Juan 18:1 - Chayahuita (Shahui)

¹ Nani Yosë nontohuachina, Sitron itopisoꞌ iꞌshanantëꞌ aquëtëran paꞌnai. Inaquë nararoaꞌhua yaꞌhuërin.

Juan 18:1 ပူးပေါင်းရင်းမြစ်များ

Génesis 2:15

Sinioroso Yosë niꞌton, Itin nararoquë quëmapi acorin. Inaquë sacataton aꞌpaicaso marëꞌ acorin.

Génesis 3:23

Napoaton Sinioroso Yosë niꞌton, noyápiachin nararo quëran quëmapi ocoirin. Ocoirahuaton, niquë acorin. Inaquë sacatacaso marëꞌ acorin. Noꞌpaquë chachin sacatapon huachi.

2 Samuel 15:23

Tapisoꞌ caꞌtaninsopitarë chachin co napion ancantopi. Papona pochin naꞌnë́raapi. Inapochinachin Sitron iꞌsha pëntontopi. Aꞌnapitaꞌton quëchitopi. Piquëran copirnosoꞌ, pëntonin. Inapoatona piyapinënpitasoꞌ quëchitopi. Quëchitatona inotëro parti ira paꞌninsoꞌ paꞌtopi.

2 Reyes 23:12

Manasisi copirno yaꞌhuëapon, mamanshiroꞌsa moshacaiso marëꞌ artaroroꞌsa anitërin. Sinioro chinotacaso pëi iꞌiratënquë, anitërin. Aꞌnapita copirnoroꞌsantaꞌ, ina pochachin anitopi. Acaso copirno patoananën aꞌcaontarinso aipi artaroroꞌsa anitopi. Inapita artaroroꞌsantaꞌ, Cosiasë copirnori aohuatërin. Inapita paꞌqui paꞌquitopi. Inapotahuatona noꞌmorainpitasoꞌ, Sitron iꞌshaꞌpaꞌ inquiitopi.

2 Reyes 23:4

Sinioro natëcaisoꞌ shaꞌhuitopiso piquëran, Cosiasësoꞌ Iriquiasë corto huaꞌan përarin. Aꞌnapita corto huaꞌanoꞌsaꞌ, yaꞌcoana aꞌpairoꞌsaꞌ, inapitanta përasahuaton camairin: “Sinioro chinotopiso pëiquë, Paaro mamanshi chinotacaiso marëꞌ nisha nisha maꞌsha yaꞌhuërin, Asira mamanshi payanta moshacaiso marëꞌ yaꞌhuërin. Nisha nisha tayora moshacaiso marënta yaꞌhuërin. Yaꞌipi inapita ocoirahuatomaꞌ, ninano aipiran ahuiquitocoꞌ. Sitron iꞌsha yonsanquë iminoꞌsaquëntaꞌ, napopinchin ahuiquitocoꞌ. Ina ahuiquitëramaso yanonëntaꞌ, Pitiriꞌpaꞌ quëpacoꞌ,” itërin.

2 Reyes 23:6

Nara moshacaiso marënta patëtopisoꞌ, Yosë chinotacaso pëiquë yaꞌhuëpirinhuëꞌ. Inasoꞌ, Asotariti itopi. Inantaꞌ, Cosiasë camaitërin quëran corto huaꞌanoꞌsari ocoipi. Ocoirahuatonaꞌ, Sitron iꞌsha yonsanquë aꞌpëpi. Ina quëran yanonën masahuatonaꞌ, saꞌahuaroꞌsa chiminpachinara paꞌpitopisoanaquë paꞌsapi.

Nehemías 2:15

Tashi chachin iꞌsha imacontarahuë. Ina quëran ninano pairanën nocorahuë. Tahuërëantarahuato, pipirahuëtaquëchin yaꞌcoantarahuë.

Jeremías 31:40

Chimipiroꞌsaꞌ, huarianoꞌ, inapita tëꞌyatopiso motopiana, ca marëꞌ acoaponaꞌ. Yaꞌipi iminoꞌsantaꞌ, Sitron iꞌshaquë huarëꞌ inapotaponaꞌ. Ina quëran: ‘Cahuarioroꞌsa yaꞌcoana’ itopiquë huarëntaꞌ, inapoaponaꞌ. Inasoꞌ yaꞌcoana piꞌi pipirinso parti quëran yaꞌhuërin. Inapotohuachinaꞌ, co huachi onporo tëranta ataꞌhuantaantaponahuëꞌ,” tënin.

Mateo 26:30

Ina quëran Yosë cantanën cantarahuatonaꞌ, pipipi. Pipirahuatonaꞌ, Oriposë panënquë paꞌpi huachi.

Mateo 26:36

Ina quëran, Quisimani nararo itopiquë canconpi. Inaquë caꞌtanoꞌsanënpita shaꞌhuitërin. —Isëquë huënsëtacoꞌ. Pasëyáquë paꞌsarahuë Yosë nontapo, itërin.

Marcos 14:26

Nani Yosë cantanën cantarahuatonaꞌ, Oriposë panënquë paꞌpi.

Marcos 14:32

Ina quëran nararoquë canconpi, Quisimani itopiquë. —Isëquë iyaroꞌsaꞌ huënsëtacoꞌ. Yosë nontëriꞌi, itërin Quisosori.

Marcos 14:42

Huënsëcoꞌ paꞌahuaꞌ. Niꞌcoꞌ. Shaꞌhuirapiarincosoꞌ nani canquiarin, itërin.

Juan 14:31

co taꞌarahuëꞌ. Tata Yosë nosoroato, ina noꞌtëquën natëarahuë. Ina nohuanton, maꞌsha onpoarahuë. Piyapiꞌsaꞌ nicatonaco, “Tëhuënchachin Yosë nosoroaton, natërin,” tosapi. “Huëcoꞌ paꞌahua huachi,” itërincoi Quisoso.

Juan 18:26

Ina quëran cotio huaꞌan piyapinëni quënanin. Ina quëmopinën chachin Pitrori nishitëhuëratëtërinsoꞌ niꞌton, piꞌpian nohuitërin. Pitro quënanahuaton, itërin: —¿Coꞌta Quisoso mapiquë quënananquën pora? itërin.

Hechos 21:11

Huëꞌsahuaton, Paono sintoronën ocoirahuaton, inaora tanpaquën nantënë chachin nitonporin. —Ispirito Santo nohuanton iyasha, ninorahuë. Quirosarinquë paꞌpatan, sintoronënquë nitonporahuëso pochachin cotioroꞌsaꞌ tonpoarinënquën. Nisha piyapiꞌsaquë yoꞌcoaninënquën anaꞌintinënquënso marëꞌ, itërin.