Juan 18:18 - Chayahuita (Shahui)

¹⁸ Naporoꞌ tashiꞌ sëhuën niꞌton, ponisiaroꞌsaꞌ, inpriatoroꞌsaꞌ, inapita pëyara quëran nani aꞌpëtopi. Inaquë huanirahuatonaꞌ, napëntapi. Pitrontaꞌ inaquë napëntapatarin.

Juan 18:18 ပူးပေါင်းရင်းမြစ်များ

Génesis 49:6

Niyontonamaquë, ama onporo tëranta yaꞌnoisohuëꞌ. Noꞌhuitatoma piyapi tëparamaꞌ. Co natantonquëmahuëꞌ nicatomaꞌ, tororoꞌsa nishitëtëntëntëramaꞌ.

1 Reyes 19:9

Cancontarahuaton, motopi naninquë huëꞌëcaso marëꞌ yaꞌconin. Yaꞌconpirinhuëꞌ, Siniorori itapon: “¿Maꞌta isëquë nisaran Iniasë?” itërin.

Salmos 1:1

Cancanënpoa quëran huarëꞌ Yosë imapatëhuaꞌ, noya niꞌsarinpoaꞌ. Ina marëꞌ tëhuënchachin noya cancantarihuaꞌ. Co noyahuëꞌ nipisopitasoꞌ, yaanishacancantërinënpoaꞌ. Yainapotohuachinënpoaꞌ, ¡ama natëahuasohuëꞌ! Oshahuanoꞌsa napopisoꞌ, ¡ama nonanapatahuasohuëꞌ! Aꞌnaquënsoꞌ, Yosë yatëhuapi. ¡Co inapita payacaso yaꞌhuërinhuëꞌ!

Proverbios 13:20

Yonquínahuanoꞌsarëꞌquën nipayapatan, yonquínahuan nisaran. Co noyahuëꞌ yonquipisopitarëꞌquën nipayapatan, nitapicancanaran.

Marcos 14:54

Pitroso nipirinhuëꞌ, aquë quëran imaquiarin. Corto huaꞌan iꞌiratëꞌ pairapirinquë huarëꞌ imaquirin. Inaquë yaꞌconahuaton, ponisiaroꞌsapitarëꞌ huënsëaton, napëntarin.

Marcos 14:67

Pitro napëntaquëyaꞌ, inari niꞌnin. Noya niꞌsahuaton: —Coꞌta quëmantaꞌ Quisoso Nasaritoquë yaꞌhuërinsoꞌ caꞌtanan, itërin.

Lucas 22:44

Ina quëran paꞌpi sëtaton, chiníquën Yosë nontaantarin. Oncainën huënai pochin noꞌpaquë huiꞌshirin.]

Juan 18:25

Simon Pitroso nipirinhuëꞌ huaniton, napëntarin. —¿Quëmarintaꞌ iso quëmapi imamaranquën ti? itërin ponisiari. —Coꞌchi imarahuë paya, itantarin.

Juan 18:3

Corto huaꞌanoꞌsaꞌ, parisioroꞌsaꞌ, inapita nani shaꞌhuitonin. Natanahuatonaꞌ, sontaroꞌsaꞌ, ponisiaroꞌsaꞌ, inapita aꞌpapi Quisoso macacaiso marëꞌ. Nansa, sahuëni, inapita quëpapi. Tashiꞌ niꞌton, nanparin, yonarin, inapitantaꞌ quëpapi. Cotasëri quëchitërahuaton, aꞌnotërin.

Juan 21:9

Nonshiconahuatoi, pën quënanconai. Inaquë sami chinsarin, niꞌconai. Paontaꞌ yaꞌhuërin.

Hechos 4:23

Nani Pitro, Coansha, inapita aꞌpahuachinara, imapisopitataquë paantarahuatonaꞌ, shaꞌhuiconpi. “Corto huaꞌanoꞌsaꞌ, ansianoꞌsaꞌ, inapita chiníquën pënëninacoi ama aꞌchinaꞌhuaiso marëhuëꞌ,” itopi.

1 Corintios 15:33

Ama ina pochin yonquicosohuëꞌ. Niꞌcona aꞌnapita anishacancantochinënquëmaꞌ. “Co noyahuëꞌ nipisopitarëꞌquëmaꞌ nipayahuatamaꞌ, canpitantaꞌ nitapicancanaramaꞌ. Inapita nonanpatamaꞌ, co huachi noyápiachin cancantaramahuëꞌ,” topi iráca. Noꞌtëquën napopi.