Juan 18:25 - Chayahuita (Shahui)

²⁵ Simon Pitroso nipirinhuëꞌ huaniton, napëntarin. —¿Quëmarintaꞌ iso quëmapi imamaranquën ti? itërin ponisiari. —Coꞌchi imarahuë paya, itantarin.

Juan 18:25 ပူးပေါင်းရင်းမြစ်များ

Génesis 18:15

Sinioro naporinso natanaton, tëꞌhuanënquë Saraso tapon: —Co tëhuarahuëꞌ, tënin. Napoaponahuëꞌ, Siniorori itapon: —Napopiranhuëꞌ, tëhuaransoꞌ nitotërahuë, itërin.

Mateo 26:69

Napotasoi, Pitrosoꞌ iꞌiratëquë huënsëarin. Aꞌna cosonari huëꞌsahuaton, itiirin. —Quëmantaꞌ Quisoso Cariria quëran huëꞌninsoꞌ caꞌtanan, itopirinhuëꞌ.

Marcos 14:66

Pitroso iꞌiratëquë yaꞌhuëápirinhuëꞌ, aꞌna sanapi huëꞌnin. Corto huaꞌan cosonanën inasoꞌ.

Lucas 22:55

Iꞌiratëquë huarëꞌ imaquirahuaton, pairaanaquë yaꞌconin. Inaquë ponisiaroꞌsaꞌ nani aꞌpëtopi napëntacaiso marëꞌ. Pana yonsanquë huënsërahuaton, inantaꞌ napëntarin.

Lucas 22:56

Napëntaquëyaꞌ, aꞌna cosonari quënanin. Noya niꞌsahuaton: —Iso quëmapintaꞌ Quisoso imarin, tënin.

Lucas 22:57

—¡Co imoya casoꞌ ina nohuitërahuëꞌ! itërin Pitrori.