aꞌnaroáchin anoyatërin. Ina nicatonaꞌ, imasapi.

Juan 6:26

—Noꞌtëquën shaꞌhuitaranquëmaꞌ. Iꞌhuara cosharoꞌ anaꞌatërahuë nohuitamacoso marëꞌ nipirinhuëꞌ, co yanohuitëramacohuëꞌ. Natëaquë huarëꞌ coshatëramaꞌ niꞌton, yoniramaco.

Juan 6:30

—Inta nipachin, Yosë pochin niquëꞌ. Ina nicatoi, natëꞌinquën. Co topinan natëaꞌhuainquënsoꞌ yaꞌhuërinhuëꞌ.

Juan 7:31

Huaꞌanoꞌsarisoꞌ noꞌhuipirinahuëꞌ, naꞌa piyapiꞌsari Quisoso yanatëpi. —Cristo oꞌmahuachin, iso quëmapi quëran naꞌcon naꞌcon taꞌmaꞌ ¿Yosë pochin niquimarëꞌpo ti? topi.

Juan 9:16

—Niꞌquëchi. Chinoto tahuëri nipirinhuëꞌ, co Quisoso chinotërinhuëꞌ. Napoaton co Yosë quëran oꞌmarinhuëꞌ, topi aꞌnaquën. —¿Onporahuatontaꞌ nipachin nanitërin somaraya aꞌnaroáchin anoyatacasoꞌ? Oshahuan naporini, co nanitapaitonhuëꞌ, topi aꞌnaquëontaꞌ. Nisha nisha yonquipi.

2 Corintios 3:18

Sinioro imapatëhuaꞌ, co huachi nipaꞌcopirayatërëso pochin cancantarihuahuëꞌ. Isihuicoquë maꞌsha aꞌnotërëso pochin ninëhuaꞌ. Yosë nóya nininsoꞌ piyapiꞌsaꞌ anitotërëhuaꞌ. Apira apira ina yonquihuatëhuaꞌ, oshaquëran Yosë pochachin cancantarihuaꞌ. Ina nohuanton, Ispirito Santo catahuarinpoaꞌ noya noya cancantacaso marëꞌ.

2 Corintios 4:17

Tëhuënchachin iporasoꞌ piꞌpian parisitapirëhuahuëꞌ, co huaꞌquiꞌ isoroꞌpaquë yaꞌhuarihuahuëꞌ. Yosëꞌpaꞌ paꞌpatëhuaꞌ, co onporontaꞌ pipiarëhuahuëꞌ. Imarëhuaso marëꞌ parisitapirëhuahuëꞌ, inapaquësoꞌ noya noya cancantarihuaꞌ. Yosë pochachin cancantarihuaꞌ.

2 Corintios 4:6

Yaꞌnan isoroꞌpaꞌ acoapon yaꞌipi parti tashipirinhuëꞌ: “Niiꞌsohuanchin huachi,” tënin Yosë. Napohuachina, tahuëri yaꞌhuërin. Inapochachin iporasoꞌ cancanënpoaquë aꞌpintërinpoaꞌ ina nohuitacaso marëꞌ. Inasoꞌ noya noya. Quisocristo yaꞌpirin quëran aꞌpintërinpoaso pochin ninin. Ina yonquihuatëhuaꞌ, Yosë chachin anohuitarinpoa huachi.

1 Juan 5:13

Canpitasoꞌ Quisocristo natëramaꞌ. “Inasoꞌ Yosë huiꞌnin niꞌton, imasarahuë,” topatamaꞌ, huëntonënquë nani ayaꞌconinquëmaꞌ. Ina nohuitatomaꞌ, nanpimiatarama. Ina nitotacamaso marëꞌ ninshitaranquëmaꞌ.