Juan 17:17 - Chayahuita (Shahui)

¹⁷ Catahuaquëꞌ quëmasáchin cancanchinën. Noꞌtëquën ayonquiquëꞌ noya nicacaiso marëꞌ. Quëma nanamën quëran noꞌtëquën anitotëran.

Juan 17:17 ပူးပေါင်းရင်းမြစ်များ

2 Samuel 7:28

Quëmaso Sinioro, Yosënquën. Chini chiníquën nanantëran. Noꞌtëquënáchin nonan. Caso piyapinënco nipirahuëꞌ, naꞌcon nosoroatonco catahuancoso shaꞌhuitëranco.

Salmos 119:104

Quëma nanamën cancantato, yonquínahuan quëparitërahuë. Napoaton nonpintëroꞌsa co quëꞌyarahuëꞌ.

Salmos 119:144

Camaitëransopitasoꞌ, noꞌtëquënáchin camaitëran. Catahuaco yonquínahuan nicato yaꞌhuëꞌi.

Lucas 8:11

Ina quëran itaantarin: “Achin naporahuësoꞌ iyaroꞌsaꞌ, aꞌchintantaꞌinquëmaꞌ nitotocoꞌ. Yosë nanamën aꞌchinpatëhuaꞌ, tricoraya paꞌsarayapiso pochin ninëhuaꞌ.

Lucas 8:15

Aꞌnaquën piyapiꞌsaso nipirinhuëꞌ noyaroꞌpa pochin nipi. Yosë nanamën noya natanpi. Natanahuatonaꞌ, noya cancantatonaꞌ, natëtopi. Noꞌtëquën yonquiatonaꞌ, natëmiatopi. Maꞌsha onpoaponaraihuëꞌ, co aꞌpopihuëꞌ. Yaꞌipi cancanëna quëran imatonaꞌ noya noya nisapi,” tënin.

Juan 15:3

Carinquëmaꞌ nani anoyacancantëranquëmaꞌ. Aꞌchintëranquëmasoꞌ natëramaꞌ niꞌton, anoyacancantëranquëmaꞌ.

Juan 17:19

Imarinacosopita nosoroato, yaꞌipi cancanëhuë quëran quëmasáchin natëaranquën. Inapitantaꞌ noꞌtëquën yonquiatonaꞌ, nóya natëinënquën.

Juan 8:32

Imamiatohuatamaco, noꞌtëquën yonquiaramaꞌ. Co insontaꞌ camaiarinquëmahuëꞌ, itërin.

Juan 8:40

Yosë anitotërincoso chachin noꞌtëquën shaꞌhuitopiranquëmahuëꞌ, yatëparamaco. Apraansoꞌ co ina pochin yonquirinhuëꞌ. Yosë nanamën noya natërin.

Hechos 15:9

Yaꞌipinpoaꞌ napopianachin niꞌninpoaꞌ. Nisha piyapiꞌsantaꞌ nosororin. “Quisocristoíchin imasarahuë,” topachinara, cancanënaꞌ anoyatërin.

2 Corintios 3:18

Sinioro imapatëhuaꞌ, co huachi nipaꞌcopirayatërëso pochin cancantarihuahuëꞌ. Isihuicoquë maꞌsha aꞌnotërëso pochin ninëhuaꞌ. Yosë nóya nininsoꞌ piyapiꞌsaꞌ anitotërëhuaꞌ. Apira apira ina yonquihuatëhuaꞌ, oshaquëran Yosë pochachin cancantarihuaꞌ. Ina nohuanton, Ispirito Santo catahuarinpoaꞌ noya noya cancantacaso marëꞌ.

Efesios 4:21

Inasoꞌ noꞌtëquën anitotërinpoaꞌ. Nanamën nani natanamaꞌ.

Efesios 5:26

Quisocristo chiminin anoyacancantinpoaso marëꞌ. Nanamën natëhuatëhuara, noyápiachin cancan quëtërinpoaꞌ. Iꞌquë amarëso pochin oshanënpoaꞌ inquitërinpoaꞌ.

2 Tesalonicenses 2:13

Canpitaso nipirinhuëꞌ iyaroꞌsaꞌ, imaramaꞌ. Sinioro nosororinquëmaꞌ. Iráca quëran huarëꞌ Yosë huayoninquëmaꞌ huëntonënquë yaꞌconacamaso marëꞌ. Noꞌtën nanan natëhuatamaꞌ, Ispirito Santo anoyacancantërinquëmaꞌ Yosë nohuantërinso chachin nicacamaso marëꞌ. Ina yonquiatoi, Yosë nontërai: “Ma noya Sinioro inapitasoꞌ nichaꞌëran niꞌton, ‘Yosparinquën,’ ” itërai, Yosë nontatoi.

Santiago 1:21

Napoaton yaꞌipi co noyahuëꞌ yonquiramasopita naniantocoꞌ. Ama huachi oshahuancosohuëꞌ. Yosë nanamën nani aꞌchintërinënquëmaꞌ. “Caora Sinioro co nanitërahuëꞌ noya nicaꞌhuasoꞌ. Catahuaco,” taꞌtomaꞌ, nanamën yonquirácoꞌ. Ina yonquihuatamaꞌ, nichaꞌësarinquëmaꞌ.