Juan 13:36 - Chayahuita (Shahui)

³⁶ Ina quëran Simon Pitrori itapon: —¿Intohuataꞌ Sinioro paꞌsaran? itërin. —Intohuasoꞌ paꞌpato, co ipora nanitëranhuëꞌ imaancosoꞌ. Aꞌna tahuëri imasaranco, itërin.

Juan 13:36 ပူးပေါင်းရင်းမြစ်များ

Juan 13:33

Huiꞌnahuëpita pochin niꞌpiranquëmahuëꞌ, co huachi huaꞌquiꞌ yaꞌhuapohuëꞌ. Yonípiramacohuëꞌ, intohuasoꞌ paꞌnahuëquë, co nanitaramahuëꞌ pacacamasoꞌ. Iꞌhua inachachin cotioroꞌsantaꞌ shaꞌhuitërahuë.

Juan 14:2

Tatahuë yaꞌhuërinquë naꞌa pëiꞌ yaꞌhuërin. Co yaꞌhuërinhuëꞌ naporini, nani shaꞌhuichitënquëmahuëꞌ. Inatohuaꞌ panantarahuë canpita yaꞌhuëcamaso marëꞌ tapachinquëmaꞌ.

Juan 16:17

Caꞌtanoꞌsanënpitacoi ninontërai. —¿Maꞌtaꞌ tapon naporin? “Piꞌpian pahuanarin pacaꞌhuasoꞌ. Paꞌpato, co quënanaramacohuëꞌ. Ina quëran quënaantaramaco,” tënin. “Tatahuë yaꞌhuërinꞌpaꞌ paantarahuë,” tënin antaꞌ.

Juan 16:5

Iporasoꞌ ‘Yosëꞌpaꞌ paantarahuë,’ itopiranquëmahuëꞌ: ‘¿Intohuataꞌ paꞌsaran?’ co itëramacohuëꞌ.

2 Pedro 1:14

Co huaꞌquiya quëranhuëꞌ chiminarahuë. Sinioro Quisocristo nani anitotërinco.