Juan 17:21 - Chayahuita (Shahui)

²¹ Inapitantaꞌ catahuaquëꞌ napopianachin yonquiꞌinaꞌ. Canpoꞌ ninosororëso pochin ninosoroꞌinaꞌ. Quëma huiꞌnanco niꞌto, yonquiranso chachin yonquirahuë. Inapitantaꞌ catahuaquëꞌ canpo pochachin yonquiꞌinaꞌ. Ina quëran aꞌnapitantaꞌ natëarinaco. ‘Yosëri chachin aꞌpaimarin,’ tosapi.

Juan 17:21 ပူးပေါင်းရင်းမြစ်များ

Marcos 3:24

Niꞌcoꞌ. Ninanoquë yaꞌhuëpisopita ninoꞌhuipi naporini, yanquëꞌitonahuëꞌ. Co huachi inaquë yaꞌhuëꞌitonahuëꞌ.

Juan 10:16

Aꞌnapita piyapiꞌsantaꞌ oshaquëran imasarinaco. Nisha piyapiroꞌsaꞌ niponaraihuëꞌ, yaimarinaco. Inapitantaꞌ nohuantërahuë imainacoso marëꞌ. Aꞌchintacasoꞌ yaꞌhuërin. Nanamëhuë natanpachinaꞌ, natëarinaco. Yaꞌipi imarinacosopita aꞌna huëntoínchin nisapi. Carisachin huaꞌanëntarahuë.

Juan 10:30

Caso Tatahuëroꞌco napopináchin cancantërahuë, itërin Quisosori.

Juan 10:38

Co yanatëpiramacohuëꞌ, nani maꞌsha Yosë pochin ninahuë niꞌton, natëco. Ina quëran nitotarama Tata Yosë pochachin ninahuësoꞌ. Tata Yosëntaꞌ ca pochachin ninin, itërin.

Juan 11:42

Nani tahuëri natanatonco, catahuaranco noya nicaꞌhuaso marëꞌ. Quëma chachin isoroꞌpaquë aꞌpaimaranco. Casoꞌ nitotopirahuëꞌ, isopitasoꞌ co nitotopihuëꞌ. Inapita natëinacoso marëꞌ aꞌninquëchin nontaranquën, tënin.

Juan 13:32

Ina huiꞌninco chachin niꞌton, piyapiꞌsaꞌ nitotatonaꞌ, naꞌcon naꞌcon Yosë yonquiapi. Ina quëran Yosë noya noya acoantarinco. Co huaꞌquiya quëranhuëꞌ inapotarinco.

Juan 13:35

Ninosorohuatamaꞌ, tëhuënchachin imaramacosoꞌ nitotapi. “Quisoso imatonaꞌ, noya noya ninosoroapi,” tosapi, itërin.

Juan 17:11

Co huaꞌquiya quëranhuëꞌ quëmataquë paantarahuë. Isoroꞌpasoꞌ patarahuë. Imarinacosopitaso nipirinhuëꞌ, isëquë yaꞌhuaponaꞌ. Quëma nohuanton, imasarinaco. Quëmasoꞌ Tata nóyanquën niꞌton, noya aꞌpaiquëꞌ imamiachinaco. Yaꞌipiya nanitaparan niꞌton, catahuaquëꞌ napopianachin yonquiꞌinaꞌ. Canpoꞌ ninosororëso pochin ninosoroꞌinaꞌ.

Juan 17:18

Isoroꞌpaquë aꞌpaimaranco. Inapochachin inapitantaꞌ aꞌparahuë piyapiꞌsaꞌ aꞌchintacaiso marëꞌ.

Juan 17:20

Co isopita marëáchin nontaranquënhuëꞌ. Aꞌna tahuëri inapitanta aꞌnapita aꞌchintohuachinaꞌ, imasarinaco.

Juan 17:25

Quëmasoꞌ Tata noꞌtëquënáchin yonquiaton, noyasáchin ninan. Co imarinacosopitahuëꞌ co nohuitërinënquënhuëꞌ. Caso nipirinhuëꞌ nohuitëranquën. Quëma isoroꞌpaquë aꞌpaimaranco. Imarinacosopita nitotopi.

Juan 17:3

Quëmasáchin Yosënquën. Isoroꞌpaquë aꞌpaimaranco. Piyapiꞌsaꞌ nohuitahuatënënquën, cantaꞌ nohuitohuachinaco, nanpimiatapi.

Juan 17:8

Shaꞌhuitohuatancora, inachachin aꞌchintërahuë, natëtopi. Quëmá quëran oꞌmarahuë. Quëma chachin aꞌpaimarancosontaꞌ natëpi.

Juan 3:17

Co anaꞌintinpoaso marëꞌ huiꞌnin aꞌpaimarinhuëꞌ. Nichaꞌëinpoaso marëꞌ aꞌpaimarin. Huiꞌnin quëran chaꞌërihuaꞌ.

Juan 5:23

Ina quëran yaꞌipi piyapiꞌsaꞌ noya niꞌsarinaco. Tatahuë noya niꞌpiso pochachin niꞌsarinaco. Ina marëꞌ nanan quëtërinco. Co noya niꞌpatamacohuëꞌ, Tatahuëntaꞌ co noya niꞌnamahuëꞌ. Ina aꞌpaimarinco.

