Juan 13:5 - Chayahuita (Shahui)

⁵ Ina quëran iꞌsha panticaquë oporahuaton, nantëhuëi paꞌmorantëraꞌpiarincoi. Aꞌnaya aꞌnaya paꞌmorantëatoncoi, paniocaraquë amirantërincoi.

Juan 13:5 ပူးပေါင်းရင်းမြစ်များ

Génesis 18:4

Canpita topatamaꞌ, nipaꞌmorantëcamaso marëꞌ piyapinëhuë iꞌsha quëshiinquëmaꞌ. Inapoatomaꞌ, nara tashinantërinquë, naꞌyapoma pochin, chinototacoꞌ.

Génesis 19:2

Monshorin quëran itapon: —Caso siniororoꞌsa piyapinëma pochinco. Huëco pëinëhuëquë onpopionta huëꞌëcamaso nohuantocoꞌ. Inaquë nanitërama nipaꞌmorantëcamasoꞌ. Tashiraya yapaꞌpatama paantacoꞌ, itërin. Napotopirinhuëꞌ, inapitaso co nohuantopihuëꞌ. —Naporinchi paya. Napopiranhuëꞌ co nohuantëraihuëꞌ. Caniquë tëranta noya huëꞌëpoi, itopi.

Génesis 43:24

Ina quëran, yaꞌipi chachin Cosi pëinënquë poꞌmorin. Inaquë iꞌsha nipaꞌmorantëcaiso marëꞌ quëtërin. Moranënapitantaꞌ, aꞌcarin.

Salmos 51:2

Co noyahuëꞌ cancantërahuëso noyá paꞌmorëso pochin, oshanëhuë inquitatonco noyápiachin cancan quëtoco.

Isaías 1:16

Amarëso pochin nicatomaꞌ, ¡ama huachi oshahuancosohuëꞌ! ¡Co noyahuëꞌ ninamasopita aꞌpoco huachi!

Ezequiel 36:25

Canpitaso mamanshiroꞌsa moshatomaꞌ, nëꞌhuëtërinso pochin ninamaꞌ. Napoatoma co noyahuëꞌ nipiramahuëꞌ. Naporamasoꞌ, inquitaranquëmaꞌ. Nëꞌmëtë nëꞌhuëtërinsoꞌ, noyaiquë pëꞌsarëso pochin nitaranquëmaꞌ.

Lucas 7:38

Quisoso yaꞌyoranconahuaton, oshanën marëꞌ sëtaton naꞌnërin. Naꞌnëhuachina, naꞌnëinën quëran Quisoso nantëquën shipitërin. Ainën quëran amirantërahuaton, apinorantërin. Ina quëran pimo huaꞌsaiquë pashirantëtërin.

Lucas 7:44

Ina tosahuaton, sanapi tahuërëtahuaton, Simon itërin: —Iso sanapi niꞌquëꞌ. Quëma pëinënquë yaꞌconpirahuëꞌ, co inachintërëhuasoꞌ ninanhuëꞌ. Co iꞌsha tërantaꞌ quëtërancohuëꞌ nipaꞌmorantëcaso marëꞌ. Iso sanapiso nipirinhuëꞌ naꞌnëinën quëran paꞌmorantërinco. Ainën quëran amirantërinco.

Juan 13:10

—Co ina nohuantërëhuëꞌ. Nani amahuatëra, co huachi nëꞌhuëtërëhuëꞌ. Nantëichin paꞌmorëꞌ. Inapochachin nani anoyacancantëranquëmaꞌ. Ina piquëran co noyahuëꞌ nipatamaꞌ, inantaꞌ inquitaantaranquëmaꞌ. Ina quëran noya cancantaantaramaꞌ. Canpitasoꞌ noyápiachin cancantëramaꞌ. Aꞌnaichinquëmaꞌ co noyápiachin cancantërinhuëꞌ, itërin.

Juan 13:6

Simon Pitrontaꞌ yapaꞌmorantëpirinhuëꞌ, co nohuantërinhuëꞌ. —Quëma Sinioro, ¿yapaꞌmorantëranco ti? itërin.

Juan 13:8

—Co onporontaꞌ casoꞌ paꞌmorantëarancohuëꞌ, itërin Pitrori. —Co napotohuatënquënhuëꞌ, co ca pochin cancantaton imamiatarancohuëꞌ, itërin Quisosori.

Juan 19:34

Aꞌna sontaroso nipirinhuëꞌ, nansaquë nininpitën ohuantërin. Huënaiꞌ iꞌshapitarë chachin pipirin.

