Juan 13:11 - Chayahuita (Shahui)

¹¹ Cotasëri yashaꞌhuirapirinsoꞌ ninoton, naporin. Napoaton “Aꞌnaichinquëmaꞌ co noyápiachin cancantërinhuëꞌ,” tënin.

Juan 13:11 ပူးပေါင်းရင်းမြစ်များ

Juan 13:18

“Co yaꞌipinquëmaꞌ noya cancantëramahuëꞌ. Shonca catoyaꞌpinquëmaꞌ huayonanquëmaꞌ caꞌtanamacoso marëꞌ. Yaꞌipinquëmaꞌ noyá nohuitëranquëmaꞌ. Yosë quiricanënquë iráca naporin: ‘Aꞌnaraꞌ carëꞌ coshataponahuëꞌ, inimicotarinco,’ tënin. Ipora huarëꞌ ina pochin nisarin.

Juan 13:2

Inaroꞌcoi coshatarai. Sopai huaꞌani nani Cotasë ayonquirin Quisoso shaꞌhuirapicaso marëꞌ. Simon Iscarioti huiꞌnin inasoꞌ.

Juan 13:21

Naporoꞌ Quisoso sëtërin. Chiníquën sëtaton, co napion cancantërin. —Noꞌtëquën shaꞌhuitëranquëmaꞌ. Shonca catonquëmaꞌ caꞌtanpiramacohuëꞌ, aꞌnayanquëmaꞌ shaꞌhuirapiarinco, itërincoi.

Juan 13:26

—Iso pan, nocaroquë iꞌshirahuato quëtarahuë. Insosona quëtohuato, ina shaꞌhuirapiarinco, itërinco. Ina quëran iꞌshirahuaton, Cotasë quëtërin. Simon Iscarioti huiꞌnin inasoꞌ.

Juan 17:12

Inapitaroꞌco yaꞌhuasoco, quëma nanamën aꞌchintërahuë, pënënahuë, naꞌcon catahuarahuë imamiatinacoso marëꞌ. Noya aꞌpairahuë. Co aꞌnaya tërantaꞌ aꞌpoarinacohuëꞌ. Aꞌnaíchin pipirin, parisitopiquë pacacasoꞌ yaꞌhuërinsoꞌ. Quëma quiricanënquë ninoranso chachin nanirin.

Juan 18:4

Quisososoꞌ yaꞌipiya ninoponahuëꞌ, co taꞌarinhuëꞌ. Nacapiapon paꞌnin. —¿Intaꞌ yonisaramaꞌ? itërin.