Juan 13:13 - Chayahuita (Shahui)

¹³ Canpitasoꞌ nontohuatamacora, “Maistro” itëramaco. “Sinioro” itëramaco antaꞌ. Noꞌtëquën yonquiatomaꞌ, napotëramaco. Canpita maistronëmaco mini. Sinioroco niꞌto, natëramaco.

Juan 13:13 ပူးပေါင်းရင်းမြစ်များ

Jeremías 1:12

“Noꞌtëquën niꞌnan. Nonahuësopita aꞌnaroáchin ananicaꞌhuaso marëꞌ carinta yonquirápo,” taantarin.

Mateo 20:28

Cantaꞌ Yosë quëran quëmapico niporahuëꞌ, co aꞌnapita camaicaꞌhuaso marëꞌ oꞌmarahuëꞌ. Piyapiꞌsaꞌ catahuacaꞌhuaso marëꞌ oꞌmarahuë. Chiminarahuë naꞌa piyapiꞌsaꞌ nichaꞌëcaꞌhuaso marëꞌ, itërin Quisosori.

Lucas 10:28

—Noꞌtëquën naporan. Ina pochin nipatan, Yosë pochin cancantaton, nanpimiataran huachi, itërin Quisosori.

Lucas 6:46

Ina quëran itantarin: “Aꞌnaquëmaꞌ ‘Sinioro, Sinioro,’ itapomaracohuëꞌ, ¿onpoatontaꞌ co natëramacohuëꞌ?

Lucas 7:43

—Naꞌcon naꞌcon ayatërinsoari naꞌcon naꞌcon nosoroarin, topirahuëꞌ, tënin. —Ina mini. Noꞌtëquën yonquiran, tënin.

Juan 11:28

Ina tosahuaton, Marta paꞌnin cain shaꞌhuitapon. Canconahuaton, sacaro quëran shaꞌhuitërin. —Nani Maistro huëꞌnin. Yanontërinquën, itërin.

Juan 11:3

Caniohuachina, oshinpitari piyapi aꞌpapi Quisoso shaꞌhuitacaso marëꞌ: —Nosororansoꞌ Sinioro, chiníquën caniorin. Huëcaton niꞌquiquëꞌ, itërin.

1 Corintios 12:3

Iporahuantaꞌ aꞌnaquëni co noyahuëꞌ yonquirapitonaꞌ Quisocristo noꞌhuipi. Inapitasoꞌ co Ispirito Santo natëpihuëꞌ. Ispirito Santo yaꞌcoancantohuachinpoaꞌ, catahuarinpoaꞌ Quisocristo natëcasoꞌ. “Quisocristoíchin natërahuë. Inasoꞌ huaꞌanëntërinco,” tënëhuaꞌ. Ispirito Santo nohuanton, naporëhuaꞌ.

1 Corintios 8:6

Canpoaso nipirinhuëꞌ Tata Yosëíchin chinotërëhuaꞌ. Yaꞌipi maꞌsha ninin. Ina marëꞌ acorinpoaꞌ. Quisocristoíchin huaꞌanëntërinpoaꞌ. Ina nininpoaꞌ. Nani nichaꞌërinpoaꞌ ina nohuitatëhuaꞌ nanpicaso marëꞌ.

Efesios 6:9

Patronoꞌsaquëmantaꞌ, piyapinëmapita noya nontocoꞌ. Ama noꞌhuiana quëran camaitocosohuëꞌ. Yosë niꞌsarinquëmaꞌ canpitantaꞌ. Inasoꞌ inápaquë yaꞌhuaton, huaꞌanëntërinpoaꞌ. Napopianáchin niꞌninpoaꞌ. Co maꞌhuanoꞌsaꞌ noya noya niꞌninhuëꞌ.

Filipenses 2:11

“Quisocristosoꞌ Yosë huiꞌnin niꞌton, yaꞌipiya huaꞌanëntarin,” tëcaponaꞌ. Ina quëran Tata Yosë naꞌcon naꞌcon yonquiarëhua huachi.

Filipenses 3:8

Ina naꞌcon naꞌcon nohuantato, inasáchin yonquirahuë. Iráca cotioroꞌsaꞌ noya niꞌninaco. Huaꞌanoꞌsaquë huarëꞌ noya niꞌpirinacohuëꞌ, Quisocristo imapatëra, aꞌporinaco. Noꞌhuipirinacohuëꞌ, co ina yonquirahuëꞌ. Iráca yonquirahuësoꞌ amoro pochin nicato, co piꞌpisha tërantaꞌ nohuantërahuëꞌ. Quisocristo nohuitaꞌhuasoráchin nohuantërahuë. Ina nohuitacasoꞌ noya noya, tënahuë. Inasáchin huaꞌanëntërinco.

Santiago 2:19

“Aꞌnaíchin Yosë yaꞌhuërin,” ¿tënan ti? Noꞌtëquën nonan. “Yosë yaꞌhuarin mini,” topi sopairoꞌsantaꞌ. Ina nitotopi niꞌton, tëꞌhuatatonaꞌ, ropa ropatapi. Napoaponaraihuëꞌ, co Yosë imapihuëꞌ. Co napopiso marëꞌ Yosëꞌpaꞌ paꞌsapihuëꞌ.