Juan 19:5 - Chayahuita (Shahui)

⁵ Naporoꞌ Quisosontaꞌ pëi quëran pipirin. Yancotëꞌ nahuan quëran nipiso ayancotopi, quëhuanën miáchin aꞌmotopisoꞌ. Inapitarë chachin pipirin. —Niꞌcoꞌ iso quëmapi, saꞌahua, itërin piyapiꞌsaꞌ.

Juan 19:5 ပူးပေါင်းရင်းမြစ်များ

Isaías 40:9

Quirosarinquë yaꞌhuëramasopita noya nanan shaꞌhuicoꞌ. Motopi naniontarinquë nanpërahuatoma chiníquën shaꞌhuiontacoꞌ. Ama tëꞌhuatatomahuëꞌ yaꞌipi Cota huënton israiroꞌsa shaꞌhuitocoꞌ: “¡Maꞌtana Sinioro chinotërëhuasoꞌ!

Isaías 43:1

Israiroꞌsanquëmaꞌ, nininquëmasoꞌ nontarinquëma natancoꞌ. Canpitaso Cacopo shinpitanquëma niꞌtomaꞌ, noya natancoꞌ: “Carinquëma nichaꞌëranquëma niꞌton, ama tëꞌhuacosohuëꞌ. Carima nininëma quëran përaranquëma niꞌton, huaꞌanëntëranquëmaꞌ.

Isaías 7:14

Sinioro chachin napoahuarëꞌ maꞌsona aꞌnotarinquëma nitotamaso marëꞌ: Niꞌquëꞌ. Ca nohuanton nanon cayoapon. Inapoaton quëmapiaꞌhuaya huaipon. Inasoꞌ huaꞌhuin nohuitaton, Imanino itapon.

Mateo 27:29

Yancotëntaꞌ nahuan quëran nicatonaꞌ, ayancotopi. Ina quëran tëhuacaiso marë napotopi: —Maꞌtana huaranën maquë huachi, itatonaꞌ, piquiranan asëꞌquëëpi. Naporahuatonaꞌ ina notënanquë isonpi: —Huaꞌqui tahuëri nanpiton cotioroꞌsaꞌ huaꞌanëntëquëꞌ, itopi.

Juan 1:29

Tahuëririnquë inaquë Quisoso huëꞌsarin. Coanshari quënanahuaton, piyapiꞌsaꞌ itërin: “Pasoꞌ quëmapi niꞌcoꞌ. Yosëri aꞌpaimarinsoꞌ. Inasoꞌ carniroaꞌhua pochin nicaton, oshanënpoaꞌ inquitiinpoaso marëꞌ chiminapon.

Juan 19:2

Nahuan quëran yancotëꞌ nicatonaꞌ, ayancotopi. Nahuan niꞌton, ohuanin. Naporahuaton, quëhuanën miáchin huaꞌan aꞌmorinso pochin aꞌmotopi tëhuacaiso marëꞌ.

Hebreos 12:2

Quisocristo naꞌcon yonquiaꞌahuaꞌ. Inasáchin catahuarinpoaꞌ Yosë natëcasoꞌ. Naporahuaton, inasáchin catahuarinpoaꞌ noya noya natëtacasoꞌ. Isoroꞌpaquë oꞌmahuachina, chiníquën parisitërin. Corosëquë parisitohuachina, naꞌcon tëhuapirinahuëꞌ, co ina yonquirinhuëꞌ. “Chiminpato, piyapiꞌsaꞌ nichaꞌësarahuë,” taꞌton, nóya cancantërin. Ina quëran inápaquë panantarahuaton, Yosë inchinanën quëran chachin huënsëarin.