Juan 16:3 - Chayahuita (Shahui)

³ Co Tata Yosë nohuitopihuëꞌ. Cantaꞌ huiꞌninco nipirahuëꞌ, co nohuitërinacohuëꞌ niꞌtonaꞌ, aparisitarinënquëmaꞌ.

Juan 16:3 ပူးပေါင်းရင်းမြစ်များ

Lucas 10:22

Ina quëran aꞌparinsopita itantarin. “Tata Yosë nohuanton, chiníquën nanantërahuë. Yaꞌipi nanamën anitotërinco piyapiꞌsaꞌ aꞌchintaꞌhuaso marëꞌ. Huiꞌninco niꞌto, tatahuësáchin noyá nohuitërinco. Inapochachin cantaꞌ Tata Yosë nohuitërahuë. Casáchin noyá nohuitërahuë. Aꞌnaquën piyapiꞌsantaꞌ caora nohuanto, anohuitërahuë. Inapitantaꞌ Yosë nohuitapi huachi,” itërin.

Juan 15:21

Napoaponahuëꞌ, imaramaco niꞌton, naꞌcon naꞌcon piyapiꞌsaꞌ aparisitarinënquëmaꞌ. Tata Yosë aꞌpaimarincosoꞌ co nohuitopihuëꞌ niꞌton, noꞌhuiarinënquëmaꞌ.

Juan 15:23

Insopitasoꞌ noꞌhuihuachinaco, Tata Yosëntaꞌ noꞌhuiapi.

Juan 17:25

Quëmasoꞌ Tata noꞌtëquënáchin yonquiaton, noyasáchin ninan. Co imarinacosopitahuëꞌ co nohuitërinënquënhuëꞌ. Caso nipirinhuëꞌ nohuitëranquën. Quëma isoroꞌpaquë aꞌpaimaranco. Imarinacosopita nitotopi.

Juan 17:3

Quëmasáchin Yosënquën. Isoroꞌpaquë aꞌpaimaranco. Piyapiꞌsaꞌ nohuitahuatënënquën, cantaꞌ nohuitohuachinaco, nanpimiatapi.

Juan 8:19

—¿Insëquëtaꞌ tataparin? itopi. —Canpitasoꞌ co ina nohuitëramahuëꞌ. Cantaꞌ co tëhuënchachin nohuitëramacohuëꞌ. Nohuitëramaco naporini, tatahuëntaꞌ nohuichitomahuëꞌ, itërin.

Juan 8:55

Co inasoꞌ nohuitopiramahuëꞌ, casoꞌ nohuitërahuë. Yaꞌipi noninsoꞌ natërahuë. “Co nohuitërahuëꞌ,” tënahuë naporini, canpita pochachin cantaꞌ nonpiintohuëꞌ.

Hechos 3:17

Quisoso Yosë quëran oꞌmapirinhuëꞌ, co nitotëramahuëꞌ. Napoaton, iyaroꞌsaꞌ, atëpatëramaꞌ. Huaꞌanoꞌsanëmantaꞌ co nitotopihuëꞌ.

1 Corintios 2:8

Huaꞌanoꞌsasoꞌ co nitotopihuëꞌ. Nitotopi naporini, co Quisocristo tëpaꞌitonahuëꞌ. Inasoꞌ Yosë chachin. Noya noya nipirinhuëꞌ, tëpapi.

2 Tesalonicenses 1:8

Oꞌmantarahuaton, co Yosë nohuitopisopitahuëꞌ anaꞌintarin. Co Sinioro Quisoso nanamën natëpihuëꞌ niꞌton, chiníquën anaꞌintarin.

1 Timoteo 1:13

Iráca casoꞌ nisha cancantërahuë. Quisocristo pinorahuë. Imarinsopita noꞌhuito, aparisitërahuë. Quisocristoso nipirinhuëꞌ nosororinco. Co nohuitatohuëꞌ, co natëyatërarahuëꞌ niꞌton, nosororinco.

1 Juan 2:23

Yosë huiꞌnin aꞌpohuachinaꞌ, co Tata Yosëntaꞌ nohuitapihuëꞌ. “Quisocristosoꞌ Yosë huiꞌnin chachin,” topachinaꞌ, Tata Yosëntaꞌ imasapi.

1 Juan 3:1

Ma noya Tata Yosë nosororinpoaꞌ niꞌton, huiꞌninpita pochachin niꞌninpoaꞌ. Huëntonënquë chachin ayaꞌconinpoaꞌ. Co imapisopitasohuëꞌ nipirinhuëꞌ co nitotopihuëꞌ. “¿Onpoatontaꞌ Yosë pochin cancantacasoꞌ nohuantopi?” toconpi. Co Yosë nohuitatonahuëꞌ, napopi.

1 Juan 4:8

Inasoꞌ nosoromiatochinarinpoaꞌ. Napoaton canpoantaꞌ co aꞌnapita nosorohuatëhuahuëꞌ, co piꞌpisha tërantaꞌ ina nohuitarihuahuëꞌ.

1 Juan 5:20

Yosë huiꞌnin chachin oꞌmaton, noꞌtëquën Yosë anohuitërinpoaꞌ. Inasáchin noꞌtëquën yonquirin. Yosë nohuitatëhuaꞌ, yonquirinsoráchin imasarëhuaꞌ. Quisocristo nohuitërëhuaꞌ niꞌton, catahuarinpoaꞌ noꞌtëquën yonquicaso marëꞌ. Inaíchin Yosësoꞌ niꞌton, chinotacasoꞌ yaꞌhuërin. Ina nohuitohuatëhuaꞌ, nanpimiatarihuaꞌ.