Juan 19:39 - Chayahuita (Shahui)

³⁹ Nicotimontaꞌ huëꞌnin. Inasoꞌ iráca Quisosoquë paaton, tashiꞌ nontërin. Inanta huëcaton, pimo yaquiꞌ shinpanantë ayontopinan, quënin nonën pashitacaso marëꞌ. Cara shonca quiro pochin quëꞌninsoꞌ quënin.

Juan 19:39 ပူးပေါင်းရင်းမြစ်များ

Génesis 50:2

Ina quëran notoronënpita camairin paꞌpincoꞌ nonën tapacaisoꞌ. Camaihuachina, ama chanatacaso marëhuëꞌ taparapi. Paꞌpincosoꞌ, Cacopo itahuatonaꞌ, Israiro itopi antaꞌ.

Proverbios 7:17

Noya huaꞌsaiquë chachin quëhuëntërahuësoꞌ, pashitërahuë. Ina huaꞌsaisoꞌ, shinpanantëꞌ, canina, pimo yaquiꞌ, inaquëranpita nipi.

Mateo 12:20

Aꞌnaquën piquira yanopantërinso pochin nicatonaꞌ, co huachi chiníquën cancantopihuëꞌ. Inapitasoꞌ achinicancanarin. Nanparin yatacopirinso pochin cancantatonaꞌ, piꞌpianchin Yosë shiaꞌpopi. Co inapitantaꞌ noꞌhuiarinhuëꞌ. Noꞌtëquën aꞌchintahuaton, naꞌa piyapiꞌsaꞌ anoyacancantarin. Inapotaton, sopai minsëarin huachi.

Mateo 19:30

Aꞌnaquënso ipora chiníquën nanantopirinahuëꞌ, aꞌna tahuëri topinan piyapi pochin nisapi. Aꞌnaquënso nipirinhuëꞌ ipora topinan piyapi pochin nicaponaraihuëꞌ, aꞌna tahuëri chiníquën nanantapi, itërin Quisosori.

Marcos 16:1

Chinoto tahuëri piquëran Maria Mactarina, Saroma, aꞌna Maria (Santiaco aꞌshin nininsoꞌ), inapita huaꞌsaiꞌ paꞌanpi Quisoso nonën pashitonacaiso marëꞌ.

Juan 12:3

Naporoꞌ Mariasoꞌ aꞌna potiria paꞌton huaꞌsaiꞌ yaꞌhuërinquë manin. Inaquë Quisoso nantëquën pashirantëtërin. Ina quëran ainën quëran amirantërin. Yaꞌipi pëiꞌ pimoanahuanin.

Juan 12:7

Napopirinhuëꞌ, Quisosori itërin: —Iso sanapi tananpitëquëꞌ. Noya napotarinco. Chiminaꞌhuasoꞌ yonquiaton, pashirantëtërinco paꞌpitinacoso marëꞌ.