Juan 13:33 - Chayahuita (Shahui)

³³ Huiꞌnahuëpita pochin niꞌpiranquëmahuëꞌ, co huachi huaꞌquiꞌ yaꞌhuapohuëꞌ. Yonípiramacohuëꞌ, intohuasoꞌ paꞌnahuëquë, co nanitaramahuëꞌ pacacamasoꞌ. Iꞌhua inachachin cotioroꞌsantaꞌ shaꞌhuitërahuë.

Juan 13:33 ပူးပေါင်းရင်းမြစ်များ

Juan 13:36

Ina quëran Simon Pitrori itapon: —¿Intohuataꞌ Sinioro paꞌsaran? itërin. —Intohuasoꞌ paꞌpato, co ipora nanitëranhuëꞌ imaancosoꞌ. Aꞌna tahuëri imasaranco, itërin.

Juan 14:19

Co huaꞌquiꞌ isëquë yaꞌhuapohuëꞌ. Paꞌpato, co imarinacosopitahuëꞌ co huachi quënanarinacohuëꞌ. Canpitaso nipirinhuëꞌ quënaantaramaco. Nanpiantarahuë niꞌton, Yosë nohuitatomaꞌ nanpimiataramaꞌ.

Juan 14:2

Tatahuë yaꞌhuërinquë naꞌa pëiꞌ yaꞌhuërin. Co yaꞌhuërinhuëꞌ naporini, nani shaꞌhuichitënquëmahuëꞌ. Inatohuaꞌ panantarahuë canpita yaꞌhuëcamaso marëꞌ tapachinquëmaꞌ.

Juan 7:36

¿Maꞌtaꞌ tapon naporin? “Yonípiramacohuëntaꞌ, co quënanaramacohuëꞌ. Insëquësona paꞌnahuëquë co canpitasoꞌ nanitaramahuëꞌ pacacamasoꞌ,” toconin, nitopi.

Gálatas 4:19

Naꞌcon iyaroꞌsaꞌ nosororanquëmaꞌ. Huiꞌnahuëpita pochachin niꞌnanquëmaꞌ. Niꞌcoꞌ. Sanapi yahuaihuachina, chiníquën parisitërin. Inapochachin cantaꞌ naꞌcon yonquiatënquëmaꞌ, chiníquën parisitarëso pochin cancantërahuë. Canpitantaꞌ Quisocristo pochachin cancantacamasoꞌ naꞌcon nohuantërahuë. Quisocristoráchin imapatamaꞌ, oshaquëran ina pochachin cancantaramaꞌ. Ina marëꞌ naꞌcon yonquiáranquëmaꞌ.

1 Juan 2:1

Quisocristo imaramaꞌ niꞌton, huiꞌnahuëpita pochin niꞌnanquëmaꞌ. Ninshitaranquëmaꞌ noyasáchin nicacamaso marëꞌ. Nipirinhuëꞌ, co noyahuëꞌ nipatëhuaꞌ, Quisocristo catahuarinpoaꞌ. Oshahuanëhuaꞌ niꞌton, anaꞌintinpoasoꞌ yaꞌhuëpirinhuëꞌ. Canpoa marëꞌ Yosë nontaton, nanan anoyatarinpoaꞌ. Inasoꞌ noꞌtëquënáchin yonquirin.

1 Juan 4:4

Canpitasoꞌ apiaꞌhuaroꞌsaꞌ, Yosë huiꞌninpitanquëmaꞌ ninamaꞌ. Noꞌtëquën yonquiatomaꞌ, nisha aꞌchinaꞌpiroꞌsaꞌ minsëaramaꞌ. Sopai nohuanton, nonpin nananoꞌsaꞌ aꞌchintopirinënquëmahuëꞌ, Ispirito Santo nani yaꞌcoancantërinquëmaꞌ. Inasoꞌ sopai quëran chini chiníquën nanantarin niꞌton, catahuahuachinpoaꞌ, co nonpin nananoꞌsaꞌ natëtarihuahuëꞌ.

1 Juan 5:21

Apiaꞌhuaroꞌsaꞌ. Mamanshiroꞌsasoꞌ, co moshacasoꞌ yaꞌhuërinhuëꞌ. Yosëíchin chinotahuaꞌ. Nani huachi. Coansha