Juan 14:21 - Chayahuita (Shahui)

²¹ Nani pënënanquëmasoꞌ nitotatomaꞌ natëhuatamaco, tëhuënchachin nosoroaramaco, tënahuë. Nosorohuatamaco, Tata Yosëntaꞌ nosoroarinquëmaꞌ. Carinquëmantaꞌ nosoroaranquëmaꞌ. Inápaquë panantaporahuëꞌ, cancanëma quëran nontaranquëmaꞌ. Noya noya nohuitaramaco,” itërin Quisosori.

Juan 14:21 ပူးပေါင်းရင်းမြစ်များ

Éxodo 33:18

—Quëmasoꞌ, huënaráchin huënaráchin yaꞌnoran. Napoaton co napion yaniꞌnanquën. Niꞌinquën topirahuë, itërin Moisësëri.

Proverbios 8:17

Nosororinacosopita, carinta nosororahuë. Inpitaso cancantohuachinaco, quënanarinaco.

Jeremías 31:31

Naquëranchin Sinioro taantarin: “Aꞌna tahuëri Cota huënton israiroꞌsaꞌ, israiroꞌsaꞌ, inapitaroꞌco nasha quëran anoyatarahuë.

Lucas 11:28

Inaso napopirinhuëꞌ, Quisosori itapon: —Yosë nanamën natanahuatona natëpisopita tëhuënchinsoꞌ, noya noya cancantaponaꞌ tënahuë, itërin.

Juan 14:15

Ina quëran taantarin: “Nani pënënanquëmaꞌ. Nosorohuatamaco, natëaramaco.

Juan 14:18

Co saꞌahuaroꞌsaꞌ pochin nitaranquëmahuëꞌ. Co patomiataranquëmahuëꞌ. Ca nohuanto, Ispirito Santo yaꞌcoancantarinquëmaꞌ. Ca pochachin catahuarinquëmaꞌ.

Juan 15:14

Natëhuatamaco, tëhuënchachin nipayarahuëso pochin niꞌsaranquëmaꞌ.

Juan 16:14

Ca nonahuëso chachin aꞌchintarinquëmaꞌ niꞌton, noya noya niꞌsaramaco.

Juan 16:27

Tatahuë chachin nosororinquëmaꞌ. Nosororamaco niꞌton, nosororinquëmaꞌ. Ina aꞌpaimarincosoꞌ natëramaꞌ niꞌton, nosororinquëmaꞌ canpitantaꞌ.

Juan 17:23

Quëma pochachin yonquiato, inapita yaꞌcoancantërahuë canpo pochachin yonquicaiso marëꞌ. Ina quëran co imapisopitahuëntaꞌ nicatonaꞌ: ‘Tëhuënchachin Yosëri huiꞌnin aꞌpaimarin. Huiꞌnin nosororinso pochin imarinsopitantaꞌ nosororin,’ tosapi.

Hechos 22:18

Quisoso nontaantarinco. ‘Manorahuaton, Quirosarin quëran pipiquëꞌ. Ca nanamëhuë shaꞌhuihuatan, co natëarinënquënhuëꞌ,’ itërinco.

2 Corintios 12:8

Ina marëꞌ chiníquën Sinioro nontërahuë. “Catahuaco ama parisichisohuëꞌ,” itërahuë. Cararoꞌ ina pochin nontopirahuëꞌ.

2 Corintios 3:18

Sinioro imapatëhuaꞌ, co huachi nipaꞌcopirayatërëso pochin cancantarihuahuëꞌ. Isihuicoquë maꞌsha aꞌnotërëso pochin ninëhuaꞌ. Yosë nóya nininsoꞌ piyapiꞌsaꞌ anitotërëhuaꞌ. Apira apira ina yonquihuatëhuaꞌ, oshaquëran Yosë pochachin cancantarihuaꞌ. Ina nohuanton, Ispirito Santo catahuarinpoaꞌ noya noya cancantacaso marëꞌ.

2 Corintios 4:6

Yaꞌnan isoroꞌpaꞌ acoapon yaꞌipi parti tashipirinhuëꞌ: “Niiꞌsohuanchin huachi,” tënin Yosë. Napohuachina, tahuëri yaꞌhuërin. Inapochachin iporasoꞌ cancanënpoaquë aꞌpintërinpoaꞌ ina nohuitacaso marëꞌ. Inasoꞌ noya noya. Quisocristo yaꞌpirin quëran aꞌpintërinpoaso pochin ninin. Ina yonquihuatëhuaꞌ, Yosë chachin anohuitarinpoa huachi.

