Juan 19:42 - Chayahuita (Shahui)

⁴² Nani iꞌhuararin. Tahuëririnquë Pascoa tahuëri chachin niꞌton, manorapi. Tëpapisoꞌ yaꞌcariya niꞌton, inaquë poꞌmopi. Pancaraꞌpi pitarahuatonaꞌ, nanin paꞌcopitopi.

Juan 19:42 ပူးပေါင်းရင်းမြစ်များ

Salmos 22:15

Sënan aꞌpëhuatëra yanirin. Ina pochachin cantaꞌ, yanirahuëso pochin nicato co huachi chinirahuëꞌ. Paꞌpi yamoroto yaniconopirarahuë ninatanahuë. Chiminpatëra, amocan taranëꞌ. Inapochinachin canta nisarahuë.

Isaías 53:9

Co onporonta nonpininhuëꞌ, co onporonta tëpatërinhuëꞌ, napoaponahuëꞌ, co noyahuëꞌ piyapiroꞌsa pirayan paꞌpitapi.

Mateo 12:40

Iráca Conasë marëquë tëꞌyaitohuachinara, panca sami pochin nininsoari miꞌtërin. Cara tahuëri tashirë chachin inaquë yaꞌhuapirinhuëꞌ. Ina quëran Yosë nohuanton, chaꞌërin. Inapochachin cantaꞌ Yosë quëran quëmapico niꞌto, chiminpato, cara tahuëri tashirë chachin acoporoꞌ yaꞌhuaporahuëꞌ, chaꞌësarahuë huachi.

Juan 19:14

Aꞌna tahuëríchin pahuanarin Pascoa nanicasoꞌ. Yacamotahuasoꞌ, cotioroꞌsaꞌ itërin: —Copirnonëmaꞌ niꞌcoꞌ, itërin.

Juan 19:20

Ninano yaꞌcariya niꞌton, naꞌa cotioroꞌsaꞌ ina nontopi. Cotio nananquë, Noma nananquë, Crico nananquë, cara nananquë chachin aninshitërin.

Juan 19:31

Ina tashiraya chinoto tahuëri niꞌton, cotioroꞌsaꞌ co nohuantopihuëꞌ inaquëranchin patanantopisopita patacaisoꞌ. Pascoa tahuëri chachin inasoꞌ niꞌton, noya noya niꞌpi. Napoaton Pirato paahuantapi. “Sontaroꞌsaꞌ shaꞌhuitëquëꞌ tonainaꞌ nipanchinaꞌ aꞌnaroáchin chiminacaiso marëꞌ. Chiminpachinaꞌ, quëparahuatonaꞌ, paꞌpichinaꞌ,” itopi huaꞌanoꞌsari.

Juan 19:41

Ina yaꞌcariya imiaꞌhuaya yaꞌhuërin. Inaquë nasha naꞌpi nanin yaꞌhuërin chimipi poꞌmocaiso marëꞌ. Inaquësoꞌ, co chimipi poꞌmoyátërapihuëꞌ.

Hechos 13:29

Ina quëran yaꞌipi Yosë quiricanënquë ninorinsoꞌ nanihuachina, corosë quëran anohuararahuatonaꞌ, naꞌpi naninquë poꞌmopi.

1 Corintios 15:4

“Chiminpachina, paꞌpitopi huachi. Paꞌpitopirinahuëꞌ, cara tahuëri quëran nanpiantarin,” itëranquëmaꞌ. Quiricanënquë ninorinso chachin nanpiantarin:

Colosenses 2:12

Aporihuanpatëhuaꞌ, Quisocristo pochin ninëhuaꞌ. Chiminpachina, paꞌpitopirinahuëꞌ. Yosë nohuanton, nanpiantarin. Inapochachin canpoantaꞌ co noyahuëꞌ yonquirëhuasopita naniantarihuaꞌ. Ina quëran Quisocristo nanpiantarinso pochin ninëhuaꞌ. “Yosë yaꞌipiya nanitaparin,” topatëhuaꞌ, catahuarinpoaꞌ ina pochin nicacasoꞌ.