Juan 19:29 - Chayahuita (Shahui)

²⁹ Huino áin nininsoꞌ tasonquë yaꞌhuërin. Napoaton piꞌshiro pochin nininquë asëꞌcotërahuatonaꞌ, naraꞌhuayaquë achinpipi. Ihuëtahuaton, Quisoso nanamënquë paquëanantërin.

Juan 19:29 ပူးပေါင်းရင်းမြစ်များ

Salmos 51:7

Oshanëhuë inquitoco noyápiachin cancanchi. Paꞌmocancanco huiri huiríchin pochin cancanchi.

Éxodo 12:22

Tëpahuachina huënainën sënanquë mainaꞌ. Ina quëran isopo naraaꞌhuaya sëꞌpaquën sëꞌtamorahuatonaꞌ, huënaiquë iꞌcomiichinaꞌ. Inapotatonaꞌ, yaꞌcoananëna yonsanquë pashichinaꞌ. Nani pashitohuachina, co huachi inso tëranta pëinëna quëran pipicaisoꞌ, yaꞌhuërinhuëꞌ. Tahuëririnquë huarëꞌ pipiponaꞌ.

Mateo 27:34

Inaquë canconahuatonaꞌ, huino maꞌsha pinshiinëꞌ ayontahuatonaꞌ, oꞌshitopirinahuëꞌ, piꞌpisha piꞌnirahuaton, co oꞌorinhuëꞌ.

Mateo 27:48

Aꞌnasoꞌ manorahuaton, piꞌshiro pochin nininsoꞌ maconin. Ina masahuaton, huino áin nininsoꞌ asëꞌcotëtahuaton, piquirananquë achinpitërin. Achinpitahuaton, ihuëtërin oꞌocaso marëꞌ.

Mateo 27:50

Quisososo nipirinhuëꞌ chiníquën nonsahuaton, chiminin huachi.

Marcos 15:36

Aꞌna quëmapisoꞌ manorahuaton, piꞌshiro pochin nininsoꞌ maconin. Main huino asëꞌcotëtërin. Naraꞌhuayaquë achinpitahuaton, inápaquë ihuëtërin oꞌocaso marëꞌ. —Tananpitëquëꞌ. Corosë quëran anohuaracaso marëꞌ, Iniasë huëꞌsamara, tënin.

Lucas 23:36

Sontaroꞌsarintaꞌ tëhuapi. Yaꞌcariconahuatonaꞌ, huino main nininsoꞌ ihuëtopi. —Oꞌoquëꞌ Maistro.