Hechos 22:16

Napoaton ama huaꞌquiquësohuëꞌ. Apiramiáchin huaniquëꞌ. “Quisoso imasarahuë huachi,” taꞌton, aporihuanquëꞌ. Ina nontohuatan, oshanën inquitarinquën,’ itërinco.

1 Corintios 6:11

Iráca aꞌnaquëmaꞌ ina pochin nipiramahuëꞌ. Sinioro Quisocristo imapatamara, oshanëmaꞌ inquitërinquëmaꞌ. Nani anoyacancantërinquëmaꞌ niꞌton, Yosë noya niꞌninquëmaꞌ. Ispirito Santo chachin catahuarinquëmaꞌ noya cancantacasoꞌ.

Efesios 5:26

Quisocristo chiminin anoyacancantinpoaso marëꞌ. Nanamën natëhuatëhuara, noyápiachin cancan quëtërinpoaꞌ. Iꞌquë amarëso pochin oshanënpoaꞌ inquitërinpoaꞌ.

1 Timoteo 5:10

Noya nininsoráchin acoꞌinaꞌ. Iso pochin nipisopita: Huaꞌhuinpita noya asoꞌsorinsoꞌ. Niꞌtoroꞌsaꞌ huëꞌpachinara, oꞌshitërinsoꞌ. Co mantaꞌ apirarinsohuëꞌ. Piyapinën pochin cancantaton, imapisopita catahuarinsoꞌ. Parisitopisopita nosororinsoꞌ. Noyasáchin nininsoꞌ. Ina pochin nipisopita acoꞌinaꞌ.

Hebreos 10:22

Napoaton Quisocristoíchin natëtëhuaꞌ, yaꞌipi cancanënpoa quëran Yosë nontahuaꞌ. Nani oshanënpoaꞌ inquitërinpoaꞌ niꞌton, noya cancantarëhuaꞌ. Quisocristo anoyacancantërinpoaꞌ niꞌton, noya iꞌquë amarëso pochin noyápiachin cancantarihuaꞌ.

1 Juan 1:7

Yosësoꞌ noyasáchin ninin. Tahuëri pochin cancantërin. Canpoantaꞌ tahuëri pochin yonquihuatëhuaꞌ, Yosë nohuitarihuaꞌ. Naporahuaton, noya niniꞌtëhuaꞌ yaꞌhuarihuaꞌ. Huiꞌnin chachin chiminin niꞌton, yaꞌipi oshanënpoaꞌ inquitarinpoaꞌ. Huënainën quëran anoyacancantarinpoaꞌ.

1 Juan 5:6

Quisocristo isoroꞌpaquë chachin oꞌmarin. Oꞌmahuachina, Yosë nohuanton, iꞌquë aporihuanin. Nani yaꞌipi shaꞌhuitërinsoꞌ tiquiaton, corosëquë chiminpachina, huënainën paꞌnin. Co topinan aporihuaninhuëꞌ. Oshanënpoaꞌ inquitinpoaso marëꞌ chiminin. Naporahuaton, Ispirito Santontaꞌ cancanënpoa quëran anitotërinpoaꞌ. Inasoꞌ noꞌtëquën shaꞌhuitërinpoaꞌ. “Quisososoꞌ Yosë huiꞌnin chachin,” itërinpoaꞌ.

Apocalipsis 1:5

Quisocristontaꞌ inaora nohuanton, catahuainquëmaꞌ. Asanocancainquëmaꞌ. Iráca isoroꞌpaquë oꞌmarahuaton, noꞌtëquën aꞌchintërinpoaꞌ. Inaꞌton chiminaponahuëꞌ, nanpiantarin. Chimirin minsërahuaton, yaꞌipiya huaꞌanëntarin. Yaꞌipi huaꞌanoꞌsa quëran chini chiníquën nanantarin. Naporahuaton, naꞌcon nosororinpoaꞌ. Oshanënpoaꞌ inquitinpoaso marëꞌ huënainën aꞌparin. Chiminaton, nichaꞌërinpoa.

Apocalipsis 7:14

—Co casoꞌ nitotërahuëꞌ. Quëma nitotëransoꞌ. Shaꞌhuitoco cantaꞌ nitochi, itohuatëra, shaꞌhuitërinco: —Isopitasoꞌ chiníquën parisitaponaraihuëꞌ, co Yosë aꞌpopihuëꞌ. Carniroaꞌhuari huënainën quëran anoyacancantërin niꞌton, huiríchin aꞌmopi.