Deuteronomio 7:13

Nosoroatënquëma catahuaarinquëma niꞌton, ina nohuanton naꞌa huiꞌnama yaꞌhuëtarinquëmaꞌ. Huiꞌnamapitantaꞌ, inapochachin catahuamiatarin. Trico, sipata, inapita shaꞌnamasontaꞌ, noya noyatarin. Ina nohuanton huinonta oꞌocamasoꞌ, tomanta capamasoꞌ, co pahuantarinquëmahuëꞌ. Ina nohuanton ohuacanëmantaꞌ, ohuicanëmanta naꞌasarin. Shimashonënpoapita shaꞌhuitaton: ‘Caso Yosëco niꞌto, iso noꞌpaꞌ quëtaranquëmaꞌ,’ itërin. Ina niꞌton quëtarinquëmaꞌ. Inaquë yaꞌcontapamaꞌ, inapotarinquëmaꞌ.

2 Tesalonicenses 2:16

Sinioro Quisocristo catahuainquëmaꞌ chiníquën cancantacamaso marëꞌ. Inaora nohuanton, Tata Yosëntaꞌ nosoroatonpoaꞌ, achinicancamiatërinpoaꞌ. Aꞌna tahuëri yaꞌhuërinquë chachin quëpantarinpoaꞌ. Shaꞌhuitërinpoaꞌ niꞌton, ina ninarëhuaꞌ.

2 Timoteo 4:22

Sinioro Quisocristo achinicancainquën. Yaꞌipinquëmaꞌ imaramasopita inaora nohuanton, noya catahuainquëmaꞌ. Nani huachi. Paono

1 Juan 2:5

Yosë nanamën natëhuatëhuaꞌ, noya noya Yosë nosoroarihuaꞌ. Ina pochin cancantohuatëhuaꞌ, tëhuënchachin ina nohuitarihuaꞌ.

1 Juan 3:1

Ma noya Tata Yosë nosororinpoaꞌ niꞌton, huiꞌninpita pochachin niꞌninpoaꞌ. Huëntonënquë chachin ayaꞌconinpoaꞌ. Co imapisopitasohuëꞌ nipirinhuëꞌ co nitotopihuëꞌ. “¿Onpoatontaꞌ Yosë pochin cancantacasoꞌ nohuantopi?” toconpi. Co Yosë nohuitatonahuëꞌ, napopi.

1 Juan 5:3

Yosë nosorohuatëhuaꞌ, pënëninpoasoꞌ noꞌtëquën natëarihuaꞌ. Catahuahuachinpoaꞌ, nanitaparëhuaꞌ.

2 Juan 1:6

Yosë nosorohuatëhuaꞌ, natëarihuaꞌ. “Yaꞌipi piyapiꞌsaꞌ nosorocoꞌ,” itërinpoaꞌ. Yaꞌnan imarama quëra huarëꞌ ina natanamaꞌ.

Apocalipsis 2:17

Imaramaco niꞌton, Ispirito Santo chachin nontarinquëmaꞌ. Huëratëhuanpatamaꞌ, noya natanatomaꞌ, yonquicoꞌ. Sopai minsëhuatamaꞌ, noya cancantarama huachi. Iráca israiroꞌsaꞌ Yosëri cosharoꞌ aꞌpatimarin, mana itopisoꞌ. Inachachin poꞌorahuësoꞌ carimantaꞌ quëchinquëmaꞌ sano cancantacamaso marëꞌ. Imaramaco niꞌton, nasha nininëmaꞌ aꞌnaya aꞌnayanquëmaꞌ acoꞌinquëmaꞌ. Canpitaora nitotaramaꞌ. Huiri naꞌpiquë ninshitahuato, quëchinquëmaꞌ. Cancanëma quëran noya noya nohuitaramaco huachi. Nani huachi,” itëquëꞌ, ninshitohuatan, itërinco.

Apocalipsis 22:14

Huënainën quëran anoyacancantërinsopita nóya cancantaponaꞌ. Aꞌmopisoꞌ pëꞌsarëso pochin noyápiachin cancantapi. Inapitasáchin nanan yaꞌhuëtopi nanpirin nara nitërinsoꞌ capatonaꞌ, nanpimiatacaisoꞌ. Naporahuaton, nasha Quirosarinquë noya yaꞌconapi.

Apocalipsis 3:20

Cancanëmaquë yayaꞌcoancantëranquëmaꞌ. Ina marëꞌ nontaranquëmaꞌ. Yaꞌcoana piꞌnirëso pochin ninaranquëmaꞌ. Natanahuatamaco: ‘Yaꞌcoancantoco,’ itohuatamaco, yaꞌcoancantaranquëmaꞌ. Niichicoshatërëso pochin nóya ninohuitarihuaꞌ.