Juan 16:5 - Chayahuita (Shahui)

⁵ Iporasoꞌ ‘Yosëꞌpaꞌ paantarahuë,’ itopiranquëmahuëꞌ: ‘¿Intohuataꞌ paꞌsaran?’ co itëramacohuëꞌ.

Juan 16:5 ပူးပေါင်းရင်းမြစ်များ

Juan 13:3

Quisososo nipirinhuëꞌ yaꞌipi nitotërin. Yosë yaꞌhuërin quëran nani oꞌmarin. Co huaꞌquiya quëranhuëꞌ naquëranchin inatohuaꞌ panantararin. Tata Yosëri chini chiníquën nanan quëtërin yaꞌipiya huaꞌanëntacaso marëꞌ. Inantaꞌ nitotaton, coshatasocoi,

Juan 13:36

Ina quëran Simon Pitrori itapon: —¿Intohuataꞌ Sinioro paꞌsaran? itërin. —Intohuasoꞌ paꞌpato, co ipora nanitëranhuëꞌ imaancosoꞌ. Aꞌna tahuëri imasaranco, itërin.

Juan 14:28

Nani shaꞌhuitëranquëmaꞌ. Inápaquë pantaporahuëꞌ, yaꞌcoancantimaranquëmaꞌ. Tëhuënchachin nosororamaco naporini, Tatahuëtaquë panantarahuëso marëꞌ noya cancanchitomahuëꞌ. Inasoꞌ chini chiníquën nanantërin.

Juan 16:16

Piꞌpian pahuanarin pacaꞌhuasoꞌ. Paꞌpato, co quënanaramacohuëꞌ. Ina quëran co huaꞌquiya quëranhuëꞌ quënaantaramaco,” itërincoi.

Juan 16:17

Caꞌtanoꞌsanënpitacoi ninontërai. —¿Maꞌtaꞌ tapon naporin? “Piꞌpian pahuanarin pacaꞌhuasoꞌ. Paꞌpato, co quënanaramacohuëꞌ. Ina quëran quënaantaramaco,” tënin. “Tatahuë yaꞌhuërinꞌpaꞌ paantarahuë,” tënin antaꞌ.

Juan 16:28

Tatahuë quëran oꞌmato, isoroꞌpaquë yaꞌhuëpirahuëꞌ. Co huaꞌqui quëranhuëꞌ tatahuë yaꞌhuërinꞌpaꞌ panantarahuë,” itërincoi.

Juan 17:13

Iporaso nipirinhuëꞌ yaꞌhuëranquë paantarahuë. Coꞌhuara pantayatërapohuëꞌ, isoroꞌpa quëran chachin, nontaranquën imarinacosopita noya cancantacaiso marëꞌ. Yaꞌipi cancanëhuë quëran natëranquën niꞌton, noya cancantërahuë. Catahuaquë inapitantaꞌ ca pochachin noya cancanchinaꞌ.

Juan 17:4

Piyapiꞌsaꞌ nichaꞌëcaꞌhuaso marëꞌ aꞌpaimaranco. Yaꞌipi shaꞌhuitërancosoꞌ natëarahuë. Yaꞌipi tiquirahuë. Quëmasáchin natëranquën niꞌton, piyapiꞌsaꞌ noya niꞌsarinënquën.

Juan 6:62

Yosë quëran quëmapico niꞌto, aꞌna tahuëri Yosë yaꞌhuërinꞌpaꞌ panantararahuë. Ina niꞌpatamaꞌ ¿maꞌtaꞌ yonquiaramaꞌ?

Juan 7:33

Huëꞌpirinahuëꞌ, Quisosori itërin: —Co huaꞌquiꞌ canpitaroꞌco yaꞌhuapohuëꞌ. Paꞌmiatarahuë. Yosë nohuanton, oꞌmarahuë. Inaquë chachin panantarahuë.

Hebreos 1:3

Inasoꞌ paꞌpin pochachin noya nóya ninin. Ina pochachin niꞌton, inasáchin Yosë noꞌtëquën anohuitërinpoaꞌ. Chiníquën nanantërin niꞌton, ipora huantaꞌ ina nohuanton, maꞌsha yaꞌhuërarin. Co yonquirinpoahuëꞌ naporini, yaꞌipiya taꞌhuanchitërihuahuëꞌ. Iráca oshanënpoaꞌ inquitinpoaso marëꞌ chiminin. Chiminpirinhuëꞌ, nanpiantarahuaton, inápaquë panantarin. Inaquë panantarahuaton, Yosë inchinanën quëran huënsërin. Chiníquën nanantaton, huaꞌanëntarin.

Hebreos 12:2

Quisocristo naꞌcon yonquiaꞌahuaꞌ. Inasáchin catahuarinpoaꞌ Yosë natëcasoꞌ. Naporahuaton, inasáchin catahuarinpoaꞌ noya noya natëtacasoꞌ. Isoroꞌpaquë oꞌmahuachina, chiníquën parisitërin. Corosëquë parisitohuachina, naꞌcon tëhuapirinahuëꞌ, co ina yonquirinhuëꞌ. “Chiminpato, piyapiꞌsaꞌ nichaꞌësarahuë,” taꞌton, nóya cancantërin. Ina quëran inápaquë panantarahuaton, Yosë inchinanën quëran chachin huënsëarin.