Juan 13:22 - Chayahuita (Shahui)

²² Ina natanahuatoi, aꞌnaya aꞌnayacoi niniꞌnai. “¿Inquënpoacha yashaꞌhuirapirëhuaꞌ nicaya?” tënai, yonquiatoi.

Juan 13:22 ပူးပေါင်းရင်းမြစ်များ

Génesis 42:1

Iquipitoquë trico paꞌanacaso yaꞌhuërinsoꞌ, Cacopontaꞌ nataantërin. Ina natantahuaton, huiꞌninpita itapon: “¡Co topinan niniꞌsápamaso yaꞌhuërinhuëꞌ!

Mateo 26:21

Coshatapona pochin itërin: —Noꞌtëquën ipora itaranquëmaꞌ. Shonca catonquëmaꞌ caꞌtanpiramacohuëꞌ, aꞌnaquëmaꞌ shaꞌhuirapiaramaco, itërin.

Mateo 26:22

Natanahuatonaꞌ, sëtopi. Sëtatonaꞌ, aꞌnaya aꞌnayari Quisoso natanpi. —¿Incoitaꞌ Sinioro, yashaꞌhuirapirainquën? ¿Co cahuëꞌ nimara ti? itopi aꞌnaya aꞌnayari.

Marcos 14:18

Misaquë coshatasoiꞌ, Quisosori itapon: —Noꞌtëquën iyaroꞌsaꞌ itëranquëmaꞌ. Aꞌnaquëmaꞌ carëꞌ coshatapomarahuëꞌ, shaꞌhuirapiaramaco, itërin.

Marcos 14:19

Natanahuatonaꞌ, sëtopi. Sëtatonaꞌ, aꞌnaya aꞌnayari Quisoso natanpi. —¿Incoitaꞌ Sinioro yashaꞌhuirapirainquën? ¿Co cahuëꞌ nimara ti? topi aꞌnaya aꞌnaya.

Lucas 22:21

Napoaponahuëꞌ, aꞌnaquëmaꞌ carëꞌquëma chachin coshatapomarahuëꞌ, shaꞌhuirapiaramaco.

Lucas 22:23

“¿Inquënpoacha yashaꞌhuirapirëhuaꞌ nicaya?” nitopi.

Juan 13:18

“Co yaꞌipinquëmaꞌ noya cancantëramahuëꞌ. Shonca catoyaꞌpinquëmaꞌ huayonanquëmaꞌ caꞌtanamacoso marëꞌ. Yaꞌipinquëmaꞌ noyá nohuitëranquëmaꞌ. Yosë quiricanënquë iráca naporin: ‘Aꞌnaraꞌ carëꞌ coshataponahuëꞌ, inimicotarinco,’ tënin. Ipora huarëꞌ ina pochin nisarin.

Juan 13:21

Naporoꞌ Quisoso sëtërin. Chiníquën sëtaton, co napion cancantërin. —Noꞌtëquën shaꞌhuitëranquëmaꞌ. Shonca catonquëmaꞌ caꞌtanpiramacohuëꞌ, aꞌnayanquëmaꞌ shaꞌhuirapiarinco, itërincoi.