Juan 15:7 - Chayahuita (Shahui)

⁷ Casáchin yonquihuatamaco, naꞌcon catahuaaranquëmaꞌ. Aꞌchintëranquëmasontaꞌ ama naniantocosohuëꞌ. Ina yonquiatomaꞌ, Yosë nontocoꞌ. Tëhuënchachin imamiatohuatamaco, maꞌsona nohuantohuatamaꞌ, shaꞌhuitoco acochinquëmaꞌ.

Juan 15:7 ပူးပေါင်းရင်းမြစ်များ

1 Reyes 3:5

Naporo tashi chachin Siniorori huëꞌënquë yaꞌnotahuaton itapon: “Maꞌsona nohuantëransoꞌ natanco acochinquën,” itërin.

Salmos 37:4

Sinioroíchin nosoroaton capa cancantëquëꞌ. Ina nohuanton nohuantomiatëransopita natanansoꞌ, yaꞌhuëtarinquën.

Isaías 58:8

Napohuatamaꞌ, noya noya yaꞌhuëarama huachi. Tahuërihuachina piꞌi aꞌpininso pochin nicapon. Nisha nisha maꞌsha onporamasopitantaꞌ, co shia noyatarinhuëꞌ. Naporoꞌ noyasáchin ninamasoꞌ, quëchitaton quëpaatë pochin nitarinquëmaꞌ. Huënaratërahuësonta imaatë pochin nitarinquëmaꞌ.

Jeremías 15:16

Quëma nontohuatancora, paꞌyátërahuë natanaꞌhuasoꞌ. Huaꞌanëntëranco niꞌton, quëma nanamën acapacancamiatërinco. Quëmaso Sinioro Yosënquën, yaꞌipi nanitaparan.

Mateo 7:7

Ina quëran itaantarin: “Nani tahuëri Yosë nontocoꞌ nataꞌinquëmaꞌ. Pahuantërinquëmasoꞌ nipatamaꞌ, quëtarinquëmaꞌ. Maꞌsha yonirëso pochin cancantatomaꞌ, nontácoꞌ catahuainquëmaꞌ. Yaꞌcoana piꞌnirëso pochin cancantatomaꞌ, nontocoꞌ ayaꞌcoinquëmaꞌ.

Juan 14:13

Ca pochin yonquihuatamaꞌ, nanan quëchinquëmaꞌ Tatahuë nontacamaso marëꞌ. “Huiꞌnan chachin nanan quëtërinco,” taꞌtomaꞌ, ina nontocoꞌ. Ca pochin cancantatomaꞌ, maꞌsona nipatamaco acotaranquëmaꞌ. Aꞌnapitantaꞌ Tata Yosë noya noya nicacaiso marëꞌ inapoarahuë. Ina naꞌcon nohuantërahuë.

Juan 15:16

Co canpitaora nohuanton imaramacohuëꞌ. Ca nohuanto, imaramaco. Carinquëmaꞌ huayonanquëmaꞌ. Nani acoranquëma opa sëꞌpaquën naꞌcon nitërinso pochin nisápamaso marëꞌ. Inapohuatamaꞌ: ‘Quisoso nanan quëtërinco,’ taꞌtomaꞌ, Yosë nontocoꞌ catahuainquëmaꞌ. Ca pochin yonquiatomaꞌ, maꞌsona nipatamaꞌ, acochinquëmaꞌ.

Juan 16:23

“Naporoꞌ co huachi natanaramacohuëꞌ. Noꞌtëquën shaꞌhuitëranquëmaꞌ. Ca pochin yonquiatomaꞌ, Tata Yosë nontocoꞌ. ‘Quisoso nanan quëtërincoi,’ taꞌtomaꞌ, maꞌsona nipatamaꞌ, acotarinquëmaꞌ.

Juan 8:31

Ina quëran nasha imarinsopita itantarin: —Carinquëmaꞌ aꞌchintëranquëmasoꞌ noya natëhuatamaꞌ, noya imasaramaco.

