Juan 14:14 - Chayahuita (Shahui)

¹⁴ Ca pochin yonquiatomaꞌ, maꞌsona nipatamaco acotaranquëmaꞌ.

Juan 14:14 ပူးပေါင်းရင်းမြစ်များ

Juan 14:13

Ca pochin yonquihuatamaꞌ, nanan quëchinquëmaꞌ Tatahuë nontacamaso marëꞌ. “Huiꞌnan chachin nanan quëtërinco,” taꞌtomaꞌ, ina nontocoꞌ. Ca pochin cancantatomaꞌ, maꞌsona nipatamaco acotaranquëmaꞌ. Aꞌnapitantaꞌ Tata Yosë noya noya nicacaiso marëꞌ inapoarahuë. Ina naꞌcon nohuantërahuë.

Juan 14:16

Inápaquë panantahuato, Tata nontarahuë Ispirito Santo aꞌpatimarinquëmaꞌ. Inaso ca pochachin catahuarinquëmaꞌ, achinicancanarinquëmaꞌ. Co onporontaꞌ patarinquëmahuëꞌ.

Juan 15:16

Co canpitaora nohuanton imaramacohuëꞌ. Ca nohuanto, imaramaco. Carinquëmaꞌ huayonanquëmaꞌ. Nani acoranquëma opa sëꞌpaquën naꞌcon nitërinso pochin nisápamaso marëꞌ. Inapohuatamaꞌ: ‘Quisoso nanan quëtërinco,’ taꞌtomaꞌ, Yosë nontocoꞌ catahuainquëmaꞌ. Ca pochin yonquiatomaꞌ, maꞌsona nipatamaꞌ, acochinquëmaꞌ.

Juan 16:23

“Naporoꞌ co huachi natanaramacohuëꞌ. Noꞌtëquën shaꞌhuitëranquëmaꞌ. Ca pochin yonquiatomaꞌ, Tata Yosë nontocoꞌ. ‘Quisoso nanan quëtërincoi,’ taꞌtomaꞌ, maꞌsona nipatamaꞌ, acotarinquëmaꞌ.

Juan 16:24

Ipora huantaꞌ co ina pochin Yosë nonchátëraramahuëꞌ. Iporaso nipirinhuëꞌ ca pochin yonquiatomaꞌ, maꞌsha nico quëchinquëmaꞌ. ‘Quisoso nanan quëtërincoi,’ taꞌtomaꞌ, nani tahuëri nontácoꞌ nóya cancantacamaso marëꞌ,” itërincoi.

1 Corintios 1:4

Quisocristo imapatamaꞌ, Yosë nosoroatënquëmaꞌ, catahuarinquëmaꞌ. Ina marëꞌ, “Yosparinquën,” itërahuë Yosë.