Juan 19:28 - Chayahuita (Shahui)

²⁸ Quisoso nontahuatoncoi: “Nani yaꞌipi Yosë shaꞌhuitërincosoꞌ natërahuë,” tënin yonquinënquë. Ina quëran, Yosë quiricanënquë ninorinso nanicaso marëꞌ: —Yamororahuë, tënin.

Juan 19:28 ပူးပေါင်းရင်းမြစ်များ

Salmos 22:15

Sënan aꞌpëhuatëra yanirin. Ina pochachin cantaꞌ, yanirahuëso pochin nicato co huachi chinirahuëꞌ. Paꞌpi yamoroto yaniconopirarahuë ninatanahuë. Chiminpatëra, amocan taranëꞌ. Inapochinachin canta nisarahuë.

Salmos 69:21

Cosharonëhuëquë noniarinaco. Yamorohuatorantaꞌ, huino áin oꞌshitërinaco.

Lucas 18:31

Ina quëran caꞌtanoꞌsanënpita amashamiachin quëparahuaton, itantarin: “Iporasoꞌ, Quirosarinquë paantarëhuaꞌ. Inatohuaꞌ yaꞌhuasëhuaꞌ, Yosë quëran quëmapico nipirahuëꞌ, nani maꞌsha onpotarinaco. Pënëntonaꞌpiroꞌsaꞌ iráca ninshitopiso chachin napotarinaco.

Lucas 22:37

Iráca Yosë quiricanën quëran ninorinaco. “Apiroꞌsarëꞌ acorapi,” tënin. Napopiso chachin apiroꞌsa pochin cancantatonaco, masarinaco. Yaꞌipi ninorinacosoꞌ nanicaso yaꞌhuërin, tënin.

Juan 13:1

Aꞌna tahuëríchin pahuanarin Pascoa nanicasoꞌ. Naporoꞌ naniarin Quisoso chiminaton, Tata Yosëꞌpaꞌ panantacasoꞌ. Ina nitotërin. Caꞌtanoꞌsanënpitacoi naꞌcon nosororincoi. Chiminaquë huarëꞌ nosoromiatërincoi.

Juan 17:4

Piyapiꞌsaꞌ nichaꞌëcaꞌhuaso marëꞌ aꞌpaimaranco. Yaꞌipi shaꞌhuitërancosoꞌ natëarahuë. Yaꞌipi tiquirahuë. Quëmasáchin natëranquën niꞌton, piyapiꞌsaꞌ noya niꞌsarinënquën.

Juan 18:4

Quisososoꞌ yaꞌipiya ninoponahuëꞌ, co taꞌarinhuëꞌ. Nacapiapon paꞌnin. —¿Intaꞌ yonisaramaꞌ? itërin.

Juan 19:24

—Ama oshahuasohuëꞌ. Huëcoꞌ yaꞌnipitëhuaꞌ nicanahuaꞌ, taꞌtonaꞌ yaꞌnipirapi. Inaporahuatonaꞌ, aꞌnari manin. Iráca Yosë quiricanënquë ninoton, tapon: “Aꞌmorahuësoꞌ nipatomatapi. Acopotërahuëso macacaiso marëntaꞌ nicanarapi,” tënin ninshitaton. Naporinso chachin mapi.

Juan 19:30

Piꞌpian oꞌosahuaton: —Nani yaꞌipi nanirin, tënin. Ina tosahuaton, monshorahuaton, chiminin.

Juan 19:36

Iráca Yosë quiricanënquë ninshitërin: “Co aꞌna nansëquën tërantaꞌ nipantapihuëꞌ,” tënin. Naporinso chachin co inasoꞌ nipantopihuëꞌ.

Juan 4:34

—Yosë aꞌpaimarinco nohuantërinsoꞌ nicaꞌhuasoꞌ. Yaꞌipiya yanatërahuë. Ina yonquiato, co huachi cosharoꞌ yonquirahuëꞌ. Cosharo pochin achinirinco.

Hechos 13:29

Ina quëran yaꞌipi Yosë quiricanënquë ninorinsoꞌ nanihuachina, corosë quëran anohuararahuatonaꞌ, naꞌpi naninquë poꞌmopi.