Juan 18:28 - Chayahuita (Shahui)

²⁸ Tashíramiachin nisahuasoꞌ, Caihuasë pëinën quëran quëparahuatonaꞌ, Noma huaꞌan pëinënquë quëpapi. Cotioroꞌsaso nipirinhuëꞌ co inaquë yaꞌconpihuëꞌ. “Nisha piyapiꞌsaꞌ pëinënquë yaꞌconpatëhuaꞌ, oshahuanarihuaꞌ. Ina quëran co nanitarihuahuëꞌ Pascoa cosharoꞌ capacasoꞌ,” topi.

Juan 18:28 ပူးပေါင်းရင်းမြစ်များ

Proverbios 1:16

Inahuasoꞌ, co noyahuëꞌ nicacaiso marëꞌ manopi. Tëpatacaiso marëꞌ manopi.

Miqueas 2:1

Aꞌnaquëmasoꞌ, huëꞌëramaquëpita co noyahuëꞌ nicacamaso yonquiramaꞌ. Chiníquën nanantërama niꞌton, tahuërihuachina ina inachachin ninamaꞌ. Noꞌpahuë nipon noyahuatamara, machinaramaꞌ. Pëihuë nipon noyahuatamara, ihuatëramaꞌ. Quëmopinënapitarë chachin piyapiꞌsa aparisitëramaꞌ. Shimashonënapitari noꞌpaꞌ ayananpipisoꞌ, shinpitari huaꞌanëntapirinahuëꞌ, inapita ihuaramaꞌ. Inaporamasopita, ¡maꞌhuántacha canpitaso nisarama paya!

Mateo 27:27

Shaꞌhuitohuachina, Pirato pëinënquë quëpapi. Inaquë notohuaroꞌ sontaroꞌsaꞌ niyontonpi tëcariatonaꞌ tëhuacaiso marëꞌ.

Marcos 15:16

Ina quëran sontaroꞌsari Pirato pëinënquë quëpapi. Pairaanaquë ichiyaꞌconahuatonaꞌ, yaꞌipi sontaroꞌsaꞌ amatopi.

Lucas 22:66

Tahuërihuachina, cotio ansianoꞌsaꞌ, corto huaꞌanoꞌsaꞌ, cotio maistroꞌsaꞌ, inapita niyontonpi. Nani niyontonpachinaꞌ, inaquë Quisoso quëpapi natanacaiso marëꞌ.

Juan 11:55

Pascoa tahuëri naniriahuachina, naꞌa piyapiꞌsaꞌ Quirosarinquë paꞌpi. Coꞌhuara Pascoa naniyátërasohuëꞌ, Yosë chinotopiso pëiquë paꞌpi. “Moisësë camaitërinsoꞌ nipatëhuaꞌ, Yosë noya niꞌsarinpoaꞌ,” taꞌtonaꞌ, paꞌpi.

Juan 18:13

Anasëtaquë quëpapi. Inasoꞌ Caihuasë miꞌsën. Naporoꞌ piꞌipi Caihuasë corto huaꞌan chini chiníquën nanantërinsoꞌ yaꞌconin.

Juan 18:15

Caꞌtanoꞌsanënpitasoꞌ paꞌpi. Simon Pitroso nipirinhuëꞌ, Quisoso imaquirin. Cantaꞌ imaquirahuë. Casoꞌ corto huaꞌan nohuitërinco niꞌton, Quisoso acoana quëpahuachinara, pairanaquë chachin yaꞌconahuë.

Juan 18:33

Ina quëran Piratori pëiquë yaꞌcoantarahuaton, Quisoso itapon: —¿Quëmasoꞌ cotio copirnonquën ti? itërin.

Juan 18:39

Napoaton shaꞌhuichinquëmaꞌ. Nani Pascoa tahuëri aꞌnaraꞌ apinaꞌpi tashinan pëi quëran ocoirahuë pipicaso marëꞌ. ¿Nohuantëramaꞌ cotio copirno ocoicaꞌhuasoꞌ? itërin.

Juan 19:11

—Co Yosë nanan quëtërinquënhuëꞌ naporini, co mantaꞌ quëma nanitapaitoncohuëꞌ. Tëpahuatanco, ina marëꞌ oshahuanaran. Nipirinhuëꞌ, yoꞌconinacosopita naꞌcon naꞌcon oshahuanapi, itërin.

Juan 19:14

Aꞌna tahuëríchin pahuanarin Pascoa nanicasoꞌ. Yacamotahuasoꞌ, cotioroꞌsaꞌ itërin: —Copirnonëmaꞌ niꞌcoꞌ, itërin.

Juan 19:9

Yaꞌcoantarahuaton, Quisoso itapon: —¿Intohua quërantaꞌ huëꞌnan? Noꞌtëquën shaꞌhuitoco, itërin. Inariso nipirinhuëꞌ, co mantaꞌ itërinhuëꞌ.

Hechos 10:28

Nani ninontohuachinara, Pitrori itërin: —Cotioroꞌsacoi inachintëraisoꞌ, nani iyaroꞌsaꞌ nitotëramaꞌ. Co onporontaꞌ nisha piyapiroꞌsataquë niꞌtapoi paꞌnaihuëꞌ. Co inapitaroꞌcoi niyontonaihuëꞌ. “Co Yosë nohuantërinhuëꞌ,” topiraihuëꞌ. Iporaso nipirinhuëꞌ Yosë nani anitotërinco. Insosona Yosëri noya niꞌpachina, cantaꞌ noya niꞌi. Yaꞌipi piyapi napopianachin noya nicaꞌhuasoꞌ yaꞌhuërin, tënahuë.

Hechos 10:32

Napoaton Copëquë piyapiꞌsaꞌ aꞌpaquëꞌ Simon Pitro macontaꞌinaꞌ. Inasoꞌ, Simon itopisoꞌ shaꞌhuëtëꞌ tapanaꞌpi pëinënquë yacapatarin. Marë yonsanquë yaꞌhuërin,” itërinco.

Hechos 11:3

—Nisha piyapiꞌsaꞌ pëinënquë yacapataton, inapitarëꞌquën coshatëran. Co inapitasoꞌ marca niacotopihuëꞌ. ¿Onpoatontaꞌ naporan? itërin.

Hechos 3:13

Iráca shimashonënpoapita Apraan, Isaco, Cacopo, inapita Yosë chinotopi. Ina Yosëri chachin Quisoso noya noya acorin. Nichaꞌëinpoaso marëꞌ aꞌpaimapirinhuëꞌ, canpitari masahuatomaꞌ, huaꞌanoꞌsaquë yoꞌconamaꞌ. Piratori yaocoipirinhuëꞌ, co canpita nohuantëramahuëꞌ.

Hechos 4:27

Iso ninanoquë chachin Sinioro, piyapiꞌsaꞌ yonquipi huiꞌnan tëpacaiso marëꞌ. Inasoꞌ nóya nipirinhuëꞌ, tëpapi. Quëmari acoranso nipirinhuëꞌ, co quëꞌyapihuëꞌ. Irotisë, Ponsio Pirato, nisha piyapiroꞌsaꞌ, israiroꞌsaꞌ, inapitari Quisoso noꞌhuipi.