Juan 18:3 - Chayahuita (Shahui)

³ Corto huaꞌanoꞌsaꞌ, parisioroꞌsaꞌ, inapita nani shaꞌhuitonin. Natanahuatonaꞌ, sontaroꞌsaꞌ, ponisiaroꞌsaꞌ, inapita aꞌpapi Quisoso macacaiso marëꞌ. Nansa, sahuëni, inapita quëpapi. Tashiꞌ niꞌton, nanparin, yonarin, inapitantaꞌ quëpapi. Cotasëri quëchitërahuaton, aꞌnotërin.

Juan 18:3 ပူးပေါင်းရင်းမြစ်များ

Salmos 22:12

Toro noꞌhuitëraya pochin inimicoroꞌsa tancapitërinaco. Pasan parti tororoꞌsasoꞌ, chiníquënoꞌsaꞌ. Ina pochin nicatona yaminsërinaco.

Mateo 25:1

Naquëranchin Quisosori pënëantarin: “Yosë huaꞌanëntërinsoꞌ aꞌchintantaꞌinquëmaꞌ, noya natanco. Huaꞌan saꞌarinso pochin ninin. Inaso aquë quëran huëꞌsarin. Onporosona canquicasoꞌ co nitotopihuëꞌ. Tahuëri nanihuachina, sanapi nipayarinsopita ninarapi huaꞌan huëcacasoꞌ. ‘Huaꞌqui quëran canquipon nimara,’ taꞌtonaꞌ, shonca nanoꞌsaꞌ nanparinënarë chachin ninarapi.

Juan 13:2

Inaroꞌcoi coshatarai. Sopai huaꞌani nani Cotasë ayonquirin Quisoso shaꞌhuirapicaso marëꞌ. Simon Iscarioti huiꞌnin inasoꞌ.

Juan 18:12

Ina quëran sontaroꞌsaꞌ, capitan, cotio ponisiaroꞌsaꞌ, inapita huëꞌsahuatonaꞌ, Quisoso mapi. Masahuatonaꞌ, tanpaquën noyá tonporahuatonaꞌ,

Juan 18:18

Naporoꞌ tashiꞌ sëhuën niꞌton, ponisiaroꞌsaꞌ, inpriatoroꞌsaꞌ, inapita pëyara quëran nani aꞌpëtopi. Inaquë huanirahuatonaꞌ, napëntapi. Pitrontaꞌ inaquë napëntapatarin.

Juan 18:22

Itohuachina, ponisiari panpirayarin. —Corto huaꞌan chini chiníquën nanantërinso nipirinhuëꞌ, ¿ina pochin aꞌpaniran ti? itërin ponisiari.

Juan 19:6

Corto huaꞌanoꞌsaꞌ, ponisiaroꞌsaꞌ, inapitari quënanahuatonaꞌ, chiníquën noncarotopi. —¡Corosëquë patanantëquëꞌ chimiin! itopi. Inachin inachin itápi. —Canpitari corosëquë patanantatomaꞌ, tëpacoꞌ. Co casoꞌ nohuantërahuëꞌ tëpaꞌhuasoꞌ. Co mantaꞌ onporinhuëꞌ, tënahuë casoꞌ, itërin Piratori.

Juan 7:32

Ina pochin ninontopisoꞌ, parisioroꞌsaꞌ natantopi. Natantahuatonaꞌ, corto huaꞌanoꞌsarë chachin ponisiaroꞌsaꞌ aꞌpapi Quisoso macacaiso marëꞌ.

Hechos 1:16

“Shonca catoyaꞌpicoi iyaroꞌsaꞌ Quisoso nani acorincoi aꞌnapita aꞌchintaꞌhuaiso marëꞌ. Cotasëntaꞌ acorin niꞌton, quiyapitarëꞌ Quisoso caꞌtanpirinhuëꞌ, inimiconënpitari yamapachina, shaꞌhuirapirin. Aꞌnotonpachina, mapi. Iráca Ispirito Santo nohuanton, Cotasë napocasoꞌ ninorin. Tapiri ninoton, Yosë quiricanënquë ninshitërin. Iráca ninorinso chachin naporin.

Hechos 10:1

Sisariaquë aꞌna quëmapi yaꞌhuërin. Cornirio itopisoꞌ. Inasoꞌ capitan. “Itariaroꞌsaꞌ” itopiso sontaro huënton camairin.