Juan 15:24 - Chayahuita (Shahui)

²⁴ Naꞌa piyapiꞌsaꞌ aꞌnaroáchin anoyatërahuë. Nani maꞌsha Yosë pochin ninahuë. Aꞌnapita piyapiꞌsasoꞌ co nanitapapihuëꞌ. Yosë anohuitaꞌhuaso marëꞌ sacaiꞌ nininsoꞌ aꞌnotërahuë. Co aꞌnotërahuëꞌ naporini, co ina marëꞌ oshahuaintonahuëꞌ. Nani nicaponaracohuëꞌ, noꞌhuirinaco. Tata Yosëntaꞌ noꞌhuipi.

Juan 15:24 ပူးပေါင်းရင်းမြစ်များ

Éxodo 20:5

Ama monshorahuatoma inapita moshacosohuëꞌ. Ama piꞌpian tëranta chinotocosohuëꞌ. Casáchin Sinioroco niꞌto, aꞌpitëranquëmaꞌ. Co natëhuatamacohuëꞌ, anaꞌintaranquëma huachi. Huiꞌnamapita, shiparimapita, huiꞌnama shinpitaquë huarëꞌ anaꞌintarahuë.

Proverbios 8:36

Aꞌpohuachinacoso napoaponahuëꞌ, huëhuëpiro nisapi. Insosona co quëꞌyahuachincohuëꞌ, inaora chachin chimirin yonisarin,” tënin yonqui pënëntaton.

Mateo 21:32

Coansha Paotista pënënpirinquëmahuëꞌ, co yanatëramahuëꞌ. Noya cancantamaso marëꞌ aꞌchintopirinquëmahuëꞌ, co yanatëramahuëꞌ. Copirno marëꞌ coriqui maꞌpatonaꞌpiroꞌsaꞌ, monshihuanaꞌpiroꞌsaꞌ, inapitaso nipirinhuëꞌ aꞌnaroáchin natëtonaꞌ, noya cancantopi. Ina nicapomarahuëꞌ, co yonquiramahuëꞌ. Co natëtochináchinhuëꞌ cancantëramaꞌ, itërin.

Mateo 9:33

Quisosori nosoroaton, sopai aꞌpatërin. Aꞌpatohuachina, aꞌnaroáchin noyatërin. Noya nonsarin huachi. Piyapiꞌsari niꞌpachinara, paꞌyanpi. —Co onporontaꞌ iso pochin niꞌchinëhuahuëꞌ. Iráca quëran huarëꞌ co insontaꞌ isëquë naporinhuëꞌ, topi.

Marcos 2:12

Itohuachina, aꞌnaroáchin noyatahuaton, huanirin. Pëꞌsaraꞌhuaya masahuaton, yaꞌhuërinquë paantarin. Ina niꞌsahuatonaꞌ, piyapiꞌsaꞌ paꞌyanpi. —¡Ma noyacha Yosëso niꞌton, aꞌnaroáchin anoyatërin paya! Co onporontaꞌ ina pochin niꞌchinëhuahuëꞌ, topi.

Lucas 24:19

—¿Maꞌtaꞌ onpopisoꞌ? itaantarin Quisosori. Napotohuachina: —Coꞌta Quisoso Nasaritoquë yaꞌhuërinsoꞌ tëpapi. Nóya quëmapi nipirinhuëꞌ, tëpapi. Ma noya Yosë nanamën aꞌchintërincoi. Caniaꞌpiroꞌsaꞌ nosoroaton, aꞌnaroáchin anoyatërin. Yosëri nóya niꞌnin. Piyapiꞌsarintaꞌ noya niꞌpirinahuëꞌ.

Juan 10:32

Quisosori itaantarin: —Tata Yosë shaꞌhuitërinco niꞌton, naꞌa piyapiꞌsaꞌ anoyatërahuë: ¿Insota anoyatërahuëso marëꞌ naꞌpiquë yatëparamaco? itërin.

Juan 10:37

Co tatahuë pochin nipatohuëꞌ, ama natëcosohuëꞌ

Juan 12:10

Ananpitaantarinso marëꞌ naꞌayaꞌpi co huachi cotio huaꞌanoꞌsaꞌ yanatëpihuëꞌ. Inapita aꞌporahuatonaꞌ, Quisoso imasapi. Napoaton huaꞌanoꞌsari yonquipi Nasarontaꞌ tëpacaiso marëꞌ.

Juan 12:45

Ca nohuitohuatamaco, Yosëntaꞌ nohuitaramaꞌ.

Juan 14:9

—Isonápoꞌ piꞌipi iyasha, canpitaroꞌco yaꞌhuëpirahuëꞌ, ¿co nohuichatërarancohuëꞌ ti? Niꞌpatamaco, tatahuëntaꞌ niꞌnamaꞌ. ¿Onpoatontaꞌ nipachin, “Tata aꞌnotocoi niꞌii,” itëranco?

