Juan 19:18 - Chayahuita (Shahui)

¹⁸ Inaquë corosëquë patanantopi. Catoꞌ apiroꞌsantaꞌ tëparapi antaꞌ niꞌton, nisha patanantopi. Aꞌnaꞌ ahuënan quëran, aꞌnantaꞌ inchinan quëran patanantopi. Quisoso ahuancanapipi.

Juan 19:18 ပူးပေါင်းရင်းမြစ်များ

Salmos 22:16

Huëntonën niꞌnirasoꞌ, tancapitahuatona maꞌsha mapi. Inapochachin cantaꞌ, inimicoroꞌsa nitërinaco. Imirahuë, nantëhuë, inapita oquitërinaco.

Isaías 53:12

Napoaton Siniorori, chiníquën nanantopisopitarëꞌ acoapon. Chiníquën nanantopisopitantaꞌ, inari catahuapon canatacaisoꞌ. Canatohuachinara, inanta canatarin. Inaora nohuanton chimininso marëꞌ napoapon. Naporahuaton, “co noyahuëꞌ nininso marëꞌ parisitërin,” itopiso marëꞌ napoapon. Napotopirinahuëꞌ, naꞌa piyapiꞌsa oshanëna marëꞌ inaso parisitërin. Naporahuaton, oshahuanoꞌsa catahuacaso marëꞌ Yosë nontërin.

Mateo 27:44

Ina pirayan patanantopisopitantaꞌ Quisoso noꞌhuipi.

Juan 18:32

Iꞌhua Quisoso ninoton nani shaꞌhuirin: “Aꞌna tahuëri inápaquë achinpiarinaco,” tënin. Yosë nohuanton, onpotatonasona tëpacaisoꞌ naniarin.

Juan 19:32

Napotohuachinara: “Noyahuaꞌ,” itahuaton, sontaroꞌsaꞌ aꞌparin tonainaꞌ nipantacaiso marëꞌ. Paꞌsahuatonaꞌ, catoꞌ apiroꞌsa chachin nipantonatonpi.

Hechos 2:23

Napoaponahuëꞌ, canpitari atëpatëramaꞌ. Masahuatomaꞌ, nisha piyapiꞌsaꞌ quëtonamaꞌ corosëquë tëpacaiso marëꞌ. Co Yosë natëpihuëꞌ niꞌton, tëpapi. Iráca chachin Yosëri yonquirin huiꞌnin chiminacasoꞌ. Ina nohuanton, oshanënpoa marëꞌ chiminin. Co nohuantërinhuëꞌ naporini, co macacamasoꞌ nanichitomahuëꞌ. Canpitari atëpatopiramahuëꞌ,

Gálatas 3:13

Co nanitërëhuahuëꞌ noꞌtëquën natëcasoꞌ niꞌton, anaꞌintinpoasoꞌ yaꞌhuërin. Quisocristoso nipirinhuëꞌ nichaꞌërinpoaꞌ. Canpoaꞌ yaꞌhuërënamënpoaꞌ chiminin. Ina, Yosëri anaꞌintërin. Quiricanën quëran naporin: “Piyapi paꞌpi co noyahuëꞌ nipachina, naraquë achinpirahuatëꞌ, chiníquën anaꞌintërëꞌ. Nani Yosëri aꞌporin,” tënin quiricanënquë. Canpoasoꞌ anaꞌintinpoasoꞌ yaꞌhuëpirinhuëꞌ, naraquë chachin Quisocristo apatanantohuachinara, oshanënpoa marëꞌ parisitërin. Inaquë parisitaton, nichaꞌërinpoaꞌ.

Hebreos 12:2

Quisocristo naꞌcon yonquiaꞌahuaꞌ. Inasáchin catahuarinpoaꞌ Yosë natëcasoꞌ. Naporahuaton, inasáchin catahuarinpoaꞌ noya noya natëtacasoꞌ. Isoroꞌpaquë oꞌmahuachina, chiníquën parisitërin. Corosëquë parisitohuachina, naꞌcon tëhuapirinahuëꞌ, co ina yonquirinhuëꞌ. “Chiminpato, piyapiꞌsaꞌ nichaꞌësarahuë,” taꞌton, nóya cancantërin. Ina quëran inápaquë panantarahuaton, Yosë inchinanën quëran chachin huënsëarin.