Juan 16:19 - Chayahuita (Shahui)

¹⁹ Yanatanpiraihuëꞌ, co natanaihuëꞌ. Quisososo nipirinhuëꞌ nitotërin. Napoaton itërincoi: “¿Maꞌtaꞌ tapon naporin?” taꞌtomaꞌ, yanatanpiramacohuëꞌ, co natanamacohuëꞌ. Tëhuënchachin piꞌpian pahuanarin pacaꞌhuasoꞌ. Paꞌpato co quënanaramacohuëꞌ. Ina quëran co huaꞌquiya quëranhuëꞌ quënaantaramaco.

Juan 16:19 ပူးပေါင်းရင်းမြစ်များ

Mateo 6:8

Ama inapita pochin cancantocohuëꞌ. Coꞌhuara Yosë nonchátërasënquëmahuëꞌ, yaꞌipi pahuantërinquëmasopita nitotërin.

Mateo 9:4

Topinan yonquinëna quëran napoápirinahuëꞌ, Quisosori nitotaton. —¿Onpoatomataꞌ co noyahuëꞌ yonquirapiramaco?

Marcos 9:32

Natanaponaraihuëꞌ, co natëtacaisoꞌ nanitopihuëꞌ. “¿Onpoatontaꞌ ina pochin nontërinpoaꞌ?” topi yonquinëna quëran. Naporahuaton tëꞌhuatatonaꞌ, co nohuantopihuëꞌ natanacaisoꞌ.

Juan 13:33

Huiꞌnahuëpita pochin niꞌpiranquëmahuëꞌ, co huachi huaꞌquiꞌ yaꞌhuapohuëꞌ. Yonípiramacohuëꞌ, intohuasoꞌ paꞌnahuëquë, co nanitaramahuëꞌ pacacamasoꞌ. Iꞌhua inachachin cotioroꞌsantaꞌ shaꞌhuitërahuë.

Juan 14:19

Co huaꞌquiꞌ isëquë yaꞌhuapohuëꞌ. Paꞌpato, co imarinacosopitahuëꞌ co huachi quënanarinacohuëꞌ. Canpitaso nipirinhuëꞌ quënaantaramaco. Nanpiantarahuë niꞌton, Yosë nohuitatomaꞌ nanpimiataramaꞌ.

Juan 16:16

Piꞌpian pahuanarin pacaꞌhuasoꞌ. Paꞌpato, co quënanaramacohuëꞌ. Ina quëran co huaꞌquiya quëranhuëꞌ quënaantaramaco,” itërincoi.

Juan 16:18

“Co huaꞌquiya quëranhuëꞌ quënantaramaco,” topachina, co nitotërëhuahuëꞌ. ¿Maꞌtaꞌ tapon naporin? tënai ninontatoi.

Juan 16:23

“Naporoꞌ co huachi natanaramacohuëꞌ. Noꞌtëquën shaꞌhuitëranquëmaꞌ. Ca pochin yonquiatomaꞌ, Tata Yosë nontocoꞌ. ‘Quisoso nanan quëtërincoi,’ taꞌtomaꞌ, maꞌsona nipatamaꞌ, acotarinquëmaꞌ.

Juan 16:26

Naporoꞌ ca pochin yonquiatomaꞌ, tatahuë nontaramaꞌ. Ca pochin nontaramaꞌ niꞌton, noya natanarinquëmaꞌ. Co huachi canpita marëꞌ nontaꞌhuasoꞌ yaꞌhuërinhuëꞌ.

Juan 16:30

Quëmasoꞌ yaꞌipi nitotëran. Yosë quëran oꞌmaran, tënai. Co huachi natanaꞌhuainquënso tërantaꞌ yaꞌhuërinhuëꞌ, itërai.

Juan 21:17

Ina quëran naquëranchin itantarin: —Iya Simon, ¿tëhuënchachin nosororanco ti? itantarin. Cararoꞌ natanin niꞌton, Pitro sëtërin. —Yaꞌipi Sinioro nitotëran. Nosororanquën mini, ina nitotëran, itërin. —Imarinacosopitasoꞌ, ohuicaroꞌsa pochin nipi niꞌton, noya aꞌpaiquëꞌ.

Juan 6:61

Napohuachinara, Quisoso inaora nitotaton, itërin: —Aꞌchintopiranquëmahuëꞌ, ¿yaaꞌporamaco ti?

Juan 7:33

Huëꞌpirinahuëꞌ, Quisosori itërin: —Co huaꞌquiꞌ canpitaroꞌco yaꞌhuapohuëꞌ. Paꞌmiatarahuë. Yosë nohuanton, oꞌmarahuë. Inaquë chachin panantarahuë.

Hebreos 4:13

Yaꞌipi ninëhuasopita Yosësoꞌ nitotërin. Poꞌoana quëran nipirëhuahuëꞌ, yaꞌipi niꞌninpoaꞌ. Co piꞌpisha tërantaꞌ inasoꞌ nonpintarihuahuëꞌ. Yaꞌipi yonquirëhuasopitantaꞌ noyá nitotërin. Ayaroꞌ tahuëri yaꞌipinpoaꞌ ninëhuasopita aipitarinpoaꞌ. Naporoꞌ coisë pochin nontarinpoaꞌ. Nontohuachinpoaꞌ, noꞌtëquën shaꞌhuitacasoꞌ yaꞌhuapon.

Apocalipsis 2:23

Sanapi imarinsopitasoꞌ co natërinacohuëꞌ niꞌton, ataꞌhuantarahuë. Ina nicatonaꞌ, yaꞌipi imarinacosopitantaꞌ yonquiapi. ‘Tëhuënchachin Sinioro nohuitërinpoaꞌ. Yonquirëhuasontaꞌ nitotërin. Co noyahuëꞌ nipatëhuaꞌ, noꞌtëquën anaꞌintarinpoaꞌ,’ tosapi.