Juan 15:21

Napoaponahuëꞌ, imaramaco niꞌton, naꞌcon naꞌcon piyapiꞌsaꞌ aparisitarinënquëmaꞌ. Tata Yosë aꞌpaimarincosoꞌ co nohuitopihuëꞌ niꞌton, noꞌhuiarinënquëmaꞌ.

Juan 15:22

Co oꞌmato, aꞌchintërahuëꞌ naporini, co aꞌporinacoso marëꞌ oshahuaintonahuëꞌ. Nani aꞌchintopirahuëꞌ. Co natëtonacohuëꞌ, oshahuanpi niꞌton, Yosëri anaꞌintarin.

Juan 15:23

Insopitasoꞌ noꞌhuihuachinaco, Tata Yosëntaꞌ noꞌhuiapi.

Juan 5:36

Inasoꞌ noꞌtëquën shaꞌhuitërinquëmaꞌ. ‘Yosëri chachin Quisoso aꞌpaimarin,’ itërinquëmaꞌ. Nipirinhuëꞌ, co inasáchin anitotërinquëmahuëꞌ. Yosësoꞌ chini chiníquën nanantaton, catahuarinco niꞌton, sacaiꞌ nininsoꞌ ninahuë. Caniaꞌpiroꞌsaꞌ aꞌnaroáchin anoyatërahuë. Yosë nohuanton, ina pochin ninahuë. Ina marëꞌ naꞌcon naꞌcon natëamacosoꞌ yaꞌhuërin.

Juan 6:36

Nipirinhuëꞌ, nani shaꞌhuitëranquëmaꞌ. Ninahuësoꞌ nicapomarahuëꞌ, co natëramacohuëꞌ.

Juan 7:31

Huaꞌanoꞌsarisoꞌ noꞌhuipirinahuëꞌ, naꞌa piyapiꞌsari Quisoso yanatëpi. —Cristo oꞌmahuachin, iso quëmapi quëran naꞌcon naꞌcon taꞌmaꞌ ¿Yosë pochin niquimarëꞌpo ti? topi.

Juan 9:32

Somaraya huaꞌhuatohuachina, co onporontaꞌ anoyarayatochinpihuëꞌ.

Juan 9:41

—Somarayanquëma naporini, co oshahuaintomahuëꞌ. Nipirinhuëꞌ, “co quiyaso somarayacoihuëꞌ,” tënamaso marëꞌ oshahuanamaꞌ. Ina marëꞌ Yosë anaꞌintarinquëmaꞌ, itërin.

Hechos 10:38

Ina piquëran Yosëri chachin Quisocristo acorin, Nasaritoquë yaꞌhuërinsoꞌ. Yosë nohuanton, Ispirito Santori noyá yaꞌcoancantërin. Napoaton nani maꞌsha nanitaparin nicacasoꞌ. Nisha nisha parti paaton, nóya ninin. Naꞌa caniaꞌpiroꞌsaꞌ aꞌnaroáchin anoyatërin. Aꞌnaquën sopairi yaꞌcoancantërin niꞌton, chiníquën parisitopirinahuëꞌ, inari anoyatërin. Yosëri catahuarin niꞌton, aꞌnaroáchin anoyatërin.

Hechos 2:22

Natanco iyaroꞌsaꞌ. Canpitantaꞌ israiroꞌsanquëmaꞌ niꞌton, Yosë nanamën anitotarinquëmaꞌ. Quisoso naporinsoꞌ shaꞌhuichinquëmaꞌ, nitotocoꞌ. Inasoꞌ Nasaritoquë yaꞌhuërin. Nani maꞌsha nanitaparin. Piyapi aꞌnaroáchin anoyatërin. Co ina pochin niꞌchinëhuahuëꞌ. Yosëri catahuarin niꞌton, naporin. Napoaton: ‘Tëhuënchachin Yosë quëran oꞌmarin,’ topi. Canpitantaꞌ nicatomaꞌ, nitotëramaꞌ.

Romanos 1:30

Nipinopi. Yosë inimicotopi. Maꞌtona maꞌtona nonpi. “Casoꞌ noya noyaco,” taꞌtonaꞌ, aꞌnapita nocanpi. Yonquirápi co noyahuëꞌ nicacaiso marëꞌ. Paꞌpinaꞌ, aꞌshinaꞌ, co inapita tërantaꞌ natëpihuëꞌ.

2 Timoteo 3:4

Iina niponaraihuëꞌ, nonpinapitonaꞌ shaꞌhuirapiapi. Co huachi yonquiapihuëꞌ: “Quiyasáchin nitotërai,” tosapi. Nipaꞌyatacasoáchin yonquiatonaꞌ, co huachi Yosë nohuantapihuëꞌ.

Santiago 4:4

Canpitasoꞌ co huachi Yosëíchin yonquiramahuëꞌ. Yosë yonquipiramahuëꞌ, nani maꞌsha naꞌcon naꞌcon nohuantatomaꞌ, yamonshihuaninso pochin cancantëramaꞌ. Capa cancantacasoáchin paꞌyatëramaꞌ. Maꞌsharáchin yonquiatomaꞌ, Yosë inimiconën pochin cancantëramaꞌ.