Juan 16:26 - Chayahuita (Shahui)

²⁶ Naporoꞌ ca pochin yonquiatomaꞌ, tatahuë nontaramaꞌ. Ca pochin nontaramaꞌ niꞌton, noya natanarinquëmaꞌ. Co huachi canpita marëꞌ nontaꞌhuasoꞌ yaꞌhuërinhuëꞌ.

Juan 16:26 ပူးပေါင်းရင်းမြစ်များ

Juan 14:16

Inápaquë panantahuato, Tata nontarahuë Ispirito Santo aꞌpatimarinquëmaꞌ. Inaso ca pochachin catahuarinquëmaꞌ, achinicancanarinquëmaꞌ. Co onporontaꞌ patarinquëmahuëꞌ.

Juan 14:20

Nani nanpiantahuato, noya noya nohuitaramaco. Tëhuënchachin Tata Yosë pochin ninahuësoꞌ nitotaramaꞌ. Imamiataramaco niꞌton, canpitarëꞌco aꞌnaíchin pochin nisarahuë. Yaꞌcoancantaranquëmaꞌ niꞌton, nóya ninohuitarihuaꞌ.

Juan 16:19

Yanatanpiraihuëꞌ, co natanaihuëꞌ. Quisososo nipirinhuëꞌ nitotërin. Napoaton itërincoi: “¿Maꞌtaꞌ tapon naporin?” taꞌtomaꞌ, yanatanpiramacohuëꞌ, co natanamacohuëꞌ. Tëhuënchachin piꞌpian pahuanarin pacaꞌhuasoꞌ. Paꞌpato co quënanaramacohuëꞌ. Ina quëran co huaꞌquiya quëranhuëꞌ quënaantaramaco.

Juan 16:23

“Naporoꞌ co huachi natanaramacohuëꞌ. Noꞌtëquën shaꞌhuitëranquëmaꞌ. Ca pochin yonquiatomaꞌ, Tata Yosë nontocoꞌ. ‘Quisoso nanan quëtërincoi,’ taꞌtomaꞌ, maꞌsona nipatamaꞌ, acotarinquëmaꞌ.

Juan 16:30

Quëmasoꞌ yaꞌipi nitotëran. Yosë quëran oꞌmaran, tënai. Co huachi natanaꞌhuainquënso tërantaꞌ yaꞌhuërinhuëꞌ, itërai.

Juan 17:19

Imarinacosopita nosoroato, yaꞌipi cancanëhuë quëran quëmasáchin natëaranquën. Inapitantaꞌ noꞌtëquën yonquiatonaꞌ, nóya natëinënquën.

Juan 17:24

Quëma nohuanton Tata, isopitasoꞌ imasarinaco. Inapita nohuantërahuë carëꞌ yaꞌhuëcaisoꞌ. Iráca quëran huarëꞌ quëma nosororanco. Coꞌhuara isoroꞌpaꞌ yaꞌhuëyátërasohuëꞌ, nosoroatonco, nóya acoranco. Inatohuaꞌ inapitantaꞌ pantahuachinaꞌ, noya noya niꞌsarinaco. Ina naꞌcon nohuantërahuë.

Juan 17:9

Imarinacosopita marëꞌ chiníquën nontaranquën. Huiꞌnanpita pochin niꞌnan. Iráca quëran huarëꞌ yonquiran imainacosoꞌ. Aꞌnapitasoꞌ co imarinacohuëꞌ. Co inapita marëꞌ nontaranquënhuëꞌ.

Romanos 8:34

Yosë noya niꞌninpoa niꞌton, co insonta nanitërinhuë anaꞌintinpoasoꞌ. Quisocristo oshanënpoaꞌ inquitinpoaso marëꞌ chiminin. Ina quëran nanpiantarin. Yosë inchinanën quëran yaꞌhuaton, canpoa marëꞌ Yosë nontárin.