Juan 8:37

Canpitasoꞌ Apraan shinpitanquëmaꞌ nipomarahuëꞌ, yatëparamaco. Aꞌchintopiranquëmahuëꞌ, nonahuësoꞌ co yanatëramahuëꞌ.

Gálatas 4:2

Huiꞌnapitaquë huarëꞌ aꞌnapitari aꞌpairin. Huaꞌhuasha niꞌton, natëcasoꞌ yaꞌhuërin. Ina quëran huiꞌnapitohuachina, yaꞌipi huaꞌanëntarin. Paꞌpin shaꞌhuirinso tahuëri chachin nanihuachin, huaꞌanëntarin.

Gálatas 5:16

Ispirito Santo natëcoꞌ catahuainquëmaꞌ, tënahuë. Ina catahuahuachinquëmaꞌ, co noyahuëꞌ yonquiramasoꞌ naniantaramaꞌ. Inapita naniantatomaꞌ, nóya nisaramaꞌ.

Deuteronomio 6:6

Inapita ipora shaꞌhuitëranquëmasoꞌ, yonquinëma quëran nitotocoꞌ.

Colosenses 3:16

Yaꞌipi Quisocristo nanamën yonquirácoꞌ. Naꞌcon ina yonquicoꞌ. Noya nitotatomaꞌ, niaꞌchintocoꞌ, nipënëncoꞌ. Yosë cantanën nisha nisha nininsopita cantacoꞌ. Sarmo quirica nontatomaꞌ, inantaꞌ cantacoꞌ. Canpitaora yonquinëma quëraontaꞌ ocoirahuatomaꞌ, cantacoꞌ: “Ma noyanquëncha Tata niꞌton, catahuarancoi paya,” itatomaꞌ, cancanëma quëran huarëꞌ cantacoꞌ.

1 Juan 2:14

Yaꞌipi imaramasopita huiꞌnahuëpita pochin niꞌnanquëmaꞌ. Yosë nohuitëramaꞌ niꞌton, ninshitaranquëmaꞌ noya noya cancantacamaso marëꞌ. Quisocristo noya nohuitëramaꞌ niꞌton, iyaroꞌsaꞌ, ninshitaranquëmaꞌ. Inasoꞌ iráca quëran huarëꞌ yaꞌhuërin. Nani tahuëri, apiaꞌhuaroꞌsaꞌ, Yosë nanamën yonquiaramaꞌ. Napoaton chiníquën cancantaramaꞌ. Chiníquën cancantatomaꞌ, sopai nani minsëramaꞌ.

1 Juan 2:27

Canpitaso nipirinhuëꞌ Ispirito Santo yaꞌhuëtërinquëmaꞌ. Quisocristo imaramaꞌ niꞌton, ina nohuanton, yaꞌcoancantërinquëmaꞌ. Nani tahuëri aꞌchintarinquëmaꞌ. Cancanëmaquë Yosë nanamën aꞌchintarinquëmaꞌ. Co onporontaꞌ nonpintërinquëmahuëꞌ. Noꞌtëquën aꞌchintërinquëmaꞌ niꞌton, co aꞌnapita aꞌchintinquëmasoꞌ yaꞌhuërinhuëꞌ. Ina natëhuatamaꞌ, noꞌtëquën yonquiaramaꞌ. Shaꞌhuitërinquëmaso pochachin Quisocristo imamiatocoꞌ.

1 Juan 3:22

Yosë pënëninpoasoꞌ natëhuatëhuaꞌ, noya natanarinpoaꞌ. Ina nohuantërinsoáchin yonquihuatëhuaꞌ, catahuarinpoaꞌ. Ina pochin cancantohuatëhuaꞌ, maꞌpitaso nipatëhuaꞌ, quëtarinpoaꞌ.

1 Juan 5:14

Yosë nontohuatëhuaꞌ, natanarinpoaꞌ. Ina nohuantërinso chachin natanpatëhuaꞌ, noya nataninpoaꞌ.