Juan 13:23 - Chayahuita (Shahui)

²³ Casoꞌ Quisoso inchinanën quëran coshatërahuë. Naꞌcon nosororinco niꞌton, inaporahuë.

Juan 13:23 ပူးပေါင်းရင်းမြစ်များ

2 Samuel 12:3

Aꞌnaso nipirinhuëꞌ, aꞌnaíchin ohuicaꞌhua paꞌaninsoꞌ yaꞌhuëtërin. Inaora chachin nocomarin niꞌton, aꞌshinin. Huiꞌninpitarë napopináchin ohuicaꞌhuanta soꞌsorin. Inaora cosharonën chachin aꞌcarin. Oꞌorinsoꞌ oꞌshitërin. Ina pirayan huëꞌërin. Naporin. ¡Huiꞌnin sanapiaꞌhua nosororinso pochachin nosororin!

Lucas 16:22

Napoin quëran Nasaro chiminin huachi. Chiminpachina, Yosëꞌpaꞌ anquëniroꞌsari quëparin. Apraan pantarinquë chachin pantarin. Ina quëran maꞌhuaontaꞌ chimininpachina, paꞌpitopi.

Juan 1:18

Co inquënpoa tërantaꞌ Yosë quënanëhuahuëꞌ. Huiꞌniniso nipirinhuëꞌ noyá nohuitërin. Yosë pochachin niꞌton, napopianachin yonquipi. Inasáchin Tata Yosë anohuitërinpoaꞌ.

Juan 11:3

Caniohuachina, oshinpitari piyapi aꞌpapi Quisoso shaꞌhuitacaso marëꞌ: —Nosororansoꞌ Sinioro, chiníquën caniorin. Huëcaton niꞌquiquëꞌ, itërin.

Juan 11:36

Ina niꞌsahuatonaꞌ, cotioroꞌsaꞌ nitaponaꞌ: —Niꞌcoꞌ. Naꞌnërin antaꞌ. Paꞌpi nosororin inarintaꞌ, itopi.

Juan 11:5

Nasaro, Marta, Maria, inapita paꞌpi nosororin.

Juan 13:24

Simon Pitro imirin quëran tasatahuatonco, “nataniquëꞌ: ¿Incaritaꞌ shaꞌhuirapiarin?” itërinco.

Juan 13:25

Napotohuachincora, amasha yaꞌcarirahuato, natanahuë. —¿Intaꞌ Sinioro yashaꞌhuirapirinquën? itërahuë.

Juan 19:26

Cantaꞌ inaquë huaniarahuë. Quënanahuatonco, aꞌshin itapon: —Iso quëmapi mama, huaꞌhuan pochin niꞌquëꞌ. Ina niꞌsarinquën huachi, itërin. Naꞌcon nosoroatonco napotërin.

Juan 20:2

“Quisoso nonën nani quëpapi,” taꞌton, taꞌaquirin. Canquirahuaton, Simon Pitroroꞌcoi shaꞌhuitiirincoi. —¡Sinioro nonën poꞌmopi quëran, nani quëpapi! Intohuasoꞌ quëpapisoꞌ co nitotërahuëꞌ, itiirincoi.

Juan 21:20

Iꞌhua coshatapoi, Quisoso pirayan coshatërahuë. Naporoꞌ “¿Intaꞌ Sinioro shaꞌhuirapiarinquënsoꞌ?” itërahuë Pitro nitotacaso marëꞌ. Iporasoꞌ sonoꞌ yonsanquë Pitro tahuërërahuaton, quënaninco.

Juan 21:24

Nani carinquëmasoꞌ shaꞌhuitëranquëmaꞌ. Noꞌtëquën ninshitëranquëmaꞌ. Yaꞌipiya nicatoi, nitotërai.

Juan 21:7

Naporoꞌ Sinioro nohuitërahuë huachi. —Pasosoꞌ Sinioro chachin, itërahuë Pitro. Itohuatëra, iꞌnanpirapi sacatarin niꞌton, aipi aꞌmorinsoꞌ aꞌnaroáchin masahuaton, aꞌmorin. Manorahuaton, iꞌquë niitërin.