Hechos 2:46

Nani tahuëri Yosë chinotopiso pëiquë niyontonpi. Quisoso chimininsoꞌ yonquiatonaꞌ, aꞌna pëiquë aꞌna pëiquë coshatapatapi. Co apiratonaraihuëꞌ, noya cancantapi. Nóya cancantatonaꞌ, coshatapatapi.

Hechos 4:32

Yaꞌipi Quisoso natëpisopita noya niniꞌtonaꞌ, yaꞌhuëpi. Napopianachin yonquipi. Aꞌnaya aꞌnaya pahuantohuachinara, niquëtopi. Co mantaꞌ niapiratopihuëꞌ.

Romanos 12:5

Inapochachin yaꞌipi Quisocristo imarëhuasopita aꞌnaíchin nonënpoa pochin ninëhuaꞌ. Yaꞌipinpoaꞌ ina imarëhuaꞌ niꞌton, ina pochin ninëhuaꞌ. Nisha nisha nitotërëhuasoꞌ nirihuarahuëꞌ, nicatahuarëhuaꞌ. Aꞌna huëntonaca ninëhuaꞌ.

1 Corintios 1:10

Apira iyaroꞌsaꞌ Sinioro Quisocristo nanan quëtërinco niꞌton, pënënaranquëmaꞌ. Ina imaramaꞌ niꞌquëhuarëꞌ, noya ninontocoꞌ. Ama nisha nisha yonquiatomaꞌ, aꞌnaꞌ aꞌnaꞌ imacosohuëꞌ. Napopináchin yonquiatomaꞌ, noya niniꞌtomaꞌ yaꞌhuëcoꞌ.

1 Corintios 12:12

Nonënpoaꞌ aꞌnaíchin nipirinhuëꞌ, nisha nisha yaꞌhuëtërin. Yaꞌpiranpoaꞌ, nantënpoaꞌ, imiranpoaꞌ, inapita yaꞌhuëtërinpoaꞌ. Inapochachin Quisocristo imarëhuasopita nisha nisha nirihuarahuëꞌ, aꞌna huëntoínchin ninëhuaꞌ. Nonën pochin Quisocristo niꞌninpoaꞌ.

1 Corintios 6:17

Quisocristoíchin imapatëhuaꞌ, ina pochin cancantarëhuaꞌ.

Gálatas 3:28

Yosësoꞌ co nisha nisha yonquirinpoahuëꞌ. Aꞌnaquënpoaꞌ cotio piyapinpoaꞌ, aꞌnaquëontaꞌ nisha piyapiꞌsaꞌ. Aꞌnaquëontaꞌ patronoꞌsaꞌ, aꞌnaquënsoꞌ piyapinënpita. Aꞌnaquën sanapiꞌsaꞌ, aꞌnaquënpoaꞌ quëmapinpoaꞌ nipirëhuahuëꞌ, yaꞌipinpoaꞌ Quisocristo imapatëhuaꞌ, aꞌna huëntoínchin pochin ninëhuaꞌ.

Filipenses 1:27

Iporasoꞌ iyaroꞌsaꞌ nóya nicoꞌ. Quisocristo nanamën yonquiatomaꞌ, ina pochachin cancantocoꞌ. Yosë huëntonënquë yaꞌconamaꞌ niꞌton, ina pochin cancantacasoꞌ yaꞌhuërin. Nicaponquëmaꞌ paꞌsamarahuë. Co aꞌnaꞌ nanitapohuëꞌ nimara. Ina niponahuëꞌ, nani tahuëri noya nicoꞌ noya nanan natanchi. Yaꞌipinquëmaꞌ, iyaroꞌsaꞌ, imamiatocoꞌ. Ama aꞌnayanquëma tërantaꞌ nisha yonquicosohuëꞌ. Napopináchin yonquiatomaꞌ, Quisocristo nanamën aꞌchinácoꞌ. Inapohuatamaꞌ, natantohuato, nóya cancantarahuë huachi.

1 Juan 1:3

Inápaquë yaꞌhuaponahuëꞌ, oꞌmahuachina, piyapicoi niꞌnai, aꞌchininsontaꞌ natanai. Paꞌpiontaꞌ anohuitërincoi. Huiꞌnin nohuitatoi, nohuitërai. Nipayarëso pochin ninai. Napoaton ninshitaranquëmaꞌ canpitantaꞌ Quisocristo nohuitacamaso marëꞌ. Quiya pochachin Yosë nohuitocoꞌ nipayarëso pochin nicacamaso marëꞌ.

1 Juan 5:7

Tata Yosë noya anitotërinpoaꞌ huiꞌnin natëcasoꞌ. Niꞌcoꞌ. “Carayaꞌpi inachachin shaꞌhuihuachina, naporo huarëꞌ natëtërëꞌ,” topi. Inapochachin cancanënpoaquë Ispirito Santo shaꞌhuitërinpoaꞌ. Quisocristontaꞌ iꞌquë aporihuanpachina, yaꞌipiya Yosë natërin. Naporahuaton, canpoa marëꞌ chiminpachina, huënainën paꞌnin. Cara chachin napopináchin anitotërinpoaꞌ.